पंचतारांकित हॉटेलमधून ‘बिग बॉस १६’ फेम अभिनेत्रीच्या गाडीतुन दिवसाढवळ्या चोरी, व्हिडिओ शेअर करत सांगितली हकिकत

अर्चना गौतमने तिच्या अनुभवाबद्दल सांगितले
इस्टाग्रामवर एक व्हिडिओ शेअर करताना अर्चना म्हणाली, ‘मला तुमच्या सर्वांसोबत एक गोष्ट शेअर करायची आहे. काही दिवसांपूर्वी मी ताजमहाल हॉटेलमध्ये गेले होते. तिथे कॉफी पिण्याचा माझा बेत होता. जेव्हा मी माझी गाडी तिथे पार्क केली तेव्हा मी गाडीच्या डॅशबोर्डवर २-३ महिन्यांपूर्वी खरेदी केलेला स्पीकर ठेवला होता. मी परत पार्किंगमध्ये आले तेव्हा स्पीकर तिथे नव्हता. जेव्हा मी हॉटेलच्या कर्मचाऱ्यांना याबद्दल विचारले तेव्हा त्यांनी सांगितले की आमच्याकडे येथे चोर नाहीत.’

अर्चनाने लोकांना इशारा दिला
अर्चना पुढे म्हणाली, ‘मी पोलिसांनाही याबद्दल माहिती दिली होती पण त्यांनी सांगितले की तुम्हाला पोलिस स्टेशनमध्ये येऊन तक्रार दाखल करावी लागेल.’ तसेच अर्चनाने सांगितले की तिच्याकडे हे सर्व करण्यासाठी पुरेसा वेळ नाही आणि तरीही तिला माहित होते की यात काहीही साध्य होणार नाही. अर्चना म्हणाली, ‘मी हे सर्व तुमच्या सर्वांसोबत शेअर करत आहे जेणेकरून तुमच्यासोबत असे काहीही होऊ नये.’ सध्या अर्चनाने याबद्दल पोलिसांकडे कोणतीही तक्रार केलेली नाही.

सिद्धांत चतुर्वेदी आणि तृप्ती डिमरीच्या ‘धडक २’ चित्रपटाचे पोस्टर रिलीज, ट्रेलर ‘या’ होणार प्रदर्शित

कामाच्या आघाडीवर अर्चना गौतम
अर्चना अलीकडेच सेलिब्रिटी मास्टरशेफमध्ये दिसली होती. या शोमध्ये तिने तिचे स्वयंपाक कौशल्य दाखवले. याशिवाय, आगामी प्रकल्पांबद्दल बोलताना, वृत्तानुसार, अर्चना बेटी नावाच्या एका लघुपटात पोलिसाची भूमिका साकारणार आहे, जो ओटीटीवर प्रदर्शित होणार आहे आणि दिग्दर्शक आशिष पांडा दिग्दर्शित करणार आहे.

संबंधित बातम्या