Pro Kabaddi League 11 : अखेरच्या सामन्यात पुणेरी पलटणचा शानदार विजय; तमिळ थलैवाजवर ४२-३२ अशी मात

प्रो कबड्डी लीगच्या अखेरच्या पर्वात पुणेरी पलटणने आपला शेवट गोड करीत सामन्यात तमिळ थलैवाजवर शानदार विजय प्राप्त केला. पुण्याचे आव्हान याअगोदरच संपुष्टात आले आहे.

अखेरच्या सामन्यात पुणेरी पलटणचा शानदार विजय; तमिळ थलैवाजवर ४२-३२ अशी मात

Follow Us:

Follow Us:

पुणे : प्रो कबड्डी लीग अखेरच्या पर्वात विजेतेपदाला गवसणी घालणाऱ्या पुणेरी पलटण संघाने नव्या अकराव्या पर्वातील अपयशाचा शेवट गोड करताना तमिळ थलैवाजवर ४२-३२ असा विजय मिळविला. या विजयाने पुणेरी पलटणची या पर्वातील मोहिम आठव्या क्रमांकाने पूर्ण झाली.
आर्यवर्धन नवलेचे प्रथमच सुपर टेन
गतविजेते असल्यामुळे अपेक्षा उंचावलेल्या पुणेरी पलटण संघाला या वेळी चमक दाखवता आली नाही. या पूर्वीच आव्हान संपुष्टात आलेल्या पुणेरी पलटण संघाने अखेरच्या सामन्यात मात्र आपल्या पाठिराख्यांना निराश केले नाही. आव्हान संपुष्टात आल्यानंतरही अखेरचा सामना चाहत्यांसाठी खेळण्याचा शब्द त्यांनी खरा केला. लीगमध्ये केवळ दुसऱ्यांदा अंतिम सातमध्ये खेळण्याची संधी मिळाल्यावर आर्यवर्धन नवलेने सुपर टेनची कामगिरी केली.

गौरव खत्री, अमनचा भक्कम बचाव

व्ही. अजितकुमारनेही ७ गुण मिळवून त्याला सुरेख साथ केली. बचावाच्या आघाडीवर गौरव खत्रीने हाय फाईव्ह करताना आपली छाप पाडली. संकेत चव्हाण आणि अमन यांनी प्रत्येकी चार गुण मिळवून त्यांना सुरेख साथ केली. तमिळ थलैवाजकडून हिमांशू आणि सचिन तंवर या दोघांनाच चमक दाखवता आली. अमिर हुसेन आणि नितेश कुमार यांचा बचावही चांगला राहिला.

हेही वाचा : IND vs AUS 4th Test : कुलदीप यादव अक्षर पटेलला वगळून तनुश कोटियनला का मिळाली संधी; रोहित शर्माने सांगितले महत्त्वाचे कारण

पुणेरी पलटणची शानदार सुरुवात

सामन्याच्या सुरुवातीपासून वेगवान आणि आक्रमक खेळ करताना पलटण संघाने पूर्वार्धातच दोन लोण चढवत आपली बाजू भक्कम केली. मध्यंतराची २८-१३ गुणांची आघाडी उत्तरार्धात मोठी करत त्यांनी हव्या वाटणाऱ्या विजयाला गवसणी घातली. घरच्या मैदानावर पलटण संघाने मिळविलेला हा दुसराच विजय ठरला. सामना संपल्यावर मैदान सोडताना पुणेरी पलटण संघातील खेळाडूंनी चाहत्यांना हात उंचावून अभिवादन केले आणि अखेरपर्यंत पाठिंबा दिल्याबद्दल आभार मानले.

हेही वाचा : IND vs AUS : चेतेश्वर पुजाराने दिल्या मेलबर्न कसोटीपूर्वी गिल आणि जयस्वालला टिप्स

Web Title: Pkl 11 puneri paltans brilliant victory in last match defeats tamil thalaivas 42 32 points

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com