Top Marathi News Today Live : राज्यातील 226 नगरपरिषदांसह 38 नगरपंचायतींसाठी मतदानाला सुरुवात
Marathi Breaking Live Updates : राज्यातील 226 नगर परिषदांसह 38 नगरपंचायतींसाठी मतदानाला सुरुवात झाली आहे. प्रशासनाकडूनही विशेष तयारी केली गेली आहे. त्यात नगरपरिषदांसह नगरपंचायतीसाठी मतदान होत आहे. अत्यंत अटीतटीची आणि राजकीय प्रतिष्ठा पणाला लावून अनेकजण राजकीय मैदानात उतरले आहेत. या निवडणुकीकडे संपूर्ण राज्याचे लक्ष लागले आहे.
या स्थानिक स्वराज्य संस्थांच्या निवडणुकीच्या मतदानाला सकाळी साडे सात वाजल्यापासून सुरुवात झाली आहे. या निवडणुकीसाठीचे मतदान सायंकाळी साडेपाचपर्यंत असणार आहे. तर याची मतमोजणी उद्या (दि.3) केली जाणार आहे. यातच कोल्हापूर जिल्ह्यातील १३ नगरपालिका, नगरपंचायतीसाठी मतदान होत आहे. राज्यातील सर्वच ठिकाणी नेत्यांनी आपली राजकीय ताकद पणास लावल्याने ऐन थंडीत वातावरण तापले आहे. बुधवारी (दि. ३) मतमोजणी होणार आहे.
सर्वच नगरपालिका व नगरपंचायतींसाठी निवडणूक यंत्रणा सज्ज झाली आहे. सोमवारी दुपारनंतर मतदानासाठी लागणारे साहित्य संबंधित तहसीलदारांच्या नियंत्रणाखाली प्रत्येक केंद्रावर रवाना करण्यात आले आहे.
02 Dec 2025 04:45 PM (IST)
रायगड जिल्ह्यातील दहा नगरपरिषदांच्या निवडणुकांसाठी आज (२ डिसेंबर २०२५) झालेल्या मतदानाला मतदारांकडून उत्स्फूर्त प्रतिसाद मिळाला असून दुपारी ३.३० वाजेपर्यंत सरासरी ५४.९ टक्के मतदान नोंदवण्यात आले. सकाळी ७.३० वाजता मतदानास सुरुवात झाली आणि सुरुवातीपासूनच मतदार केंद्रांवर गर्दी दिसून आली.
02 Dec 2025 04:44 PM (IST)
अंतिम टप्प्यातील मतदानाला नागरिकांनी उदंड प्रतिसाद दिला आहे. वाशीममध्ये दुपारी री साडेतीन वाजेपर्यंत जिल्ह्यात 46.53 टक्के मतदान झालं होतं. नागरिकांना मिळणारा प्रतिसाद हा मोठ्या प्रमाणात होता.
02 Dec 2025 04:37 PM (IST)
येवलामध्ये शिवसेना शिंदे गट आणि अजित पवार गट यांच्यात जोरदार वाद झाला आहे. दोन्ही गटाचे समर्थक एकमेकांना भिडले आणि वादावादी झाल्याने मतदान केंद्राबाहेर राडा सुरु होता. त्यामुळे परिसरात तणावाचं वातावरण निर्माण झालं होतं.
02 Dec 2025 04:27 PM (IST)
चंद्रपुर जिल्हात मतदानाला उत्स्फुर्त प्रतिसाद नागरिकांनी दिला आहे. दुपारनंतर मतदारांच्या संख्येत वाढ झाली आहे. मात्र याचबरोबर इव्हिएम मशीनमध्ये गोंधळ झाल्याने मतदारांना यााचा त्रास सहन करावा लागला असल्याचं समोर आलं आहे. असं असलं तरी जिल्हातील महिला वर्गात मतदान करण्याचं सर्वाधिक प्रमाण होतं.
02 Dec 2025 04:16 PM (IST)
सोलापुरातील नवरदेवाची सर्वत्र चर्चा सुरु आहेत. स्वत:चं लग्न असताना ही पहिले देशाचे नागरिक म्हणून आली जाबाबदारी आणि कर्तव्य पार पाडत नवरदेव मतदान करण्यासाठी आला होता. पंढरपुर नगरपालिका हद्दीतील या नवरदेवाचं सर्वच स्तरातून कौतुक होत आहे.
02 Dec 2025 04:06 PM (IST)
जनता लोकशाहीचा योग्य पद्धतीने हक्क बजावत आहे.लोकशाहीला गालबोट लावायच काम काहिजण करत आहेत. लोकशाही म्हटल की कुठेतरी भ्रष्टाचार आलाच
02 Dec 2025 03:54 PM (IST)
जालन्यात दुपारी दीड वाजेपर्यंत अंंबड हद्दीत 41.45 टक्के इतके मतदान झाले तर भोकरदन येथे 39.82 टक्के इतके मतदान झाले आहे.
