कोरोनाच्या दोन वर्षांच्या कालावधीनंतर आणि निर्बधानंतर नागपंचमी सण साजरा होत आहे. सण साजरा करताना उच्च न्यायालयाच्या आदेशानुसारच सण साजरा करण्याचे आवाहन प्रशासनाने केलं आहे.
कोरोनाच्या दोन वर्षांच्या कालावधीनंतर आणि निर्बधानंतर नागपंचमी सण साजरा होत आहे.हा सण साजरा करताना उच्च न्यायालयाच्या आदेशानुसारच सण साजरा करण्याचे आवाहन प्रशासनाने केलं आहे. दरम्यान, पूर्वापार म्हणजे जिवंत नागाची पूजा करत सुरू असलेल्या शिराळ्याच्या ऐतिहासिक अशा नागपंचमीला परवानगी द्या आणि नागाला वन्यजीव प्राण्यांच्या यादीतून वगळा अशी मागणी खासदार धैर्यशील माने यांनी नुकतीच संसदेत केली होती.
याबाबत सुब्रमण्यम समितीने भारतीय सण, उत्सव, परंपरा यांच्याबाबत सहानुभूतीपूर्वक विचार करण्याचे सुचवलं आहे, असे माने यांनी म्हंटले असलं, तरी जिवंत नागाची पूजा करावी असा निर्णय अजून दिला गेलेला नाही.त्यामुळे यंदाही न्यायालयाचे आदेश पाळूनच शिराळाकराना नागपंचमी साजरी करावी लागणार आहे.
जगप्रसिद्ध असणारी शिराळ्याची नागपंचमी कोरोनामुळे मागील दोन वर्षाच्या बऱ्याच निर्बधानंतर यंदा मुक्तपणे आणि न्यायालयाच्या नियमानुसार उत्साहात साजरी करण्यात येते. घरोघरी नागांच्या मूर्तीचे पूजन करून शिराळाकरांना यंदाही साध्या पद्धतीने नागपंचमी साजरी करत आहे, तर प्रशासनाकडून नागपंचमी उत्सवाच्या पार्श्वभूमीवर कडेकोट बंदोबस्त तैनात करण्यात आलाय.
सांगली जिल्ह्यातील शिराळा हे जिवंत नागांच्या पूजेची परंपरा होती. मात्र २००२ पासून न्यायालयाच्या आदेशानंतर शिराळा येथे साध्या पद्धतीने नागपूजा करण्यात येत आहे. घरोघरी महिलांकडून प्रतिकात्मक मातीच्या नागांची पूजा करण्यात येते.कोरोना कालावधीनंतर नागपंचमी सण मोठ्या प्रमाणात साजरा होणार आहे.
नागपंचमी सणाच्या पार्श्वभूमीवर वनविभागाने १२५ अधिकाऱ्यांसह कर्मचाऱ्यांची नियुक्ती केली असून यामध्ये १० गस्ती पथके तयार केली असून या पथकात ८ जणांची नियुक्ती केली आहे. तसेच ७ तपासणी नाके उभारण्यात आले आहेत. शिराळा नगरपंचायतीतील ३२ गल्ल्यांमध्ये पथकांचे लक्ष राहणार आहे.आरोग्य विभागाच्या वतीने तज्ज्ञ डॉक्टरांचे पथक तैनात करण्यात आले आहे.तसेच अत्यावश्यक बाबींसाठी उपजिल्हा रूग्णालयातील सुविधांची तपासणी करून त्या अद्ययावत ठेवण्यात आली आहे.
.png "Videos"){kind=small}
