गुरुवार, 22 ऑक्टोबर 2026
Photo Credit- Social media
Mumbai News : मुंबईकरांसाठी महत्त्वाची बातमी आहे. बृहन्मुंबई पोलीस आयुक्तालयाच्या हद्दीत शांतता आणि कायदा-सुव्यवस्था कायम राखण्यासाठी 25 ऑक्टोबर 2026 पर्यंत जमावबंदी आदेश जारी करण्यात आला आहे. मुंबई पोलिसांकडून हा आदेश जारी करण्यात आला आहे.
महाराष्ट्र पोलीस अधिनियम, 1951 अंतर्गत मिळालेल्या अधिकारांचा वापर करून पोलीस उपआयुक्त (अभियान) यांनी हा आदेश लागू केला आहे. या आदेशामुळे सार्वजनिक ठिकाणी एकत्र येताना नागरिकांना काही नियमांचं पालन करावं लागणार आहे.
जारी करण्यात आलेल्या आदेशानुसार, पाच किंवा त्यापेक्षा अधिक व्यक्तींनी एकत्र जमण्यावर निर्बंध घालण्यात आले आहेत. याशिवाय मिरवणूक काढणे, जमाव करून ध्वनीवर्धक किंवा सांगितीय बँडचा वापर करणे आणि फटाके फोडणे यांवरही प्रतिबंध लागू करण्यात आला आहे.
शेतकऱ्यांसाठी महत्त्वाची बातमी! 7/12 वरील जमीन हिस्सा विक्रीसाठी नवा नियम, फडणवीस सरकारचे नवे आदेश
त्यामुळे सार्वजनिक कार्यक्रम किंवा मिरवणुकीचं नियोजन करणाऱ्यांनी लागू असलेल्या नियमांची माहिती घेणं आवश्यक आहे.
या जमावबंदी आदेशातून काही कार्यक्रमांना वगळण्यात आलं आहे. विवाह समारंभ, विवाहाशी संबंधित अन्य विधी आणि अंत्यविधी यांना या आदेशातून सूट देण्यात आली आहे.
तसंच कंपन्या, सहकारी संस्था आणि अन्य संघटनांच्या कायदेशीर बैठका, क्लबमधील कार्यक्रम, सामाजिक मेळावे आणि संस्थांच्या नियमित कामकाजाचा भाग म्हणून होणाऱ्या कार्यक्रमांनाही सूट देण्यात आली आहे.
चित्रपटगृहं, नाट्यगृहं आणि सार्वजनिक मनोरंजनाची अन्य ठिकाणं, न्यायालयं, सरकारी व निमसरकारी कार्यालयं, शाळा, महाविद्यालयं आणि इतर शैक्षणिक संस्थांमधील नियमित कामकाजाला या आदेशातून वगळण्यात आलं आहे.
कंपन्या, कारखाने, दुकाने आणि इतर आस्थापनांमधील नियमित व्यापार व व्यवसायासाठी होणाऱ्या जमावालाही सूट देण्यात आली आहे.
शांततापूर्ण मार्गाने काढण्यात येणाऱ्या मोर्चाला पोलिसांनी परवानगी दिली असेल, तर अशा मोर्चालाही जमावबंदी आदेशातून सूट असेल.
पोलीस उपायुक्त (अभियान) अकबर पठाण यांनी आदेशाद्वारे ही माहिती दिली आहे. नागरिकांनी सार्वजनिक ठिकाणी एकत्र येताना लागू असलेल्या निर्बंधांची नोंद घ्यावी आणि पोलिसांच्या सूचनांचं पालन करावं.
मुंबईकरांचा प्रवास होणार अधिक वेगवान! ‘५९ मिनिटांत मुंबई’चे लक्ष्य दृष्टिपथात; फडणवीसांचे वक्तव्य
Ans: बृहन्मुंबई पोलीस आयुक्तालयाच्या हद्दीत 25 ऑक्टोबर 2026 पर्यंत जमावबंदी आदेश जारी करण्यात आला आहे.
Ans: पाच किंवा अधिक व्यक्तींचा जमाव, मिरवणूक काढणे, जमाव करून ध्वनीवर्धक किंवा सांगितीय बँडचा वापर करणे आणि फटाके फोडणे यांवर निर्बंध आहेत.
Ans: होय. विवाह समारंभ, विवाहाशी संबंधित अन्य समारंभ आणि अंत्यविधी कार्यक्रमांना या आदेशातून सूट देण्यात आली आहे.