02 Dec 2025 03:51 PM (IST)
परभरणीतल्या सेलू नगरपरिषद हद्दीतील यशवंत विद्यालयात येथील मतदान केंद्रात उमेदवार वारंवार येत असल्यामुळे पोलिस व उमेदवार आणि त्यांच्या प्रतिनिधी यांच्यात मोठा वाद झाला. उमेदवाराच्या संशयास्पद वर्तवणुकीमुळे पोलिसांनी या उमेदवाराला बाहेर काढले. त्यामुळे पोलीस आणि उमेदवारामध्ये वाद निर्माण झाला.
02 Dec 2025 03:43 PM (IST)
राज्यात विविध ठिकाणी आज मतदानाला सुरुवात झाली. याचपार्श्वभूमीवर कर्जत नगरपरिषदेत ईव्हीएम मशीनच्या गोंधळाने नागरिक संतप्त झाले आहेत. निवडणुकीत निमित्ताने सुरू असलेल्या मतदान प्रक्रियेत बंद पडणाऱ्या ईव्हीएम मशीन यांनी गोंधळ घातला आहे. कर्जत पालिका निवडणुकीत एकाच प्रभागात तब्बल चार वेळा ईव्हीएम मशीन बंद पडले. दरम्यान सतत ईव्हीएम मशीन बंद पडत असल्याने मतदारांना तासनतास ताटकळत उभे राहावे लागत आहे. त्याचवेळी मतदानाचे उन्हापासून संरक्षण व्हावे यासाठी कापडी मंडप किंवा पाणी तसेच दिव्यांग आणि वृद्ध मतदार यांच्यासाठी व्हील चेअर यांची सुविधा देखील करण्यात आली नव्हती.
02 Dec 2025 03:15 PM (IST)
स्थानिक स्वराज्य संस्था निवडणुकीत अहिल्यानगर जिल्ह्यातील नगरपालिकांसाठी दुपारी दीडवाजेपर्यंत झालेल्या मतदानाची आकडेवारी समोर आली आहे. जिल्ह्यात सरासरी 35.58 टक्के मतदान. सर्वाधिक जामखेड येथे 43.38 टक्के. सर्वांत कमी शिर्डीत 31.22 टक्के. श्रीरामपूर 34.30, संगमनेर 36.33, राहुरी 34.74, राहाता 40.30, श्रीगोंदा 31.37, शेवगाव 35.70.
02 Dec 2025 03:05 PM (IST)
शहादा शहरातील मतदान केंद्रांवर दोन गटात राडा झाला आहे. शहरातील प्रभाग क्रमांक 11 मुनिसिपल हायस्कूलचा मतदान केंद्राबाहेर तुफान हाणामारी आणि शिवीगाळ करण्यात आले. भाजप आणि जनता विकास आघाडीचे कार्यकर्ते आपसात भिडले.
02 Dec 2025 02:55 PM (IST)
बुलढाणा इथं नगरपालिकांसाठी होत असलेल्या मतदानावेळी, मुस्लिम बहुल भागातील मतदान केंद्रावर बोगस मतदान होत असल्याची माहिती काँग्रेसच्या पदाधिकाऱ्यांनी मिळाली. त्यानुसार काँग्रेसच्या पदाधिकाऱ्यांनी बोगस मतदान करणाऱ्यांना पकडत चोप दिला. यावेळी मतदान केंद्रावर गोंधळ उडाल्याने पोलिसांना जमावला पंगवण्यासाठी पोलिसांनी सौम्य बळाचा वापर केला.
02 Dec 2025 02:47 PM (IST)
माथेरान नगरपरिषद हद्दीत सकाळी दहा वाजताच्या सुमारास एक संशयास्पद बॅग समोर आली. एका व्यक्तीकडे असलेल्या या बॅगेत तब्बल पाच लाख रुपये आढळले. एवढी मोठी रक्कम मतदान केंद्राबाहेर सापडल्याने तणाव निर्माण झाला आहे.
02 Dec 2025 02:21 PM (IST)
अकोल्य़ातील मूर्तिजापूर नगरपरिषद हद्दीत मतदाव केंद्रात चक्क 92 वर्षाच्या आजीने मतदानाचा हक्क बजावला आहे. 92 वर्ष वय असताना देखील कंटाळा न करता आपली जबाबदारी ओळखून आपला हक्क बजावल्याने या आजीचं सर्वत्र कौतुक होत आहे.
02 Dec 2025 02:17 PM (IST)
बीडच्या माजलगाव मतदान केंद्रात तणावाची परिस्थिती निर्माण झाल्याचं पाहायला मिळत आहे. मतदारांना पैसे वाटल्याच्या आरोपातून दोन गटातील वादांमुळे मतदान केंद्रातील वातावरण तणावपूर्ण असल्याचं पाहायला मिळालं.
