ठाणेकरांनो पाणी जपून वापरा ! ‘या’ भागात पाणीपुरवठा राहणार बंद

ठाणे शहरात जलशुद्धीकरणाच्या कारणाने शहरातील काही भागात पाणीकपात करण्यात आली आहे. पाणी पुरवठा योजनेच्या अंतर्गत जांभूळ जलशुध्दीकरण केंद्रातील वाहिन्यांचे तपासणीसाठी पाणीपुरवठा बंद राहणार आहे.

• जलशुध्दीकरण केंद्रातील कामामुळे पाणीपुरवठा राहणार बंद
• ठाण्यातील काही भागात होणार पाणीकपात
• कधी आणि किती दिवस असणार पाणीकपात?

ठाणे/स्नेहा जाधव,काकडे : महाराष्ट्र औद्योगिक विकास महामंडळाच्या पाणी पुरवठा योजनेच्या अंतर्गत जांभूळ जलशुध्दीकरण केंद्रातील जलाशय येथे बारवी गुरुत्व वाहिनी क्र. १. २ व ३ वर वाहिन्यांचे उन्नतीकरण व तातडीने देखभाल करण्यासाठी शटडाऊन घेण्यात येणार आहे. त्यामुळे, ठाणे महापालिका क्षेत्रातील कळवा, मुंब्रा, दिवा यांच्यासह वागळे आणि माजिवडा-मानपाडा प्रभाग समितींचा काही भाग येथे शुक्रवार, १९ सप्टेंबर रोजी पाणी पुरवठा बंद राहणार आहे.

Acharya Devvrat : महाराष्ट्राचे नवे राज्यपाल आचार्य देवव्रत यांनी घेतली शपथ, कोण आहेत आचार्य देवव्रत? वाचा सविस्तर?

‘या’ भागातील पाणीपुरवठा राहणार बंद

बारवी गुरुत्व वाहिनी क्र. १. २ व ३ वर वाहिन्यांचे उन्नतीकरण व तातडीने देखभाल करण्याकरीता गुरुवार, १८ सप्टेंबर रोजी रात्री १२ वाजल्यापासून शुक्रवार, १९ सप्टेंबर रोजी रात्री १२.०० वाजेपर्यंत एकूण २४ तास पाणी पुरवठा बंद राहील. त्यामुळे, ठाणे महानगरपालिके अंतर्गत दिवा, मुंब्रा (प्रभाग क्र. २६ व ३१ चा काही भाग वगळता) आणि कळवा प्रभाग समिती मधील सर्व भागामध्ये, तसेच, वागळे प्रभाग समिती मधील रुपादेवी पाडा, किसननगर नं. २. नेहरुनगर तसेच मानपाडा प्रभाग समिती अंतर्गत कोलशेत खालचा गाव येथील पाणी पुरवठा २४ तासासाठी पूर्णपणे बंद राहील.पाणी पुरवठा सुरू झाल्यानंतर पुढील १ ते २ दिवस कमी दाबाने पाणी पुरवठा होईल. या कपातीच्या कालावधीत पाणी काटकसरीने वापरावे. तसेच, पाणी गाळून व उकळून प्यावे, असे आवाहन ठाणे महापालिकेने नागरीकांना केले आहे.

Pune Rain News: सावधान! खडकवासल्यातून १४ हजार क्यूसेकने विसर्ग; नदीपात्र बंद अन् शाळांना थेट…