अनधिकृत फेरीवाल्यांवर कायमचा बंदोबस्त करा नाहीतर तीव्र आंदोलन करू! रिक्षा चालक-मालक संघटनेने दिला इशारा

या गंभीर समस्येबाबत डोंबिवली शहर रिक्षा चालक-मालक संघटनेचे कार्याध्यक्ष अंकुश म्हात्रे आणि उपाध्यक्ष शेखर जोशी यांनी महापालिका आयुक्तांना निवेदन दिले आहे. या निवेदनात त्यांनी फेरीवाल्यांमुळे वाहतूक व्यवस्था कशी विस्कळीत झाली आहे आणि रिक्षाचालकांना कोणता त्रास सहन करावा लागतो, हे सविस्तरपणे मांडले आहे. गर्दीतून रिक्षा चालवताना, चुकून पादचाऱ्याला थोडीशी धडक लागली तरी नागरिक रिक्षाचालकांवर राग काढतात, अशी व्यथा त्यांनी मांडली. त्यामुळे भविष्यात एखादी मोठी दुर्घटना घडल्यास याची जबाबदारी कोणाची, असा थेट प्रश्नही संघटनेने प्रशासनाला विचारला आहे.

दरम्यान, या प्रकरणी महापालिकेचे साहाय्यक आयुक्त राजेश सावंत यांनी प्रतिक्रिया दिली आहे. त्यांनी सांगितले की, डोंबिवली पश्चिम रेल्वे स्थानक परिसर ‘फेरीवाला मुक्त’ करण्यात आला असून, या परिसरात दररोज अनधिकृत फेरीवाल्यांवर कारवाई केली जात आहे. मात्र, प्रशासनाच्या या दाव्यावर रिक्षाचालक संघटना समाधानी नाही. रस्त्यावरची परिस्थिती पाहता, प्रशासनाची कारवाई पुरेशी नसल्याचे रिक्षाचालकांचे म्हणणे आहे. जर प्रशासनाने ठोस पाऊले उचलली नाहीत, तर रिक्षाचालकांचा संताप अधिक तीव्र होऊन आंदोलनाची शक्यता नाकारता येत नाही.

 Eknath Shinde : लक्ष्मी घरी येणार! लाडक्या बहिणींना भाऊबीज मिळणार; DCM एकनाथ शिंदे यांनी दिली ग्वाही

रिक्षाचालकांच्या या इशाऱ्यामुळे कल्याण-डोंबिवली महानगरपालिका प्रशासन आता कोणती भूमिका घेते, याकडे डोंबिवलीकर आणि रिक्षाचालकांचे लक्ष लागले आहे.