02 Dec 2025 02:11 PM (IST)
परभरणीच्या जिंतूर नगरपरिषद हद्दीतील मतदान केंद्राबाहेर दोन गटात हाणामारी झाल्य़ाचं समोर आलं आहे. जिंतूच्या जिल्हापरिषदेच्या शाळेत मतदान सुरु असताना भाजपा आणि अजित पवार गटाचे कार्यकर्ते आमनेसामने आले आणि त्यांच्यातील किरकोळ वादातून हाणामारी झाल्याची घटना घडली आहे.
02 Dec 2025 02:07 PM (IST)
मतदान क्रेंदाबाहेर एक उमेदवार एका मतदाराला क्रेंदात घेऊन जात होता. यावर मतदारांनी तीव्र संताप व्यक्त केला आहे. मतदार केंद्राबाहेर अधिकाऱ्यांच लक्ष नाही का असं म्हणत मतदारांनी या सगळ्याचा निषेध केला आहे. या प्रकरणात केंद्राबाहेर गोंधळ पाहायला मिळाला.
02 Dec 2025 01:59 PM (IST)
पैशांचे वाटप सुरु आहे, मग कसली गस्त वाढवताय असा प्रश्न निलेश राणे यांनी उपस्थित केला आहे. एवढंच नाही तर ‘आता मी केस करणार आहे.’ असं देखील निलेश राणे यांनी म्हटलं आहे.
02 Dec 2025 01:50 PM (IST)
सांगलीच्या जत नगर परिषदेच्या मतदाना दरम्यान गोंधळ झाल्याचा प्रकार घडला आहे.मतदान केंद्रावर भाजप कार्यकर्ते व पोलीस कर्मचाऱ्यां मध्ये जोरदार वादावादीचा प्रकार घडला आहे.जत मधल्या शिवाजी पेठेतील शाळा क्रमांक एक येथील मतदान केंद्रावर हा प्रकार घडला आहे. भाजपाच्या प्रभाग 5 मधील महिला उमेदवार प्रणिता यादव यांना मतदान केंद्रा बाहेर काढण्यावरून महिला पोलीस कर्मचारी आणि यादव यांच्यामध्ये पहिल्यांदा वादावादी घडली.त्यानंतर यादव समर्थकांनी मतदान केंद्रामध्ये घुसत पोलिसांची हुज्जत घातली,त्यामुळे पोलीस कर्मचारी आणि भाजप कार्यकर्त्यांच्या मध्ये यावेळी जोरदार वादावादीचा प्रकार घडला, दरम्यान पोलीस उपाधीक्षक सचिन थोरबोले यांनी घटनास्थळी धाव घेत भाजपाच्या कार्यकर्त्यांची समजूत काढली,त्यामुळे या ठिकाणी काही काळ निर्माण झालेला तणाव निवळला.
02 Dec 2025 01:35 PM (IST)
हवेसारखं राजकारणातही प्रदुषण झाल्याचं म्हणत उद्धव ठाकरेंनी पुन्हा एकदा भाजपावर निशाणा साधल आहे. दगाबाज भाजपाला धडा शिकवण्यासाठी मविआची स्थापना केल्याचं उद्धव ठाकरेंनी म्हटलं. सत्तेसाठी सगळी लाचारी चाललीये असं म्हणत त्यांनी शिंदेंवरही तोफ डागली आहे.
02 Dec 2025 01:06 PM (IST)
राज्यातील नगरपरिषदा आणि नगरपंचायतीच्या निवडणुकांमध्ये सकाळी 11.30 पर्यंत 17.11 टक्के मतदान
पुण्यातील 12 नगरपरिषद आणि 3 नगरपंचायतींमध्ये 20.22 टक्के मतदान
जव्हारमध्ये 18.93 टक्के मतदान
उरण – ईश्वरपूरमध्ये 24.50 टक्के मतदान
विटामध्ये 22.49 टक्के मतदान
आष्टामध्ये 26.66 टक्के मतदान
तासगावमध्ये 24.90 टक्के मतदान
जतमध्ये 22.25 टक्के मतदान
पलूसमध्ये 25.23 टक्के मतदान
शिराळामध्ये 29.58 टक्के मतदान
02 Dec 2025 01:05 PM (IST)
नगरपरिषद च्या निवडणुकीच्या संदर्भाने जो निवडणूक कार्यक्रम जाहीर झाला. निवडणूक कार्यक्रम झाल्यापासूनच निवडणूक आयोगाचा जो अक्षम्य गोंधळ आहे. तो कार्यकर्ते नेत्यांना आणि सर्वच पक्षांना गोंधळात टाकणारा होता. त्यातही अचानक 24 ठिकाणच्या नगर परिषदेच्या निवडणुका रद्द झाल्या. 24 ठिकाणच्या नगरपरिषदेचा निवडणुका पुढे ढकलल्या म्हणून आज होणाऱ्या नगरपरिषदेच्या निवडणुकीचा निकाल उद्या अपेक्षित होता मात्र तोही आता पुढे ढकलण्यात आला आहे हेही त्याहूनही जास्त त्रासदायक आहे. आज मतदान प्रक्रिया पार पडल्यानंतर इतक्या दिवस मतदान पेट्याची सुरक्षेचा भार पोलीस यंत्रणेवर राहणार आहे, असे शिवसेना उद्धव ठाकरे गटाच्या नेत्या सुषमा अंधारे यांनी आरोप केला.
