दहीहंडीनिमित्त पुणे शहरात पोलिसांचा कडेकोट बंदोबस्त; तब्बल ‘इतके’ कर्मचारी असणार तैनात

श्रीकृष्ण जयंती आणि दहीहंडी उत्सवानिमित्त पुणे शहरात पोलिसांचा कडेकोट बंदोबस्त ठेवण्यात आला आहे. वरिष्ठ अधिकारी यांच्यासह चार हजार पोलिसांचा फौजफाटा रस्त्यावर तैनात असणार आहे.

सौजन्य - नवराष्ट्र टीम

Follow Us:

Follow Us:

पुणे : श्रीकृष्ण जयंती आणि दहीहंडी उत्सवानिमित्त पुणे शहरात पोलिसांचा कडेकोट बंदोबस्त ठेवण्यात आला आहे. वरिष्ठ अधिकारी यांच्यासह चार हजार पोलिसांचा फौजफाटा रस्त्यावर तैनात असणार आहे. त्यासोबतच शहरातील वाहतूकीत देखील बदल केला असून, वाहन चालकांनी पर्यायी मार्गांचा वापर करावा, असे आवाहन करण्यात आले आहे. दोन दिवस हा वाहतूक बदल केला असून, शिवाजीरोड, लक्ष्मीरोड, बाजीराव रोड, टिळक रोडवर श्रीकृष्ण जयंती व दहीहंडी उत्सवानिमित्त दहीहंडी फुटेपर्यंत भाविकांची मोठ्या प्रमाणात गर्दी होत असते. यामुळे रस्त्यांवर कुठेही वाहतुकीची कोंडी होऊ नये व वाहनचालकांची गैरसोय होऊ नये यासाठी वाहतूक शाखेने आवश्यक वाहतूक बदल केला आहे. याबाबतचे आदेश पोलिस उपायुक्त हिंमत जाधव यांच्या आदेशाने काढण्यात आले आहेत.

असा असेल पोलिस बंदोबस्त..

१० पोलिस उपायुक्त
१६ सहायक पोलिस आयुक्त
८० पोलिस निरीक्षक
३५० पोलिस उपनिरीक्षक व सहाय्यक निरक्षक
३५०० पोलिस अंमलदार

असा आहे बदल

फरासखाना व विश्रामबाग वाहतुक विभाग..
शनिवारी (दि. १६ ऑगस्ट) दुपारी ४ ते गर्दी संपेपर्यंत वाहतूक बदल

