माण पंचायत समितीवर राष्ट्रवादीचा झेंडा
सभापती पदासाठी राष्ट्रवादीमधुन विक्रम शिंगाडे तर भाजप मधुन अर्जुन काळे तर उपसभापती पदासाठी राष्ट्रवादी मधुन प्रियांका जगदाळे व भाजप मधुन डॉ. राजेंद्र खाडे यांनी अर्ज दाखल केला होता. निवडी साठी दोन दोन अर्ज प्राप्त झाल्याने निवडणूक निर्णय अधिकारी यांच्यावतीने निवडीसाठी मतदान घेण्यात आले, विक्रम शिंगाडे व प्रियांका जगदाळे यांना कल्पना विरकर, गौरी तुपे, विद्या काटकर यांनी मतदान केले. तर अर्जुन काळे व डॉ. राजेंद्र खाडे यांच्याबाजूने बाळकृष्ण कदम, उषा भोसले, राजाराम बोराटे यांनी मतदान केले.
यामध्ये दोन्ही उमेदवारांना समसमान मते मिळाल्याने पुढील निवड प्रक्रिया चिठ्ठीद्वारे करण्यात आल्या. यामध्ये दोन्ही चिठ्ठया राष्ट्रवादी पक्षाच्या उमेदवारांच्या निघाल्याने माण पंचायत समितीवर अडीच वर्षासाठी झेंडा फडकला असल्याचे स्पष्ट झाले आहे. निवडी नंतर राष्ट्रवादी पक्षाचे जेष्ठ नेते माजी सनदी अधिकारी प्रभाकर देशमुख, जिल्हा परिषद सदस्य व जिल्हा बँकेचे उपाध्यक्ष अनिल देसाई, अभय जगताप, मनोज पोळ, श्रीराम पोळ, दिलीप तुपे आदींनी नवनिर्वाचितांचे अभिनंदन केले.
चिठ्ठीचा कौल अनिल देसाईंच्या बाजूने
2007 व 2012 च्या निवडणुकीत व निवडीत अनिल देसाई यांच्या बाजूने चिठ्ठीने कौल दिला होता तर आजच्या ही निवडीत अनिल देसाई यांच्या गटाच्या बाजूने चिठठीने कौल दिला असल्याचे पाहायला मिळाले.
.png "Videos"){kind=small}