02 Dec 2025 12:50 PM (IST)
वर्धा जिल्ह्यात पाच नगर परिषदेत सकाळी साडेनऊपर्यंत 7.43 टक्के मतदान झालं. वर्धा येथे 8.23 टक्के, हिंगणघाट येथे 7.15 टक्के, आर्वी मध्ये 7.80लटक्के, पुलगाव 5.19 टक्के, सिंदी (रेल्वे) येथे 7.97 टक्के मतदान झालंय. सकाळी साडेनऊपर्यंत 19 हजार 291 मतदारांनी मतदानाचा हक्क बजावला .
02 Dec 2025 12:40 PM (IST)
अहिल्यानगर: जिल्ह्यातील ८ पालिकांसाठी सकाळी दोन तासात, ९.३० वा. पर्यंत एकूण ७.३१ टक्के मतदान झाले. सकाळपासूनच मतदानाला चांगला प्रतिसाद मिळाला. जिल्ह्यात श्रीरामपूर, संगमनेर, राहुरी, राहता, श्रीगोंदे, शेवगाव, जामखेड व शिर्डी या पालिकांसाठी आज, मंगळवारी मतदान होत आहे.
यासाठी एकूण ३ लाख २२ हजार २० मतदार आहेत. त्यातील २३ हजार ५४५ मतदारांनी सकाळी ७.३० ते ९.३० या दरम्यान मतदानाचा हक्क बजावला. त्यामध्ये महिला मतदारांची संख्या ९४१४ तर पुरुष मतदारांची संख्या १४१३१ आहे.
02 Dec 2025 12:40 PM (IST)
सकाळी मतदानाला सुरुवात झाल्यानंतर आगर शहरातील संत रोहिदास विद्यामंदिर या मतदान केंद्रावर सकाळी ९ वाजेच्या दरम्यान तृतीयपंथी उमेदवार जावेद पिंजारी आणि पोलिसांमध्ये न सांगता मतदान बॅलेट युनिट बदलल्याच्या कारणातून वाद निर्माण झाला. तसेच काही राजकीय पक्षांचे प्रतिनिधी पक्षाच चिन्ह लावून थेट मतदान केंद्रात येत असल्याचा प्रकारही या उमेदवारांनी निदर्शनास आणून दिला यानंतर पोलिसांनी संबंधित राजकीय पक्षांच्या उमेदवार प्रतिनिधींना मतदान केंद्राच्या बाहेर काढले. सविस्तर वाचा
02 Dec 2025 12:30 PM (IST)
स्थानिक स्वराज्य संस्थांच्या निवडणुकांसाठी मुख्यमंत्री देवेंद्र फडणवीस यांनी जोरदार प्रचार केला. 8 दिवस 37 जाहीर सभा, दूरध्वनीवरून 6 सभा, एकूण 43 सभा! असे लिहित देवेंद्र फडणवीस यांनी प्रचाराचा धुराळा दाखवून दिला आहे. मुख्यमंत्री फडणवीसांनी लिहिले आहे की, 8 दिवस 37 जाहीर सभा, दूरध्वनीवरून 6 सभा, एकूण 43 सभा! महाराष्ट्राच्या विकासासाठी... प्रत्येक दिवस, प्रत्येक क्षण... अहोरात्र राबण्याचा प्रण! असे फडणवीसांनी लिहिले आहे.
8 दिवस 37 जाहीर सभा, दूरध्वनीवरून 6 सभा, एकूण 43 सभा!
महाराष्ट्राच्या विकासासाठी...
प्रत्येक दिवस, प्रत्येक क्षण...
अहोरात्र राबण्याचा प्रण!🪷 कमळ चिन्हाचे बटन दाबून भाजपला मतदान करा !🗳️#Maharashtra #NagarParishad2025 #Niti_Gati_Pragati pic.twitter.com/2cz07AO7uX
— Devendra Fadnavis (@Dev_Fadnavis) December 1, 2025
02 Dec 2025 12:00 PM (IST)
राजकारणात पेशाचा गैरवापर करून लोक निवडून येत असतील आणि याचा सत्तेतल्याच लोकांना अभिमान असेल तर हे लोकशाहीसाठी घातक असेल. हा विषय मी यंदाच्या संसदेच्या अधिवेशनात मांडणार आहे. मी निलेश राणेंचे जाहीर आभार मानते की त्यांनी पैसे वाटण्याच्या प्रकाराला तोंड फोडलं, असं चालते राहिलं, तर ज्यांच्याकडे जास्त पैसे आहेत, तेच निवडणूक लढवत राहतील, असे मत खासदार सुप्रिया सुळेंनी व्यक्त केले.
