शरद पवारांच्या राष्ट्रवादीचे नेते राजीव देशमुख यांचे निधन
Rajiv Deshmukh Passes Away: राष्ट्रवादी काँग्रेस पक्षाचे माजी आमदार आणि पक्षाचे प्रदेश उपाध्यक्ष राजीव देशमुख यांचे हृदयविकाराच्या झटक्यामुळे निधन झाले आहे. त्यांच्या आकस्मिक निधनामुळे राजकारणात मोठी पोकळी निर्माण झाल्याचे म्हणता येईल. राजीव देशमुख हे चाळीसगाव विधानसभा मतदारसंघाचे माजी आमदार होते. ते 2009 ते 2014 या कालावधीत विधानसभेत कार्यरत होते. मात्र, 2014 साली झालेल्या विधानसभा निवडणुकीत त्यांचा पराभव झाला होता. राष्ट्रवादी काँग्रेस पक्षाचे अध्यक्ष शरद पवार यांचे विश्वासू सहकारी म्हणून त्यांची ओळख होती आणि पक्षाच्या धोरणात्मक निर्णयांमध्ये त्यांचा मोलाचा वाटा होता.
Pro Kabaddi U Mumba player Death: कबड्डी विश्वावर शोककळा! ऐन तारूण्यात ‘या’ खेळाडूचे निधन
राष्ट्रवादी काँग्रेस पक्षाचे माजी आमदार आणि प्रदेश उपाध्यक्ष राजीव देशमुख यांनी वयाच्या 55 व्या वर्षी अखेरचा श्वास घेतला. त्यांना अचानक अस्वस्थता जाणवल्यामुळे धुळे येथील रुग्णालयात उपचारासाठी दाखल करण्यात आले होते, परंतु उपचार सुरू असतानाच त्यांचा मृत्यू झाला. जळगाव जिल्ह्याच्या राजकारणात त्यांनी आपल्या नेतृत्वामुळे एक वेगळं स्थान निर्माण केले होते. राजीव देशमुख हे राष्ट्रवादी शरद पवार गटाचे प्रदेश उपाध्यक्ष होते आणि 2009 ते 2014 या कार्यकाळात ते चाळीसगाव विधानसभेचे सदस्य देखील होते.
अजित पवार यांनी बंडखोरी केल्यानंतर राष्ट्रवादी काँग्रेसमध्ये मोठी फूट पडली होती. अनेक बड्या नेत्यांनी शरद पवार यांची साथ सोडून अजित पवार यांना पाठिंबा दिला. मात्र, राजीव देशमुख यांनी शरद पवार यांच्यासोबत राहण्याचा निर्णय घेतला. शरद पवार यांचे निकटवर्ती म्हणून ओळखले जाणारे राजीव देशमुख पक्षात महत्त्वपूर्ण स्थान राखत होते. त्यांच्या नेतृत्वाखाली पक्षाने त्यांच्यावर प्रदेश उपाध्यक्ष पदासारखी मोठी जबाबदारी देखील सोपवली होती, जी त्यांच्या राजकीय भूमिकेची साक्ष आहे.
Donald Trump on Hamas: युद्धविरामानंतरही संघर्ष थांबेना! ट्रम्प यांची हमासला थेट धमकी; “चांगले वागा,
2009 ते 2014 या कालावधीत राजीव देशमुख यांनी चाळीसगाव विधानसभा मतदारसंघाचे आमदार म्हणून प्रतिनिधित्व केले. आपल्या आमदारकीच्या कार्य काळात त्यांनी चाळीसगाव आणि परिसरातील पायाभूत सुविधांच्या विकासासाठी अनेक महत्त्वाचे उपक्रम राबवले. त्याआधी, त्यांनी चाळीसगाव नगरपरिषदेचे नगराध्यक्ष म्हणून मोलाची कामगिरी केली. राजीव देशमुख हे राष्ट्रवादी काँग्रेस (शरद पवार गट) च्या प्रदेश नेतृत्वात उपाध्यक्ष पदावर कार्यरत होते.
पण 2014 आणि 2019 मध्ये झालेल्या विधानसभा निवडणुकीत राजू देशमुख यांना पराभवाचा सामना करावा लागला. तरीही, कार्यकर्त्यांमध्ये त्याचा प्रभाव कायम होता. अलीकडेच आगामी स्थानिक स्वराज्य संस्थांच्या निवडणुकीत, विशेषतः लोकनियुक्त नगराध्यक्ष पदासाठी, महाविकास आघाडीकडून राजू देशमुख यांच्या नावाची चर्चा होती. पक्षात त्यांचा अनुभव, जनसंपर्क आणि प्रशासकीय जाण लक्षात घेता, त्यांना महत्वाच्या जबाबदाऱ्या दिल्या जाण्याची शक्यता वर्तवली जात होती. पण त्यापूर्वीच त्यांनी जगाचा निरोप घेतला.
