दिवाळीत खासगी बसवाल्यांकडून प्रवाशांची लूट सुरू; सध्या तिकीटाचे दर किती?

दिवाळी सण अवघ्या काही दिवसांवर आला आहे. या काळात मोठ्या संख्येने लोक आपल्या गावी जाण्यासाठी प्रवास करतात. खासगी बस ऑपरेटरांनी प्रवाशांकडून तब्बल दुप्पट–तिप्पट दर वसूल करण्यास सुरुवात केली आहे.

पंढरपूरात दिवाळी सुट्ट्यांमुळे भाविकांची तुफान गर्दी; वाहतूक कोंडी, खड्डे यामुळे लोक त्रस्त

Follow Us

Follow Us:

• दिवाळीत खासगी बसवाल्यांकडून प्रवाशांची लूट सुरू
• खासगी बसमध्ये जाण्यासाठी तिकीटाचे दर वाढले
• दुप्पट–तिप्पट दर वसूल करण्यास सुरुवात

दिवाळीच्या पार्श्वभूमीवर पुणे ते नांदेड या मार्गाचे भाडे १६०० ते १७०० रुपये इतके आकारले जात आहे, तर एसटी बसचे भाडे फक्त ८३० रुपये आहे. आकोल्यासाठी १९०० ते २००० रुपये, आकारले जात आहे. एसटी भाडे ८३० आहे. नागपूरसाठी २००० ते २२०० रुपये आकारले जात आहे. एसटीचे भाडे १२५२ इतके आहे. आणि लातूरसाठी १५०० ते २००० रुपये इतके दर आकारले जात आहेत. एसटीचे भाडे ५८० आहे. इतरही मार्गांवर अशीच दरवाढ करण्यात आली आहे.

पुणे आणि पिंपरी-चिंचवड या भागांत मराठवाडा व विदर्भातील नागरिकांची संख्या मोठी आहे. त्यामुळे या भागातून प्रवाशांची गर्दी वाढली असून, एसटी महामंडळाकडून अतिरिक्त बससेवाही सुरू करण्यात आली आहे. तरीसुद्धा तिकिटांची कमतरता भासल्याने खासगी बसवाल्यांची चांदी झाली आहे. प्रवाशांनी शक्यतो एसटी बस किंवा रेल्वेचे तिकीट वेळेत आरक्षित करावे, अन्यथा मनमानी दरांचा फटका बसू शकतो, असा सल्ला प्रशासनाने दिला आहे.