(फोटो सौजन्य - इन्स्टाग्राम)
जेव्हा आर्यन खानने प्रिव्ह्यू लाँच इव्हेंटमध्ये बोलायला सुरुवात केली तेव्हा तो शाहरुख खानसाठी सर्वात मोठा अभिमानाचा क्षण होता. आर्यनचे प्रत्येक शब्द शाहरुख ज्या प्रकारे लक्षपूर्वक ऐकत होता ते सर्वांच्या लक्षात आले. पण दिग्दर्शनाच्या जगात येत असलेल्या आर्यनने खुलासा केला की ४ वर्षांच्या कठोर परिश्रम आणि हजारो टेकनंतर हा प्रोजेक्ट बनला आहे. त्यानंतर प्रत्येक सीन तयार करण्यात आला.
किकू शारदा – कृष्णा अभिषेकमध्ये बिनसलं? सोशल मीडियावर भांडणाचा व्हायरल झाला व्हिडिओ
‘बॅड्स ऑफ बॉलीवूड’ कसा तयार झाला?
आर्यन खान म्हणाला की, हा शो बनवण्याचा एकमेव उद्देश म्हणजे अनेक ठिकाणी लोकांना भरपूर मनोरंजन देणे. चार वर्षांचे कठोर परिश्रम, असंख्य चर्चा आणि हजारो टेकनंतर, हा शो अखेर तयार झाला आहे. खरंतर, ही मालिका गौरी खान तयार करत आहे. तिचे प्रोडक्शन हाऊस रेड चिलीज एंटरटेनमेंट त्याच्याशी जोडलेले आहे. यासोबतच, आर्यनने त्या लोकांचेही आभार मानले, ज्यांच्याशिवाय हा शो बनवणे कठीण होते. ज्यामध्ये नेटफ्लिक्सची टीम, रेड चिलीजची टीम, टी-सीरीजचे मालक भूषण कुमार, आर्यनची क्रिएटिव्ह टीम यांचा समावेश आहे.
खरंतर आर्यन खानने या चित्रपटासाठी खूप मेहनत घेतली आहे. त्याने खूप लक्षपूर्वक ही सिरीज तयार केली आहे. हेच कारण आहे की स्वतः बॉबी देओलने सांगितले की, ‘आर्यनने त्याला खूप मेहनत करायला लावली आहे. अगदी शाहरुख खान देखील सांगताना दिसला की बॉबी देओलने त्याना एके दिवशी फोन केला होता. आणि म्हटले की हा आर्यन खूप टेक घेतो, त्याला काहीतरी सांग मित्रा.’ असे अभिनेता म्हणाला. खरंतर हा आर्यन खानचा पहिलाच प्रोजेक्ट आहे. ज्यामध्ये अनेक कलाकार काम करताना दिसणार आहेत. मोठी गोष्ट म्हणजे या चित्रपटासाठी कोट्यवधी रुपये खर्च झाले आहेत.
आर्यन किती वर्षांचा आहे?
शाहरुख खानच्या मुलीने अभिनय क्षेत्रात पदार्पण केले आहे. आता अभिनेत्याच्या मुलाची दिग्दर्शनात पदार्पणाची करण्याची वेळ आहे. १९९७ मध्ये जन्मलेला आर्यन २७ वर्षांचा आहे. लोकांना त्याला बऱ्याच काळापासून अभिनयात पहायचे होते. पण त्याने स्वतःसाठी वेगळा मार्ग निवडला आहे. प्रिव्ह्यू घोषणेचा व्हिडिओमध्ये तो अभिनय करताना दिसला आहे. आर्यनचे हे नवीन काम पाहण्यासाठी चाहते खूप उत्सुक आहेत. तसेच ही सिरीज येत्या १८ सप्टेंबरला नेटफ्लिक्सवर प्रदर्शित होणार आहे.
.png "Videos"){kind=small}