02 Dec 2025 11:50 AM (IST)
नगर पंचायतीच्या सार्वत्रिक निवडणुकांसाठी मतदान प्रक्रिया पार पडत आहे. यावेळी आमदार रोहित पवार हे जामखेडमध्ये मतदान केंद्राबाहेर बसलेले दिसून आले. याचे फोटो शेअर करत रोहित पवार यांनी लिहिले आहे की, कोणत्याही परिस्थितीत मतदान हे निर्भय वातावरणात झालं पाहिजे, परंतु जामखेडमध्ये काही चुकीचे घटक मतदानावर प्रभाव पडण्याचा प्रयत्न करत आहेत. या पार्श्वभूमीवर खेमानंद शाळा, जमादारवाडी, श्रमजीवी मराठी शाळा या बूथला भेट देऊन पदाधिकारी आणि कार्यकर्ते यांच्याशी चर्चा केली.
कोणत्याही परिस्थितीत मतदान हे निर्भय वातावरणात झालं पाहिजे, परंतु जामखेडमध्ये काही चुकीचे घटक मतदानावर प्रभाव पडण्याचा प्रयत्न करत आहेत. या पार्श्वभूमीवर खेमानंद शाळा, जमादारवाडी, श्रमजीवी मराठी शाळा या बूथला भेट देऊन पदाधिकारी आणि कार्यकर्ते यांच्याशी चर्चा केली. pic.twitter.com/o5YAvnrKr6
— Rohit Pawar (@RRPSpeaks) December 2, 2025
02 Dec 2025 11:40 AM (IST)
कोल्हापूरमध्ये स्थानिक स्वराज्य संस्थांच्या निवडणुकांसाठी सकाळी ११ वाजेपर्यंत ४०% मतदान झाले. दरम्यान, हातकलिंगले प्रभाग चारमध्ये दोन वेळा मशीन बंद पडले. तर कागलमध्ये मतदानादरम्यान केंद्रावर वादावादीचे प्रकार झाले.
तृतीयपंथी आणि पोलिसांच्यात वाद गडहिंग्लज मध्ये बोगस मतदार आढळला पोलिसांनी घेतले ताब्यात मतदारांना बाहेर काढण्यासाठी चढाओढ झाली. आमदार, खासदार, मंत्री यांनी कोल्हापूरमध्ये तळ ठोकला.
02 Dec 2025 11:33 AM (IST)
राज्यातील 264 नगरपालिका आणि नगरपंचायतीच्या निवडणुकीसाठी आज (2 डिसेंबर) मतदान होत असून, त्यासाठी संपूर्ण मतदान यंत्रणा सज्ज झाली आहे. सकाळी 7.30 वाजता मतदानास सुरुवात झाली असून सायंकाळी 5.30 पर्यंत मतदानाची वेळ असणार आहे . याचदरम्यान आता मोठी बातमी समोर येत आहे. सर्व मतमोजणी 21 डिसेंबरला होणार आहे,असा निर्णय हायकोर्टाच्या नागपूर खंडपीठामध्ये घेण्यात आला आहे.
02 Dec 2025 11:30 AM (IST)
बार्शीच्या सार्वत्रिक निवडणूकांसाठी सकाळी सात वाजल्यापासून मतदान प्रक्रिया सुरु झाली आहे. पहिल्या सकाळच्या टप्प्यामध्ये सकाळी 9.30 पर्यंत एकूण मतदान हे 8 जहार 1 एवढे झाले आहे. यामध्ये पुरुष मतदार हे 4 हजार 629 झाले तर पुरुष मतदान हे 3 हजार 372 झाले आहे. यामुळे सकाळच्या टप्प्यामध्ये बार्शीमध्ये 7.34 टक्के मतदान झाले.
02 Dec 2025 11:20 AM (IST)
करमाळा नगर परिषदेमध्ये सकाळपासून मतदानास सुरुवात झाली आहे. सकाळी 9पर्यंत मतदारांचा प्रतिसाद थंड असल्याचे दिसून आले. सकाळी सात पासून सकाळी साडे नऊ पर्यंतची मतदान झाल्याची आकडेवारी समोर आली आहे. करमाळामध्ये एकूण मतदान हे 1 हजार 873 झाले. यामध्ये पुरुष मतदान हे 1 हजार 129 आणि महिला मतदान हे केवळ 744 झाले आहे.
02 Dec 2025 11:08 AM (IST)
उपमुख्यमंत्री एकनाथ शिंदे यांनी मालवण दौऱ्यावेळी दोन बॅग आणल्या. या बॅगमधून एकनाथ शिंदेंनी काय आणले असा प्रश्न शिवसेना ठाकरे गटाचे खासदार संजय राऊत यांनी विचारला आहे. खासदार राऊत यांनी लिहिले आहे की, शिंदे मालवणात आले येताना बॅगेतून काय आणले? मालवणात भाजपाच्या थैल्याना बॅगेने उत्तर! या आधी नाशिक मध्ये ही बॅगा उतरल्याच होत्या लोकशाही ची ऐशी की तैशी? असा टोला खासदार राऊत यांनी लगावला आहे.
