अ‍ॅटलीच्या नवीन चित्रपटाचे पोस्टर रिलीज; अल्लू अर्जुनच्या वाढदिवशी चाहत्यांना मिळाले रिटर्न गिफ्ट!

अल्लू अर्जुन त्याच्या २२ व्या चित्रपटासाठी प्रसिद्ध चित्रपट निर्माते अ‍ॅटलीसोबत काम करणार असल्याचे समोर आले आहे. आज ८ एप्रिल रोजी, अभिनेत्याच्या ४३ व्या वाढदिवसानिमित्त, ही खास घोषणा करण्यात आली आहे.

‘पुष्पराज’ हा चित्रपट आता पुन्हा एकदा चित्रपटसृष्टीत आग लावण्यास सज्ज झाला आहे. आज पॅन इंडिया स्टार अल्लू अर्जुनचा ४३ वा वाढदिवस आहे आणि या खास प्रसंगी, अभिनेत्याने त्याच्या चाहत्यांना एक खास भेट दिली आहे. अल्लू अर्जुनच्या वाढदिवशी, त्याच्या नवीन चित्रपटाची घोषणा करण्यात आली आहे, जो अ‍ॅटली दिग्दर्शित करणार आहे. हा चित्रपट बराच काळ चर्चेत होता, परंतु आज या खास प्रसंगी निर्मात्यांनी त्याची अधिकृत घोषणा केली आहे. आणि चाहत्यांना खुश करून टाकले आहे.

काय आहे चित्रपटाचे शीर्षक?
आज, ८ एप्रिल २०२५ रोजी, प्रॉडक्शन हाऊस सन पिक्चर्सने X वर व्हिडिओ शेअर करून याबद्दल माहिती दिली आहे. अल्लू अर्जुनने दक्षिणेकडील दिग्दर्शक अ‍ॅटलीसोबत एका ‘अद्भुत’ प्रकल्पासाठी काम केले आहे जो कधीही न पाहिलेला विज्ञानकथा असल्याचे म्हटले जात आहे. ‘AA22’ असे तात्पुरते नाव या चित्रपटाचे ठेवण्यात आले आहे. या आगामी चित्रपटाची घोषणा अर्जुनच्या ४३ व्या वाढदिवशी मंगळवारी करण्यात आली आहे.

शाहरुख खान फॅमिलीसोबत नव्या घरात शिफ्ट झाला, ‘मन्नत’पेक्षा अर्ध आहे किंग खानचं नवीन अपार्टमेंट

निर्मात्यांनी शेअर केला व्हिडीओ
हा अल्लू अर्जुनचा २२ वा आणि अ‍ॅटलीचा सहावा चित्रपट आहे, म्हणून निर्मात्यांनी ‘AA22-A6’ हा हॅशटॅग देखील शेअर केला. कॅप्शनमध्ये लिहिले होते, ‘एका ऐतिहासिक सिनेमॅटिक कार्यक्रमासाठी सज्ज व्हा.’ AA22xA6 – सन पिक्चर्सची एक अद्भुत कलाकृती.’ असं लिहिले आहे. व्हिडिओमध्ये, ‘स्टायलिश स्टार’ अल्लू अर्जुन चेन्नईतील प्रॉडक्शन हाऊसच्या ऑफिसकडे जाताना दिसत आहे जिथे तो दिग्दर्शक अ‍ॅटली आणि निर्माते कलानिधी मारन यांना भेटतो. हे तिघेही प्रकल्पावर चर्चा करताना आणि अधिकृतपणे प्रोजेक्ट लॉक करताना दिसत आहेत.

 

See more

Gear up for the Landmark Cinematic Event⚡✨#AA22xA6 – A Magnum Opus from Sun Pictures💥@alluarjun @Atlee_dir #SunPictures #AA22 #A6 pic.twitter.com/MUD2hVXYDP

— Sun Pictures (@sunpictures) April 8, 2025

तांत्रिक तज्ञांची टीमसह करणार काम
व्हिडिओमध्ये लॉस एंजेलिसमधील व्हीएफएक्स स्टुडिओला त्यांची भेट देखील दाखवण्यात आली आहे, जिथे ते हॉलिवूडमधील अनेक प्रसिद्ध तांत्रिक तज्ञांच्या मदतीने पटकथेवर काम करत आहेत. यामध्ये आयर्नहेड स्टुडिओचे सीईओ आणि कला दिग्दर्शक जोस फर्नांडिस यांचा समावेश आहे, जे स्पायडर-मॅन: होमकमिंग, कॅप्टन अमेरिका: सिव्हिल वॉर आणि अ‍ॅव्हेंजर्स: एज ऑफ अल्ट्रॉन या चित्रपटांसाठी ओळखले जातात आणि जेम्स मॅडिगन, एक व्हीएफएक्स पर्यवेक्षक ज्यांनी जीआय जो: रिटॅलिएशन आणि आयर्न मॅन २ सारख्या चित्रपटांमध्ये काम केले आहे. हॉलिवूडमधील इतर अनेक टॉप तंत्रज्ञ देखील या प्रकल्पात सहकार्य करताना दिसत आहेत.

‘L2 Empuran’ ठरला सर्वाधिक कमाई करणारा मल्याळम चित्रपट, फक्त नऊ दिवसांत बनवला रेकॉर्ड!

अ‍ॅटलीने व्यक्त केला आनंद
आपला उत्साह व्यक्त करताना अ‍ॅटली म्हणाला, ‘हा असा चित्रपट आहे जो मी नेहमीच बनवण्याचे स्वप्न पाहत होतो. ज्यावर मी खरोखर विश्वास ठेवला होता अशा स्क्रिप्टला साकारण्यासाठी वर्षानुवर्षे लागली. आता सन पिक्चर्समधील कलानिधी मारन सरांच्या दूरदर्शी नेतृत्वाखाली आयकॉन स्टार अल्लू अर्जुन सर यांच्यासोबत ते प्रत्यक्षात आणणे हे स्वप्न पूर्ण होण्यापेक्षा कमी नाही. हा चित्रपट मुळातच भव्य आहे आणि त्याची कथा जादुई आहे, जी सर्वत्र प्रेक्षकांना प्रभावित करण्यासाठी आणि त्यांचे मनोरंजन करण्यासाठी डिझाइन केलेली आहे.’ असं तो म्हणाला आहे.