१५ शहरं, पोलिसांची ३५ पथकं; सैफवरील हल्लेखोराच्या ७२ तासात कशा आवळल्या मुसक्या?

सैफ अली खानच्या हल्लेखोराला ७२ तासांनंतर ठाण्यातून अटक करण्यात आली आहे. सैफवर हल्ला करणारा हल्लेखोर मोहोम्मद शरीफूल इस्लाम शहजादला पोलिसांच्या ताब्यात कसा आला ते जाणून घेऊया?

सैफ अली खानच्या हल्लेखोराला ७२ तासांनंतर अटक करण्यात आली आहे. हल्लेखोराला पकडण्यासाठी मुंबई पोलिस आणि गुन्हे शाखेची सुमारे 35 पथके तैनात करण्यात आले आहे. या टीममध्ये १०० हून अधिक पोलिस अधिकाऱ्यांचा समावेश होता. पोलिसांनी हल्लेखोराचा १५ हून अधिक शहरांमध्ये हल्लेखोराचा शोध घेण्यात आला. अखेर आरोपीला ठाण्यातून अटक करण्यात आली आहे. अशा परिस्थितीत सैफवर हल्ला करणारा हल्लेखोर मोहोम्मद शरीफूल इस्लाम शहजादला पोलिसांच्या ताब्यात कसा आला ते जाणून घेऊया?

‘साडे माडे तीन’ आणि ‘क्षणभर विश्रांती’नंतर सचित पाटील करणार “असंभव” चित्रपटाचे दिग्दर्शन

• मुंबई शहर, मुंबई उपनगर, ठाणे, पालघर, वसई, विरार, मीरा भाईंदर, नवी मुंबई, रायगड, मध्यप्रदेश, छत्तीसगड आणि उत्तर प्रदेश यांसह अनेक शहरांचे पोलीस फोटोंच्या आधारे आपापल्या भागात या आरोपीला अटक करण्याचा प्रयत्न करत आहेत. सीसीटीव्हीत कैद झाले होते.
• मुंबईचे पोलीस आयुक्त विवेक फणसळकर, विशेष पोलिस अधिक्षक देवेन भारती, कायदा व सुव्यवस्था विभागाचे जॉइंट सीपी सत्यनारायण चौधरी आणि जॉइंट सीपी क्राईम यांच्या देखरेखीखाली मुंबई पोलिसांची ३५ पथके शहराच्या कानाकोपऱ्यात शोधमोहिम केली.
• या आरोपी हल्लेखोरासारख्या दिसणाऱ्या एकूण ६ संशयितांना मुंबई पोलिसांनी ताब्यात घेऊन त्यांची तासंतास चौकशी केली.
• वांद्रे रेल्वे स्थानक आणि दादर रेल्वे स्थानकाचे रेल्वे पोलिसही या आरोपीच्या शोधात रात्रंदिवस काम करत होते. आरोपी हल्लेखोर विजय दास उर्फ ​​मोहम्मद अलीयान याने खार येथील सैफ अली खानच्या घरावर हल्ला केल्यानंतर प्रथम वांद्रे रेल्वे स्थानकावर आणि तेथून दादरला गेला.
• त्याने दादरमध्ये हेडफोन विकत घेतले आणि तेथून ठाण्यात पळ काढला. ठाण्यातील हिरानंदानी इस्टेट येथे सुरू असलेल्या मेट्रो बांधकामाजवळील कामगार छावणीमध्ये तो लपून बसला होता.
• त्याने वसाहतीतील इतर मजुरांना आपले नाव विजय दास असल्याचे सांगितले. त्याने बंगाली असल्याचा दावा केला पण त्याच्याकडे कोणतीही कागदपत्रे नसल्याने त्याला लगेच नोकरी मिळू शकली नाही. आरोपी बांधकामाच्या ठिकाणी मजूर म्हणून काम करत असल्याचे बोलत होते.
• वांद्रे पोलीस आणि गुन्हे शाखेच्या पथकाने संयुक्त कारवाई करून हल्लेखोराला शनिवारी मध्यरात्री उशिरा अटक केली. पोलिसांनी त्याचा हिरानंदानी इस्टेटमधील एका बांधकामाच्या ठिकाणी शोध घेतला, जिथे तो झुडपात लपला होता.

संघर्षांपासून प्रसिद्धीपर्यंत… कौन बनेगा करोडपतीमध्ये अमिताभ बच्चन यांनी शेअर केल्या ‘जंजीर’च्या आठवणी

सैफ अली खानवर हल्ला करणारा हल्लेखोर बांगलादेशचा रहिवासी असल्याचा खुलासा मुंबई पोलिसांनी केला आहे. पोलिसांनी सांगितले की, आरोपी बांगलादेशातील झलोकाठी येथील राजाबरिया गावचा रहिवासी आहे. 5-6 महिन्यांपूर्वी तो मुंबईत आला होता. तो बेकायदेशीरपणे भारतात घुसला होता. आपले नाव लपवण्यासाठी तो विजय दास म्हणून राहत होता. आरोपीकडे कोणतीही भारतीय कागदपत्रे नाहीत. आपली ओळख लपवण्यासाठी त्याने अनेक नावे बदलली. मुंबई पोलीस आरोपी मोहोम्मद शरीफूल इस्लाम शहजादला वांद्रे पूर्व न्यायालयात हजर करणार आहेत. न्यायालयात हल्लेखोराच्या कोठडीची मागणी पोलीस करणार आहेत.