शनिवार, 17 ऑक्टोबर 2026
माथेरान/ संतोष पेरणे : येथील एको पॉईंट येथील दरीत एक कुत्रा तीन दिवस आधी कोसळला होता.दरीत कोसळत असताना तेथील एका झाडाला अडकून पडलेला हा मुका प्राणी तीन दिवस पावसात भिजल्याने ओरडत होता.मात्र त्या मुक्या प्राण्याला सह्याद्री आपदा संस्थेचे सदस्यांनी त्या कुत्र्याला जिवंत बाहेर काढले आणि या आपदा संस्थेच्या कार्याचे कौतुक होत आहे.
माथेरान या पर्यटन स्थळी असलेल्या एको पॉईंटजवळील खोल दरीजवळून भटकंती करणारा कुत्रा दारूत कोसळला होता.हा कुत्रा त्या दरीत कोसळत असताना तो जंगलातील एका झाडाला अडकला.सध्याच्या पावसामुळे निसरड्या झालेल्या जमिनीवर गवताळ भागात पाय घसरत तो एका अतिशय धोकादायक मधल्या टप्प्यावर जाऊन थांबला. दरीचे कड्यालगत असलेल्या त्या भागातून ना तो वर चढू शकत होता ना खाली उतरू शकत होता.
पावसामुळे जमीन निसरडी झाली होती आणि आजूबाजूला मृत्यू दरीत सापडला होता.सलग तीन दिवस हा मुका प्राणी पावसात भिजत होता आणि त्यावेळी कोणत्याही प्रकारचे खाद्य मिळत नसल्याने विव्हळत होता.सोमवार पासून माथेरान मध्ये प्रचंड पाऊस सुरू असताना भर पावसात थरथरत झाडाच्या फांद्यात अडकून पडलेला हा मुका प्राणी बचावासाठी भुंकून मदत मागत होता. हा मुका प्राणी हा जीव दोन दिवस उपाशीपोटी, थरथरत, जीव मुठीत धरून तसाच उभा होता. पावसाची धार, थंडी, भूक आणि एकटेपणाचं भय हे सर्व हा मुका प्राणी अनुभवत होता.
याबाबतची माहिती स्थानिक एको पॉइंट नागरिकांनी दिली. ही बाब माथेरान मधील सह्याद्री आपदा संस्थेला मिळाली आणि त्यांनी आज रेस्क्यू करण्यास सुरुवात केली.या आपदा संस्थेचे सदस्य वैभव नाईक,उमेश मोरे,सुनील ढोले,चेतन कळंबे या सर्वांनी हवामानाची तमा न बाळगता आणि सुरक्षेची पूर्ण काळजी घेत त्या कठीण भागात उतरून या कुत्र्याला रेस्क्यू यशस्वी केले.अत्यंत जोखमीचा आणि जीव धोक्यात घालणारा हा प्रयत्न यशस्वी झाला आणि कुत्र्याला सुखरूपपणे दरी बाहेर काढण्यात आले.आपदा संस्थेचे या कार्याबद्दल कौतुक करण्यात येत असून तो मुका जीव जिवंत असून दरी बाहेर आल्यानंतर हा कुत्रा शांतपणे उभा राहिल्याचे पाहून सर्वांना आश्चर्य व्यक्त होत आहे.
