गुरुवार, 3 सप्टेंबर 2026
विद्यानंद बापट यांना पोलिस संरक्षण (फोटो-सोशल मिडिया)
विद्यानंद बापट हे गेले अनेक दिवसांपासून णेशोत्सवातील डीजेच्या मोठ्या आवाजाला विरोध करत असल्याचे दिसून येत आहे. आज तसेच आपली प्रतिक्रिया देत असताना त्यांना मारहाण करण्यात आली. पोलिसांनी मारहाण करणाऱ्या व्यक्तीला ताब्यात घेतले आहे. त्यातच आता मुख्यमंत्री तथा गृहमंत्री देवेंद्र फडणवीस यांनी देखील या प्रकरणाची गंभीर दखल घेतली आहे.
मुख्यमंत्री देवेंद्र फडणवीस यांनी देखील हे कृत्य योग्य नसल्याचे म्हटले आहे. मुख्यमंत्री देवेंद्र फडणवीस यांच्या आदेशानुसार विद्यानंद बापट यांना तातडीने पोलिस संरक्षण देण्याचा निर्णय घेण्यात आला आहे. यापुढे विद्यानंद बापट यांना पोलिस संरक्षण असणार आहे. याबाबत माहिती समोर आली आहे.
Pune Crime News: विद्यानंद बापट यांना मारहाण करणारा नेमका कोण? पोलिस तपासातून धक्कादायक माहिती समोर
विद्यानंद बापट यांच्यावरील हल्ल्यानंतर सरकारने वेगवान हालचाली केल्या आहेत. त्यांच्या सुरक्षेच्या दृष्टीने त्यांना पोलिस संरक्षण देण्याचे निर्देश मुख्यमंत्री देवेंद्र फडणवीस यांनी दिल्याचे समोर येत आहे. महाराष्ट्र सरकारने विद्यानंद बापट यांच्या सुरक्षेबाबत महत्वाची पावले उचलली असल्याचे दिसून येत आहे.
मुलाखतीदरम्यान अचानक हल्ला
टिळक रस्त्यावर एका माध्यम संस्थेला मुलाखत देत असताना बापट यांच्यावर चव्हाण याने अचानक हल्ला केल्याचे सांगण्यात येते आहे. गणेशोत्सव आणि डीजेबंदीच्या मुद्द्यावरून झालेल्या वक्तव्याच्या पार्श्वभूमीवर हा प्रकार घडल्याचे प्राथमिक माहितीवरून समोर आले आहे. हल्ल्यानंतर पोलिसांनी प्रकरणाची गंभीर दखल घेत तपास सुरू केला आहे. बापट यांच्या तक्रारीनुसार संबंधित आरोपींवर कायदेशीर कारवाई केली जाईल, असे पोलिसांकडून स्पष्ट करण्यात आले आहे.
Vidyanand Bapat Pune : विद्यानंद बापट कोण आहेत? त्यांचे शिक्षण किती झाले आहे? जाणून घ्या
विद्यानंद बापट हे मूळचे रत्नागिरीचे असून गेल्या काही वर्षांपासून ते पुण्याच्या नारायण पेठ परिसरात वास्तवास आहेत. ते एक सामान्य जागरूक नागरिक असून विविध सामाजिक आणि परिवर्तनवादी चळवळींमध्ये सक्रिय सहभाग घेतात. अंधश्रद्धा निर्मूलन समितीच्या कार्याशीही ते जोडलेले आहेत.
