Masap Election : प्रचारात केवळ आरोप प्रत्यारोप, उमेदवारांच्या साहित्यिक योगदानाचे काय? जनजागृतीची गरज

निवडणूकीतील उमेदवारांना साहित्य विषयक कोणतेही निकष नाही

साहित्य परिषदेच्या निवडणूकीत उभे राहणाऱ्या उमेदवारांना साहित्या विषयक कोणतेही निकष नाही. मात्र साहित्याची राज्यस्तरावरची परिषद आणि यास लेखन, संपादन, साहित्यिक कार्याचा निकष असणे गरजेचा आहे अशी अपेक्षा साहित्य क्षेत्रातील मान्यवारांनी केली आहे. त्यांच्या म्हणण्यानुसार देशभरात गाजणारे साहित्य संमेलन असो वा भाषेसंदर्भात कोणतेही निर्णय असो यात साहित्य परिषदेतील पदाधिकाऱ्यांचा मोठा वाटा असतो म्हणूनच त्या पदासाठी उभ्या असणाऱ्या उमेदवाराचे साहित्यिक योगदान ग्राह्य धरणे आवश्यक आहे.

कोणाचे किती योगदान

• पद – अध्यक्ष
• पॅनेल – परिवर्तन उत्कर्ष आघाडी
• उमेदवार – मिलिंद जोशी
• साहित्यिक योगदान – दोन कथासंग्रह, एक विनोदी कथासंग्रह, एक विनोदी लेख संग्रह, चार चरित्रलेखन, एक व्यक्ती चित्रसंग्रह, एक ललित लेखन, एक संत साहित्य विषयक, तीन लेख संग्रह, एक अनुभव कथन एक माहितीपर लेखन तसेच संपादन स्तंभ लेखनातही योगदान

• पॅनेल – साहित्य संवर्धन आघाडी
  उमेदवार – योगेश सोमण
• साहित्यिक योगदान – ७६ एकांकिका लेखन, १८ नाटके ११ प्रकाशित, ५ चित्रपट कथा, ५ मालिका, हिंदी मराठी चित्रपटात अभिनय

• पद-प्रमुख कार्यवाह
• पॅनेल – परिवर्तन उत्कर्ष आघाडी
• उमेदवार – सुनिताराजे पवार
• साहित्यिक योगदान – संस्कृती प्रकाशानाची स्थापना, संपादक संस्कृती दिवाळी अंक, कवित्री बहिणाबाई चौधरी सदस्य, तसेच ग्रंथलेखन दिवाळी अंकातून लेखन या वांग्मयीन कार्यात योगदान

• पॅनेल – साहित्य संवर्धन आघाडी
• उमेदवार – स्वाती महाळंक
• साहित्यिक योगदान – ८ पुस्तके प्रकाशित, पन्नासहून अधिक गौरवग्रंथ, पुस्तके आणि स्मरणिकांचे संपादन आतापर्यंत पाचशेहून अधिक लेख वृत्तपत्रे, विविध नियतकालिके प्रसिद्ध

• पद-कोषाध्यक्ष
• पॅनेल – परिवर्तन उत्कर्ष आघाडी
• उमेदवार – विनोद कुलकर्णी
• साहित्यिक योगदान – लेखक मोठ्या बँकेची छोटी गोष्ट, दिवाळी अंक आणि इतर क्षेत्रात लेखन युगप्रवर्तक कवी बासी मर्ढेकर यांचे चरित्र प्रकाशनाच्या वाटेवर

• पॅनेल – साहित्य संवर्धन आघाडी
• उमेदवार – प्रदीप निफाडकर
• साहित्यिक योगदान – ११ पुस्तके प्रकाशित, उर्दू शायरीवर वर्तमानपत्रात लेखन

साहित्य संवर्धन आघाडीत साहित्यात कार्य करणाऱ्यांसोबतच नाट्य, चित्रपट तसेच पत्रकारिता क्षेत्रात कार्य करणारी लोक आहेत. साहित्य चित्रपट आणि नाट्य संस्थांना एकत्र आणून भाषेसाठी काम करण्याचा आमचा मानस आहे. मुख्य पदांसोबतच स्थानिक कार्यवाह पदाच्या उमेदवारांनी साहित्य क्षेत्रात काम केलेले आहे.

– सुनिल महाजन, साहित्य संवर्धन आघाडी

आमच्या पॅनेल मधील प्रत्येक उमेदवारांचे अध्यक्षापासून ते स्थानिक कार्यवाह क्र. ७ पर्यंत एकतरी पुस्तक प्रकाशित झालेले आहे. तसेच उमेदवारांना साहित्य संस्थेत काम करण्याचा अनुभव आहे. भाषेच्या हितासाठी काम करणे हे आमच्या उमेदवारांचे उद्दिष्ट आहे.

– विनोद कुलकर्णी, परिवर्तन उत्कर्ष आघाडी