पुण्यातील पोर्शे अपघाताला ६ महीने पूर्ण; निष्पाप जीव गमावणाऱ्यांना तरुणाईने वाहिली आदरांजली
पुणे: कल्याणीनगर येथील पोर्शे अपघाताला (दि १८ नोव्हेंबर) आज सहा महिने पुर्ण होत असून, यानिमित्ताने तरुणाईने रस्त्यावर उतरून स्वत:ची एक मेणबत्ती घेऊन येत ती पेटवून आदरांजली वाहिली. विशेष म्हणजे, राजकीय धामधूमित राजकीय पक्ष विरहीत ही आदरांजली वाहण्यात आली. कल्याणीनगर परिसरात १८ मे रोजी मध्यरात्री श्रीमंत अल्पवयीन कारचालक असलेल्या भरधाव आलिशान पोर्शे कारने आयटी इंजिनिअर असलेल्या अनिश अवधिया आणि अश्विनी कोस्टा यांना धडक देऊन त्यांचा जीव घेतला. याघटनेला आज (दि. १८ नोव्हेंबर) सहा महिने पुर्ण होत आहेत.
हे प्रकरण पुण्यासाठी आणि पुणे पोलिसांसाठी महत्वाचे ठरले होते. नाट्यमय घडामोडी तसेच श्रीमंतीचा माज तसेच मुलांना पोलीस ठाण्यात पिझ्झा देणे यासह पैशांच्या जोरावर व राजकीय पावरचा वापर आणि ससून रुग्णालयात रक्तबदल यामुळे राज्यभरात हेप्रकरण गाजले. पोलिसांनी अत्यंत तळमळीने याप्रकरणाचा तपासकरून मुलाचे आई-वडिल, ससून रुग्णालयातील दोन डॉक्टर व एक कामगार तसेच रक्तबदलात मदत करणारे आणि अशा सर्वांना अटक केली. त्यांच्याविरोधात दोषारोपपत्र देखील दाखल केले आहे. याघटनेचा तपास सुरू आहे.
दरम्यान, याघटनेला ६ महिने पुर्ण होत असल्याने या अपघातात जीव गमावलेल्या अनिश व अश्विनी यांना आदरांजली वाहण्यासाठी तरुणाईने अपघातास्थळी एकत्रित जमत “एक मेणबत्ती पेटवून” त्यांना आदरांजली वाहिली. दोघांचे कुंटुंब न्यायाच्या प्रतीक्षेत आहेत. माणुसकीच्या नात्याने तसेच एक समाज म्हणून तसेच त्यांना न्याय मिळवून देण्यासाठी प्रयत्नशील राहूयात, असे मत यावेळी तरूणाईने व्यक्त केले.
रक्त बदलण्यास सांगणाऱ्या आरोपीला सुप्रीम कोर्टाचा दणका
पुण्याच्या कल्याणीनगर भागात एक अपघात घडला होता. पोर्शे कार अपघात प्रकरण चांगलेच गाजले. दरम्यान या प्रकरणात आरोपी असलेल्या मुलाला वाचवण्यासाठी अनेक प्रयत्न केले गेले. त्याचे रक्ताचे नमुने बदलण्याचा देखील प्रयत्न केला गेला होता. दरम्यान आरोपीचे रक्ताचे नमुने बदलण्याप्रकरणी अटकेत असलेल्या आरोपीने अटकपूर्व जामीनसाठी अर्ज दाखल केला होता. दरम्यान सुप्रीम कोर्टाने आरोपीचा जामीन अर्ज फेटाळून लावला आहे.
हेही वाचा: Porsche Car Accident: रक्त बदलण्यास सांगणाऱ्या आरोपीला सुप्रीम कोर्टाचा दणका; दिला महत्वाचा निर्णय
आरोपीच्या सांगण्यावर एकाने स्वतःच्या रक्ताचे नमुने दिले होते. जामीन फेटाळला गेल्यामुळे आरोपीची अटक आता निश्चित झाली आहे. अरुणकुमार देवनाथ सिंग असे जामीन फेटाळलेल्या आरोपीचे नाव आहे. गुन्हा दाखल झाल्यानंतर सिंग याने येथील जिल्हा न्यायालयात जामिनासाठी अर्ज केला होता. न्यायालयाने तो फेटाळला होता. नंतर त्याने मुंबई उच्च न्यायालयात धाव घेत अपील केले होते. सुरुवातीला त्याला अंतरिम जामीन मंजूर केला होता. मात्र आता न्यायालयाने त्याचा जामीन (दि. २३ ऑक्टोबर) फेटाळला होता. त्यानंतर सिंग याने उच्च न्यायालयाने दिलेल्या आदेशाविरोधात सर्वोच्च न्यायालयात धाव घेतली होती. सर्वोच्च न्यायालयाने देखील दोन्ही बाजूचा युक्तीवाद ऐकल्यानंतर सिंग याला कोणत्याही प्रकारचा दिलासा न देता रक्त बदलण्याच्या प्रक्रीयेत सक्रीय सहभाग दिसत असल्याने जामीन फेटाळून लावला, अशी माहिती वरिष्ठ पोलीस अधिकार्यांनी दिली.
.png "Videos"){kind=small}