शिंदे मालवणात आले
येताना बॅगेतून काय आणले?
मालवणात भाजपाच्या थैल्याना बॅगेने उत्तर!
या आधी नाशिक मध्ये ही बॅगा उतरल्याच होत्या
लोकशाही ची ऐशी की तैशी?
जय महाराष्ट्र!
@ECISVEEP
@Dev_Fadnavis pic.twitter.com/TKXOXrv7FS— Sanjay Raut (@rautsanjay61) December 2, 2025
02 Dec 2025 10:55 AM (IST)
बाळासाहेब ठाकरे सभागृह मतदान केंद्रात सकाळपासून तीनवेळा मशीन बंद. मतदानासाठी आलेले मतदार फिरत आहेत माघारी. उमेदवारांचे टेन्शन वाढले. मतदान यंत्र बंद पडत असल्याने संभ्रमाची परिस्थिती.
02 Dec 2025 10:53 AM (IST)
जळगावच्या चाळीसगाव शहरात मतदान यंत्रात तांत्रिक बिघाड झाला आहे. प्रभाग क्रमांक 14 मधील बॅलेट युनिटमध्ये बिघाड पाहायला मिळत आहे. निवडणूक अधिकाऱ्यांनी तात्काळ बॅलेट युनिट बदललं. त्यामुळे मतदान प्रक्रिया सुरळीत सुरू आहे.
02 Dec 2025 10:42 AM (IST)
सोलापूर जिल्ह्यातील 10 नगर परिषद साठी सकाळी साडेसात ते साडेनऊ या कालावधीत 7.24% मतदान झालेले आहे.
पंढरपूर नगरपरिषद सार्वत्रिक निवडणुक 2025
सकाळी 7.30 ते 9.30 मतदान केंद्रावर झालेली आकडेवारी
पुरुष 2939
स्त्री 2026
इतर 0
-----------------------------------
एकुण 4965
एकुण टक्केवारी 5.25
करमाळा नगर परिषद
वेळ 7.30-9.30
पुरुष मतदान 1129
महिला मतदान 744
इतर मतदान 0
एकूण मतदान 1873
Barshi Municipal council
Total poll till 9:30 AM
Male- 4629
Female- 3372
Total- 8001
Percent 7.34
बार्शी
02 Dec 2025 10:26 AM (IST)
जिल्ह्यात आज आयोजित नगर-पंचायत निवडणुकीसाठी सकाळी ९ वाजेपर्यंत एकूण 11.47 टक्के मतदान झाले आहे. मतदान केंद्रांवरील सुरवातीच्या टप्प्यात काही प्रमाणात उपस्थिती दिसली आहे.
02 Dec 2025 10:19 AM (IST)
कागल नगरपालिका निवडणुकीदरम्यान कागलमध्ये एक विचित्र आणि धक्कादायक प्रकार समोर आला आहे. येथे संत रोहिदास विद्यामंदिर मतदान केंद्राबाहेर मंतरलेले लिंबू फेकलेले आढळले, ज्यामुळे मतदारांमध्ये भीतीचे वातावरण निर्माण झाले. सकाळी मतदानासाठी येणाऱ्या नागरिकांनी हा प्रकार पाहताच एकच खळबळ उडाली. काही मतदारांनी हे जाणूनबुजून मतदारांना भयभीत करण्याचा प्रयत्न असल्याचा आरोप केला, तर काहींनी याला अंधश्रद्धा आणि दबावाचे तंत्र म्हटले.
या घटनेची माहिती मिळताच स्थानिक प्रशासन आणि पोलिसांनी घटनास्थळी जाऊन परिस्थितीचा आढावा घेतला. मतदान प्रक्रियेवर याचा परिणाम होऊ नये यासाठी पोलिसांनी अतिरिक्त बंदोबस्त केला आहे. या प्रकारामुळे मतदारांमध्ये संभ्रम आणि चिंता पसरली असली तरी मतदान केंद्रावर मतदान सुरूच राहिले.
02 Dec 2025 10:13 AM (IST)
नगरपरिषद निवडणुकीदरम्यान सोलापूर जिल्ह्यातील अकलूज येथील मतदान केंद्रावर गेल्या तासभरापासून EVM मशीन बंद पडल्याने मतदान प्रक्रिया थांबली आहे.
EVM बंद पडल्याने मतदारांच्या लांबलचक रांगा थांबल्या असून, अनेक मतदारांना प्रतीक्षा करावी लागत आहे. मतदान अधिकाऱ्यांनी याची माहिती निवडणूक आयोगाला दिली असून, आयोगाच्या वतीने तंत्रज्ञ आणि तज्ञांची टीम घटनास्थळी पोहोचून मशीनची तपासणी करत आहे.
