१६ टन प्लॅस्टिकच्या मोबदल्यात पुणे महापालिकेने तयार केले तब्बल १,६०० टी शर्ट
शहरात प्लॅस्टिकच्या पाण्याच्या बाटल्या वापरल्या जातात. त्या वापरानंतर फेकल्या जातात. त्यामुळे पर्यावरणाचे नुकसान होते. ही बाब लक्षात घेऊन महापालिकेने स्वच्छ सर्वेक्षण स्पर्धेअंतर्गत नागरिकांमध्ये जनजागृतीसाठी बाटल्या संकलन स्पर्धा घेतली.
पुणे : प्लॅस्टिकमुळे पर्यावरण नुकसानीबाबत जनजागृतीसाठी प्लॅस्टिक बॉटल संकलन स्पर्धा घेण्यात आली होती. त्यात पुणेकरांनी तब्बल २६ टन प्लॅस्टिकच्या बॉटल जमा केल्या होत्या. त्यातील तब्बल १० टन प्लॅस्टिक रस्त्यांसाठी वापरले जाणार आहे.
यात १६ टन प्लॅस्टिकच्या मोबदल्यात महापालिकेस प्लॅस्टिकचा वापर करून तयार करण्यात आलेले तब्बल १,६०० टी शर्ट प्रत्येकी २५० रुपयांना मिळणार आहेत. अशा प्रकारे प्लॅस्टिकचा वापर करणारी पुणे ही देशातील पहिली महापालिका ठरली आहे.
शाळा, संस्था तसेच वैयक्तिक स्तरावर ही स्पर्धा घेण्यात आली. त्यात जास्तीत जास्त प्लॅस्टिक बॉटल देणाऱ्यांसाठी ई-बाइक, मोबाइल तसेच इतर भेट वस्तू देण्यात येणार आहेत. या स्पर्धेत पुणेकरांनी सुमारे २६ टन बॉटल संकलित केल्या होत्या. आधी त्याचे “म्युरल’ करून ते शहरात लावण्याचा निर्णय झाला होता. मात्र, बाटल्यांची संख्या जास्त असल्याने महापालिकेने त्यातील १० टन प्लॅस्टिक रस्ते दुरुस्तीसाठी वापरण्याचा निर्णय घेतला. उर्वरित १६ टन प्लॅस्टिकपासून कपडे तयार करणाऱ्या “फिल गुड इको नेचर’ या संस्थेस दिले जाणार आहेत. ही संस्था असे १,६०० टी शर्ट महापालिकेस देणार आहे.
कोट
पर्यावरण संवर्धनासाठी हा उपक्रम घेण्यात आला होता. त्याला चांगला प्रतिसाद मिळाल आहे. जमा झालेल्या बाटल्यांचे काही म्युरल्स केले जाणार असून रस्ते तसेच कापड तयार करणाऱ्या संस्थेस या बाटल्या दिल्या जाणार आहेत. त्यामुळे त्याचा पुनर्वापर होणार आहे.
– आशा राऊत, उपायुक्त, घनकचरा व्यवस्थापन.
Web Title: In return for 16 tons of plastic municipal corporation produced as many as 1600 t shirts
.png "Videos"){kind=small}