• १) शिवाजी रोड वरून स्वारगेटला जाण्यासाठी स. गो. बर्वे चौकातून जंगली महाराज रोडने खंडोजी बाबा चौक, टिळक चौक-पुढे टिळक रोडने / शास्त्री रोडने इच्छित स्थळी जावे.
• २) पुरम चौकातून बाजीराव रोडवरून शिवाजीनगर कडे जाण्यासाठी पुरम चौकातून टिळक रोडने अलका टॉकीज चौक व पुढे एफ.सी. रोडने इच्छित स्थळी जावे. तसेच सणस पुतळा चौकातून सेनादत्त चौकाकडे व पुढे इच्छित स्थळी जावे.
• ३) स. गो. बर्वे चौकातून पुणे मनपा भवनकडे जाण्यासाठी स. गो. बर्वे चौकातून जंगली महाराज रोडने -झाशी राणी चौक डावीकडे वळून इच्छितस्थळी जावे.
• ४) बुधवार चौकाकडून आप्पा बळवंत चौकाकडे एकेरी वाहतुक सोडण्यात येईल. आप्पा बळवंत चौकातून बुधवार चौकाकडे येणारी वाहतुक बाजीराव रोडने सरळ पुढे इच्छितस्थळी जाईल.
• ५) रामेश्वर चौक ते शनिपार चौकाकडे येणारी वाहतुक बंद करण्यात येत असून पर्यायी मार्गाचा वापर करावा.
• ६) सोन्या मारुती चौकाकडून लक्ष्मी रोडने सरळ सेवासदन चौकाकडे वाहतूकीसाठी बंद करण्यात येत आहे. सदरची वाहने सोन्या मारुती चौकातून उजवीकडे वळून फडके हौद चौकातून इच्छित स्थळी जातील.
• ७) शिवाजी रोडवरून जिजामाता चौकातून गणेश रोडने दारुवाला पुलाकडे जाणारी वाहतूक ही गाडगीळ पुतळा येथून डाव्या बाजूने कुंभारवेस चौक पवळे चौक जुनी साततोटी पोलिस चौकी मार्गे इच्छितस्थळी जाईल.
• ८) गणेश रोडवरील संपूर्ण वाहतूक हि दारुवाला पूल येथून बंद राहील. तसेच देवजीबाबा चौक व फडके हौद चौकात वाहतूक बंद करण्यात येईल. वाहनचालकांनी अपोलो टॉकिज, नरपतगिरी चौक, दारुवाला पूल, दुधभट्टी या मार्गाचा वापर करावा.
• ९) सोन्यामारूती चौकातून मोती चौक व फडके हौद चौकाकडे वाहतुकीसाठी बंद करण्यात येत आहे.
  – विजयमारुती चौकातून उजवीकडे वळून पासोडा विठोबा मंदिर मोतीचौक डावीकडे वळून फडके हाऊस मार्गे इच्छितस्थळी जावे.

१) तीन तोफा चौक ते ब्ल्यू नाईल चौक ईस्कॉन मंदीरासमोरून जाणारा रोड वाहतुकीसाठी बंद करण्यात येत आहे.
– पर्यायी मार्ग : ब्ल्यू नाईल चौक ते तीन तोफा चौकाकडे जाणारा मार्ग हा दुतर्फा वाहतुक करण्यात येईल

कोंढवा वाहतुक विभाग…

१५ ऑगस्ट रोजी सकाळी ९ ते १६ ऑगस्ट रोजी मध्यरात्री १२ वाजेपर्यंत आवश्यकतेनुसार वाहतुकीत बदल करण्यात येणार आहेत.
१) गगनउन्नती चौक येथील यू टर्न बंद करण्यात येत आहे.
२) केसर लॉज जवळील यू टर्न बंद करण्यात येत आहे.
३) खडीमशिन पोलिस चौकी ते श्रीराम चौक या रोड वरील वाहतूक बंद करण्यात येत आहे.
– पर्यायी मार्ग : सदर मार्गावरील वाहनांनी खडी मशिन चौकातून यू टर्न घेऊन इस्कॉन मंदिराच्या पार्किंग कडे जावे व अन्य वाहनांनी इच्छित स्थळी जावे
(मंतरवाडी फाटा खडीमशिन चौक कात्रज चौक दरम्यानचे मार्गावरील जड वाहतुक आवश्यकतेनुसार बंद करण्यात येईल.)

वानवडी वाहतुक विभाग…

१) शिवरकर रोड वरील वाहतुक बंद करण्यात येत आहे.
– पर्यायी मार्ग : १) सदर मार्गावरील वाहनांनी संविधान चौकातून डावीकडे वळून सनग्रेस स्कुल मार्गे साळुंखे विहार रोडने इच्छित स्थळी जावे व येणारी वाहतुक त्याच रोडने येईल.
२) संविधान चौकाकडून उजवीकडे जाणारी वाहने ही फ्लॉवर व्हॅली लेनकडून केदारी पेट्रोल पंप पुढे इच्छितस्थळी जातील.
३) साळुंखे विहार रोडने येणारी वाहने संविधान चौकातून डावीकडे न वळता उजवीकडे वळून फ्लॉवर व्हॅली लेन कडून केदारी पेट्रोल पंप पुढे इच्छित स्थळी जातील.

Web Title: There will be strict police security in pune city on the occasion of dahi handi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com