रविवार, 6 सप्टेंबर 2026
फोटो सौजन्य AI
मल्हारपेठ, ता. पाटण येथे सार्वजनिक गणेश मंडळांच्या पदाधिकाऱ्यांसाठी आयोजित बैठकीत ते मार्गदर्शन करत होते. गणेशोत्सवाच्या पार्श्वभूमीवर कायदा व सुव्यवस्था अबाधित राहावी, नागरिकांना कोणत्याही प्रकारचा त्रास होऊ नये आणि उत्सव शांततेत पार पडावा, यासाठी पोलीस प्रशासनाकडून मंडळांना विविध सूचना यावेळी देण्यात आल्या.
यावेळी सहाय्यक पोलिस निरीक्षक हेमंत काटकर, वरिष्ठ पोलीस कर्मचारी, पोलीस शांतता कमिटीचे भैय्यासाहेब मुलानी, दयानंद शीलवंत प्रभाकर नलवडे तसेच कार्यक्षेत्रातील पोलीस पाटील, सरपंच उपसरपंच आणि सार्वजनिक गणेश मंडळांचे पदाधिकारी उपस्थित होते.
Ganesh Chaturthi 2026: गणपती बाप्पांना मोदकच का आवडतात? जाणून घ्या यामागची पौराणिक कथा
सहाय्यक पोलिस निरीक्षक हेमंत काटकर यांनी सांगितले की, गणेशमूर्ती स्थापनेपासून ते विसर्जनापर्यंत पोलीस प्रशासनाने घालून दिलेल्या नियमांची प्रभावीपणे अंमलबजावणी करावी. मिरवणुकीदरम्यान वाहतुकीला अडथळा निर्माण होणार नाही, याची मंडळांनी दक्षता घ्यावी.
ध्वनिप्रदूषणासह इतर कोणत्याही प्रकारचा उपद्रव होणार नाही, याची काळजी घेऊन प्रशासनाला सहकार्य करावे. गणेशोत्सव हा आनंद, श्रद्धा आणि सामाजिक एकतेचा उत्सव असून, कोणत्याही अनुचित प्रकारामुळे त्याला गालबोट लागू नये, यासाठी सर्व गणेश मंडळांनी जबाबदारीने उत्सव साजरा करण्याचे आवाहन पोलीस प्रशासनाने केले. तसेच नियमांचे उल्लंघन होणार नाही याची दक्षता मंडळ पदाधिकाऱ्यांनी घ्यावी, असेही यावेळी स्पष्ट करण्यात आले.
