बुधवार, 21 ऑक्टोबर 2026
महसूल वाढीसाठी स्वतंत्र वाहने
हा घरफाळा वसुली पालिकेच्या उत्पन्नाचा कणा आहे, मात्र या विभागाला पुरेसा वाहन ताफा नसल्याने थकबाकी वसुलीवर मर्यादा येतात. वसुली विभागाला स्वतंत्र ईव्ही वाहने उपलब्ध करून दिल्यास वसुली मोहीम अधिक गतिमान होईल. यामुळे भाड्याने घेतलेल्या वाहनांचा खर्च वाचून पालिकेचा महसूल वाढण्यास मदत होईल, असेही दाभोळे यांनी सुचवले आहे.
टप्प्याटप्प्याने बदल करा
78 सुरुवातीला काही प्रमाणात ईव्ही वाहने खरेदी करून, जुनी झालेली पेट्रोल-डिझेल वाहने टप्प्याटप्प्याने मोडीत काढावीत. शासनाकडून मिळणाऱ्या अनुदानाचा लाभ घेऊन शहर पर्यावरणपूरक बनवावे, अशी आमची मागणी आहे
– उमाकांत दाभोळे, उपाध्यक्ष, भाजप
चार्जिंग स्टेशन ठरणार उत्पन्नासाठी एक स्रोत
केवळ वाहनेच नाही, तर पालिकेच्या मुख्य इमारतीसह मोकळ्या जागेत ईव्ही चार्जिंग स्टेशन्स उभारल्यास त्याचा फायदा सर्वसामान्य नागरिकांनाही होईल. या माध्यमातून पालिकेला शुल्काच्या स्वरूपात नवे आर्थिक उत्पन्न सुरू करता येईल, असे निवेदनात नमूद करण्यात आले आहे.
