Manoj Jarange Live: मराठा आंदोलनाला मोठे यश: हैदराबाद गॅझेटच्या मान्यतेसह जरांगेच्या भाषणातील १० महत्त्वाचे मुद्दे

गावातील, नात्यातील आणि कुळातील लोकांकडून चौकशी करून मराठा समाजातील पात्रांना कुणबी प्रमाणपत्र देण्यात येणार आहे, असे उपसमितीने जरांगे यांच्या उपस्थितीत मान्य केले.

मनोज जरांगे पाटील यांच्या नेतृत्वाखालील मराठा आंदोलनाला महत्त्वपूर्ण यश मिळाले आहे. मराठा समितीने हैदराबाद गॅझेट मान्य असल्याचे जाहीर केले. त्यानुसार गावातील, नात्यातील आणि कुळातील लोकांकडून चौकशी करून मराठा समाजातील पात्रांना कुणबी प्रमाणपत्र देण्यात येणार आहे, असे उपसमितीने जरांगे यांच्या उपस्थितीत मान्य केले. तसेच सातारा गॅझेट संदर्भातील मागणीवरही जलदगतीने निर्णय घेण्यात येईल, असे आश्वासन उपसमितीकडून देण्यात आले.

मनोज जरांगे यांच्या भाषणातील   महत्त्वाचे मुद्दे

• हैदराबादच्या गॅजेटला अंमलबाजावणीला मान्यता देण्यासी मंत्रिमंडळ उपसमिती तयार
• गावातील, कुळातील आणि नात्यातील व्यक्तींना चौकशी करून कुणबी जातीचे प्रमाणपत्र दिले जाईल
• राज्य सरकार एका तासात जीआर काढणार
• सातारा संस्थानच्या गॅजेटियर तपासून कायदेशीर पद्धत्तीने जलदगतीने म्हणजेच 15 दिवसांत अमंलबजावणी करण्यास तयार, सातारा गॅजेटिअर लागू करण्यासाठी मी एक महिन्याचा वेळ दिला आहे
• सप्टेंबरअखेरपर्यंत सर्व मराठा आंदोलकांविरोधातले गुन्हे मागे घेतले जाणार
• मराठा आंदोलनादरम्यान बलिदान गेलेल्यांच्या वारसांना शैक्षणिक पात्रतेनूसार शासकीय नोकरी देणार आणि कुटूंबियांना १५ कोटी रुपये देण्याचा निर्णय.
• आता मराठा आंदोलकांचे गुन्हे मागे घेण्याचा मागणी होती… आता सप्टेंबर अखेरीस सगळे गुन्हे मागे घेण्याचा शासन निर्णय जारी केला जाईल
• ५८लाख कुणबी च्या नोंदी ग्रामपंचायत ला लावा म्हणजे लोकांना कळेल नोंदी मिळाल्या
• वंशावळ समिती तालुका स्तरावर निर्माण करा, आणि शिंदे समितीला कार्यलय द्या. शिंदे समितीला नोंदी सुरु ठेवण्याचा काम सुरु ठेवा ते बंद करू नका. मोडी लिपी समजणारे लोक द्या… नाहीतर आम्ही देतो. आम्ही फुकट काम करू पैसे नको आम्हाल
• तुम्ही आम्हाला ज्या दिवशी जीआर द्याल त्या दिवशी आमची पोर अशी मुंबई सोडतील की तुम्हाला कळणार पण नाही. तुम्ही थांबवलं तरी ते थांबणार नाहीत. जीआर काढा, एका तासात मुंबई रिकामी करू, जीआर निघाला की  गुलाल उधळत मुंबई रिकामी करू