(फोटो सौजन्य - इन्स्टाग्राम)
राज्यसभेचे खासदार राघव चड्ढा आपल्या बेधडक शैलीसाठी ओळखले जातात. देशवासीयांच्या हितासाठी ते नेहमी नवे मुद्दे उपस्थित करताना दिसतात आणि संसदेत ठामपणे मांडणी करतात. अलीकडे त्यांनी पितृत्व रजेचा मुद्दा उपस्थित करत भारतात पितृत्व रजा कायदेशीर अधिकार म्हणून मान्यता द्यावी, अशी मागणी केली आहे. आणि यावर त्यांची पत्नी आणि अभिनेत्री परिणीती चोप्राने अभिमान व्यक्त केला आहे.
राघव चड्ढा काय म्हणाले?
संसदेत बोलताना राघव चड्ढा म्हणाले की, आपल्या देशात बाळाचा जन्म झाल्यावर आई-वडील दोघांनाही शुभेच्छा मिळतात, मात्र संगोपनाची जबाबदारी प्रामुख्याने आईवरच येते. सध्या आपल्या व्यवस्थेत केवळ मातृत्व रजेला मान्यता आहे, ही समाजाची मोठी कमतरता असल्याचे त्यांनी नमूद केले. जेव्हा कायदा वडिलांच्या संगोपनाच्या जबाबदाऱ्या मान्य करत नाही, तेव्हा असा संदेश जातो की बाळाचं संगोपन ही केवळ आईचीच जबाबदारी आहे.”
परिणीतीला राघवचा अभिमान वाटतो
राघव यांच्या या भूमिकेवर त्यांची पत्नी आणि अभिनेत्री परिणीती चोप्रा यांनी आनंद व्यक्त केला आहे. त्यांनी राघव यांचा संसदेतला व्हिडिओ सोशल मीडियावर शेअर करत त्यांचे कौतुक केले. अभिनेत्री म्हणाली की, त्यांनी केवळ खासदार म्हणूनच नव्हे तर एक जबाबदार वडील म्हणूनही हा मुद्दा मांडला आहे. परिणीतीने पुढे लिहिले की, “आज तुम्ही याबद्दल जेव्हा बोललात, तेव्हा ते केवळ पॉलिसीपुरते मर्यादित नव्हते; तर तुम्ही आपल्या मुलाचे संगोपन कसे करायचे आहे, याची ती जाणीव होती. न सांगताही तुम्ही नेहमी सोबत असता. तुम्हाला हे समजते की पालकत्व ही एकत्रित जबाबदारी आहे, ती कुणावर सोपवण्याची गोष्ट नाही. बाळाच्या जन्माने केवळ आईचाच नव्हे, तर वडिलांचाही जन्म होतो.”
Ranjith: मल्याळम दिग्दर्शकला अटक; लैंगिक अत्याचाराच्या प्रयत्नाप्रकरणी पोलिसांनी घेतले ताब्यात
परिणीती पुढे म्हणाली, “अनेक माता अशा आहेत ज्या ही जबाबदारी एकट्याने पार पाडतात आणि त्यांचा आवाज अनेकदा ऐकला जात नाही. आज तुम्ही संसदेत त्यांच्यासाठी आवाज उठवला, आणि हीच ती जागा आहे जिथे त्याला सर्वाधिक महत्त्व आहे. जर यामुळे पालकांना, विशेषतः मातांना, पाठिंबा मिळाला, तर तो आपला खरा विजय ठरेल. तुम्ही एक उत्कृष्ट वडील आणि उत्तम नेते आहात. मी हे दररोज पाहते आणि आता संपूर्ण भारतही ते पाहील. मला तुमचा नेहमीच अभिमान राहील.”
.png "Videos"){kind=small}