सध्या मशीन पुन्हा सुरु करण्याचे प्रयत्न सुरू असून, तांत्रिक बिघाड दुरुस्त होईपर्यंत मतदान प्रक्रिया ठप्प राहण्याची शक्यता आहे. या घटनेमुळे मतदारांमध्ये नाराजीचे वातावरण असून प्रशासनाच्या तयारीवर प्रश्नचिन्ह निर्माण झाले आहे.
02 Dec 2025 10:05 AM (IST)
सोलापूर जिल्ह्यातील मोहोळ नगरपरिषद क्षेत्रातील नेताजी प्राशाळा मतदान केंद्रात EVM मशीनमध्ये तांत्रिक बिघाड झाल्याने मागील अर्धा तासापासून मतदान ठप्प झाले आहे. कर्मचारी मशीन सुरु करण्यासाठी प्रयत्न करत आहेत, मात्र अडचणी कायम आहेत. यामुळे मतदारांना रांगेत थांबून प्रतीक्षा करावी लागत असून नाराजी व्यक्त होत आहे. मतदानाच्या सुरुवातीलाच अशा तांत्रिक अडचणी समोर आल्याने स्थानिक प्रशासनाच्या तयारीवर प्रश्नचिन्ह निर्माण झाले आहे.
02 Dec 2025 10:04 AM (IST)
महाराष्ट्रातील अनेक वर्षांपासून प्रलंबित असलेल्या नगरपालिका निवडणुकीसाठी आज मतदान सुरू झाले आहे. राज्यातील २६४ नगरपरिषद व नगरपंचायतींसाठी सार्वत्रिक निवडणुकांची मतदान यंत्रणा सज्ज करण्यात आली असून बहुतांश ठिकाणी सकाळी ७.३० वाजता मतदानास सुरुवात झाली. मात्र, मतदान प्रक्रियेच्या सुरुवातीलाच विविध ठिकाणी प्रशासनाचा हलगर्जीपणा आणि तांत्रिक अडचणी समोर आल्याची तक्रार मतदारांकडून करण्यात येत आहे.
अनेक मतदान केंद्रांवर EVM मशीन बंद पडल्याने मतदान प्रक्रियेत अडथळे निर्माण झाले आहेत. यामुळे मतदारांना काही काळ प्रतीक्षा करावी लागली असून निवडणुकीच्या प्रक्रियेवर परिणाम होण्याची शक्यता व्यक्त केली जात आहे.
02 Dec 2025 09:59 AM (IST)
इंडियन प्रीमियर लीग (IPL) 2026 च्या मिनी लिलावाबाबत एक मोठी अपडेट समोर आली आहे. १६ डिसेंबर रोजी अबू धाबी येथे होणाऱ्या आयपीएल २०२६ च्या मिनी लिलावासाठी एकूण १,३५५ खेळाडूंनी नोंदणी केली आहे. या यादीत वेंकटेश अय्यर, कॅमेरॉन ग्रीन, मयंक अग्रवाल आणि पृथ्वी शॉ सारख्या प्रमुख नावांचा समावेश आहे. यावेळी, एकूण ४५ खेळाडूंनी २ कोटी (अंदाजे २० दशलक्ष डॉलर्स) च्या बेस प्राईससाठी नोंदणी केली आहे.
02 Dec 2025 09:49 AM (IST)
दाक्षिणात्य चित्रपटसृष्टीतील लोकप्रिय अभिनेत्री समंथा रुथ प्रभु आणि दिग्दर्शक राज निदिमोरू यांनी अखेर विवाहबंधनात प्रवेश केला आहे. अनेक दिवसांपासून त्यांच्या नात्याबद्दल चर्चा सुरू होती आणि आता त्यांनी शांत व आध्यात्मिक वातावरणात, तमिळनाडूमधील लिंगा भैरवी मंदिरात अतिशय साधेपणाने लग्न केले. माध्यमातील माहितीनुसार, त्यांच्या या खास समारंभाला केवळ ३० लोक उपस्थित होते. सामंथाने या प्रायव्हेट वेडिंगसाठी लाल रंगाची पारंपरिक साडी परिधान केली होती. काही वेळापूर्वीच तिने आपल्या इंस्टाग्रामवर विवाहाचे फोटो शेअर केल्यानंतर चाहत्यांमध्ये आनंदाची लहर पसरली आहे.
02 Dec 2025 09:39 AM (IST)
भारतात 2 डिसेंबर रोजी 24 कॅरेट सोन्याच्या प्रति ग्रॅमचा दर 11,961 रुपये, 22 कॅरेट सोन्याच्या प्रति ग्रॅमचा दर 13,049 रुपये आणि 18 कॅरेट सोन्याच्या प्रति ग्रॅमचा दर 9,787 रुपये आहे. भारतात 2 डिसेंबर रोजी 22 कॅरेट सोन्याच्या प्रति 10 ग्रॅमचा दर 1,19,610 रुपये, 24 कॅरेट सोन्याच्या प्रति 10 ग्रॅमचा दर 1,30,490 रुपये आणि 18 कॅरेट सोन्याच्या प्रति 10 ग्रॅमचा दर 97,870 रुपये आहे. भारतात 2 डिसेंबर रोजी चांदीचा भाव प्रति ग्रॅम 188.10 रुपये आणि प्रति किलोग्रॅम 1,88,100 रुपये आहे.
