शनिवार, 17 ऑक्टोबर 2026
Nashik POlitics: तू मागच्या निवडणुकीत वाचलास, आता वाचणार नाही!"; शिंदे गटाच्या तालुकाप्रमुखाला आमदारपुत्राकडून धमकी?
रवींद्र भोये यांनी दिलेल्या तक्रारीनुसार, नाशिक येथील विश्रामगृहाच ग्रामपंचायत अधिकाऱ्यांची बैठक झाली होती. या बैठकीत वामन खोसकरांनी अपशब्द वापरल्याचे भोये यांना समजले. त्यानंतर त्यांनी याचा जाब विचारण्यासाठी थेट वामन खोसकर यांच्याशी मोबाईलवर संपर्क साधला. यावेळी फोनवरही वामन खोसकर यांनी आपल्याला शिवीगाळ केल्याचा आरोप रविंद्र भोये यांनी केला. मागच्या खासदारकीच्या निवडणुकीत तू माझ्याकडून वाचला पण आता तू वाचणार नाही,” अशी धमकी खोसकरांनी दिल्याचा आरोप भोये यांनी केला आहे.
वामन खोसकर यांच्या धमकीमुळे केवळ आपल्याच नव्हे तर आपल्या कुटुंबियांच्या जिवीतालाही धोका असल्याचे भोये यांनी म्हटलं आहे. तसेच, भविष्यात आपल्यासोबत कोणतीही अनुचित घटना घडल्यास त्याला आमदार हिरामण खोसकर आणि त्यांचे पुत्र वामन खोसकर जबाबदार असतील, असा दावा त्यांनी केला आहे. त्यामुळे या प्रकरणाची गांभीर्याने दखल घेऊन संबंधितांविरोधात कायदेशीर कारवाई करण्याची मागणी भोये यांनी पोलिसांकडे केली आहे.
दरम्यान, आमदार हिरामण खोसकर यांनी मात्रे भोये यांचे सर्व आरोप फेटाळून लावले आहेत. रवींद्र भोये हे खोटे आरोप करत असून मला शिवीगाळीच्या प्रकाराची माहिती नसल्याचेही त्यांनी स्पष्ट केले.
‘संघाने संविधान स्वीकारावे, देणगीचा हिशोब देशाला द्यावा’; हर्षवर्धन सपकाळांचा RSS-BJP वर हल्लाबोल
लोकसभा निवडणुकीच्या काळात भोये यांनीच आपल्याविरोधात खालच्या पातळीवर जाऊन भाषा वापरल्याचा प्रत्यारोप खोसकर यांनी केला. तसेच वामन खोसकर हा आपला मुलगा असल्याने तो आपल्या कार्यालयात येऊ शकतो; मात्र तो पक्षाचा अधिकृत पदाधिकारी नसल्याचेही त्यांनी सांगितले. ता या तक्रारीवर नाशिक ग्रामीण पोलीस काय कारवाई करतात, तसेच कथित संभाषणाची किंवा धमकीची सत्यता तपासात काय समोर येते, याकडे राजकीय वर्तुळाचे लक्ष लागले आहे.
