बुधवार, 21 ऑक्टोबर 2026
आरोग्य कर्मचाऱ्यांसाठी आनंदाची बातमी!; १८ हजार कंत्राटी कामगार, अधिकाऱ्यांची कायमस्वरूपी नियुक्ती
मुख्यमंत्री देवेंद्र फडणवीस आणि उपमुख्यमंत्री एकनाथ शिंदे, सुनेत्रा पवार व आरोग्यमंत्री मेघना बोर्डीकर यांच्या उपस्थितीमध्ये संबंधित अधिकारी, कर्मचाऱ्यांना नियुक्ती पत्रे दिली जाणार आहेत. मिळालेल्या माहितीनुसार, राज्यातील वेगवेगळ्या जिल्ह्यांमध्ये राष्ट्रीय आरोग्य अभियानांतर्गत कंत्राटी पद्धतीने विविध पदांवर अनेक अधिकारी आणि कर्मचारी सद्या काम करत आहेत. राज्य सरकारने या सर्व कर्मचाऱ्यांना कायस्वरूपी सेवेत नियुक्त करण्याचा निर्णय घेतला आहे.राज्य सरकारच्या या निर्णयानुसार, १५-१८ हजार कर्मचाऱ्यांना या महिन्यातच अधिसंख्य पदांवर नियुक्ती आदेशांचे वाटप केले जाणार आहे.
नियुक्ती आदेशांच्या पत्राचे वाटप करण्यासाठी मुंबईमध्ये राज्यस्तरीय कार्यक्रम आयोजित केला जाणार आहे. या कार्यक्रमासाठी राज्यभरातील विविध जिल्ह्यांतून सुमारे १५ हजार ते १८ हजार अधिकारी आणि कर्मचाऱ्यांना आमंत्रित केले जाणार आहे. कार्यक्रमासाठी योग्य जागा आणि आवश्यत सोयीसुविधा निश्चित करण्यासाठी तसेच, एवढ्या मोठ्या कार्यक्रमासाठी पुरेशा क्षमतेचे मैदान आणि आवश्यक सेवा सविधासेवा-सुविधा उपलब्ध करून देण्याची मागणी मुंबई महानगरपालिका प्रशासनाकडे पत्राद्वारे करण्यात आली आहे.
या कार्यक्रमासाठी ऑक्टोबर महिन्यातील कोणत्या तारखा आणि कोणती मैदाने उपलब्ध आहेत, यासंदर्भातील माहिती, मुंबई महानगरपालिकेने आरोग्य सेवा आयुक्तालयाला पाठवावी, अशी विनंती संबंधित पत्रातून केली आहे. याशिवाय
Latur News: सणासुदीवर महागाईचे सावट गडद! घरखर्चाचे गणित बिघडले; कडधान्ये आणि भाजीपाल्याच्या
कार्यक्रमाला मोठ्या संख्येने अधिकारी आणि कर्मचारी उपस्थित राहणार असल्याने त्यांच्या सोयीसाठी आवश्यक व्यवस्था करण्याची मागणी करण्यात आली आहे. यामध्ये बैठक व्यवस्था, पिण्याच्या पाण्याची सुविधा, स्वच्छतागृहे, विद्युत व प्रकाश व्यवस्था, वाहनतळ, कचरा व्यवस्थापन आणि सुरक्षा व्यवस्थेचा समावेश आहे.
तसेच आपत्कालीन सुविधांसह प्रवेश आणि निर्गमनासाठी योग्य व्यवस्था करण्याचीही सूचना देण्यात आली आहे. कार्यक्रमस्थळी उपलब्ध असलेल्या सुविधांची पाहणी करून आवश्यक सुधारणा आणि पूरक व्यवस्था कराव्यात. यासाठी संबंधित महानगरपालिका विभागातील अधिकाऱ्यांनी सहकार्य करावे, अशी विनंती आरोग्य सेवा आयुक्तालयाने केली आहे.
Ans: चालू महिन्यातच मुंबईत आयोजित एका विशेष राज्यस्तरीय सोहळ्यात मुख्यमंत्री व उपमुख्यमंत्र्यांच्या हस्ते नियुक्ती पत्रांचे वाटप केले जाणार आहे.
Ans: राज्य सरकारच्या धोरणानुसार या सर्व कंत्राटी कर्मचाऱ्यांना विशेष अधिसंख्य पदांवर (Supernumerary Posts) कायमस्वरूपी सेवेत सामावून घेण्यात येत आहे.