02 Dec 2025 09:29 AM (IST)
नाशिक: नाशिकमधून एक धक्कादायक घटना समोर आली आहे. नाशिकमधील एका मुस्लिम तरुणीचा बिहार आणि कॅनडात राहणाऱ्या पतीशी लग्न झालं होत. लग्नानंतर पतीसह तिच्या सासू-सासऱ्यांनी तिला माहेरून पैसे आण्यासाठी भाग पाडले. यासाठी मागील साडेतीन वर्ष तिचा छळ करण्यात आला. एवढेच नाही तर तिला पतीने कागदावर तिहेरी तलाक चा मजकून लिहून कुरिअरद्वारे पाठवल्याचे समोर आले आहे. महिलेने तातडीने मुंबईनाका पोलीस ठाण्यात तक्रार दाखल केली.
02 Dec 2025 09:20 AM (IST)
बीड : नगरपरिषद निवडणुकीच्या पार्श्वभूमीवर बीड शहरातून पैसे वाटपाचा गंभीर प्रकार समोर आला आहे. पेठ बीड भागात दोन तरुण पैसे वाटताना आढळून आले असून रात्रीच त्यांना काही युवकांनी पकडल्याचा दावा केला जात आहे. या घटनेचा व्हिडिओ सोशल मीडियावर व्हायरल झाला आहे.
मिळालेल्या माहितीनुसार, मतदानाच्या आदल्या रात्री दोन तरुण दुचाकीवरून फिरत पैसे वाटत असल्याची माहिती मिळताच सोनार गल्ली भागातील काही तरुणांनी त्यांना थांबवले. तपासणीदरम्यान स्कुटीच्या डिक्कीत रोकड आणि राष्ट्रवादी काँग्रेसच्या घड्याळ चिन्हाचे पोस्टर आढळून आल्याचे व्हिडिओमध्ये दिसत आहे.
02 Dec 2025 09:19 AM (IST)
India Share Market Update: जागतिक बाजारातील मिश्र संकेतांमुळे मंगळवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सपाट पातळीवर उघडण्याची शक्यता तज्ज्ञांकडून वर्तवण्यात आली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकाची सुरुवात मंदावल्याचे दर्शवितात. गिफ्ट निफ्टी २६,३२९ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ६ अंकांनी कमी होता.
02 Dec 2025 09:09 AM (IST)
स्वराज्यरक्षक संभाजी फेम अभिनेत्री प्राजक्ता गायकवाड आता लवकरच लग्न बंधनात अडकणार आहे. अभिनेत्रीने मालिकेमध्ये महाराणी येसूबाई यांची भूमिका साकारली होती. आता तिला खऱ्या आयुष्यात देखील तिचा शंभूराज मिळाला आहे. अभिनेत्री याआधी तिच्या साखरपुड्याचे फोटो शेअर करून चाहत्यांना आनंदाची बातमी दिली, आता अभिनेत्रीच्या लग्नाची तयारी सुरु झाली आहे. नुकतेच तिने तिच्या संगीत कार्यक्रमाचे फोटो सोशल मीडियावर शेअर केले आहेत ज्याला प्रेक्षकांचा प्रतिसाद मिळत आहे.
02 Dec 2025 08:55 AM (IST)
राज्यात नगर परिषद आणि नगर पंचायत निवडणुकीसाठी आज मतदान होत असताना चंद्रपूरमध्ये पैसे वाटप केल्याचा धक्कादायक व्हिडिओ सोशल मीडियावर समोर आला आहे. या व्हिडिओमध्ये काही व्यक्तींना ५०० रुपयांच्या नोटा वाटल्या जात असल्याचे स्पष्ट दिसत असून, हा प्रकार भाजपच्या उमेदवाराकडून केला गेल्याचा आरोप विरोधकांकडून करण्यात येत आहे. व्हिडिओ चंद्रपूरमधील राजुरा परिसरातील असल्याची माहिती असून तो झपाट्याने सोशल मीडियावर व्हायरल झाला आहे. विशेष म्हणजे पैशांचे वाटप हे उमेदवाराच्या घराजवळच होत असल्याचा आरोप करण्यात येत आहे.
02 Dec 2025 08:52 AM (IST)
गोंदिया, तिरोडा नगरपरिषद व सालेकसा, गोरेगाव नगरपंचायतच्या एकूण 98 जागांसाठी आज एकूण 209 मतदान केंद्रांवरून मतदान पार पडणार आहे. या चारही ठिकाणाचे एकूण 1 लाख 65 हजार 881 मतदार मतदानाचा हक्क बजावणार आहेत.
