बी प्राक आणि रॉकस्टार डीएसपी पुन्हा दिसणार एकत्र, चाहत्यांसाठी घेऊन येणार नवा प्रोजेक्ट !

साऊथ संगीतकार रॉकस्टार डीएसपी आणि बी प्राक या दोघांची केमिस्ट्री चाहत्यांना पुन्हा एकदा पाहायला मिळणार आहे. दोघांही एक नवा प्रोजेक्ट साठी काम करत असून, या दोघांचेही सोशल मीडियावर एकत्र असलेले फोटो व्हायरल होत आहेत. हे पाहून चाहत्यांना खूप आनंद झाला आहे.

पॅन इंडियन अष्टपैलू गायक बी प्राक त्याच्या चाहत्यांना नेहमीच काही ना काही नवीन गाणी लाँच करून त्यांना खुश करताना दिसत असतो आणि अश्यातच तो आता नवीन गाण करणार का ? हा प्रश्न त्याच्या चाहत्यांना पडला आहे. आता चर्चा होत आहेत की ‘मन भर्या’ गायक पुन्हा एकदा दक्षिण चित्रपट उद्योगात आपली छाप पाडण्यासाठी सज्ज झाला आहे. यावेळी तो राष्ट्रीय पुरस्कार विजेते संगीतकार देवी श्री प्रसाद उर्फ ​​रॉकस्टार डीएसपी यांच्या सोबत काम करताना दिसणार आहे. यापूर्वी बी प्राक आणि डीएसपी यांनी ‘सरिलेरू नीकेव्वरु’ मधील ‘सूर्युडिवो चंद्रुदिवो’ गाण्यासाठी एकत्र काम केले होते आणि आता पुन्हा हे दोघे एकत्र येऊन काम करणार का या बातम्यांना उधाण आले आहे. हे फोटो पाहून अनेक चात्यांच्या मनात हाच प्रश्न निर्माण झाला आहे.

बी प्राक हा असा एक गायक आहे जो कायम वैविध्यपूर्ण संगीत करतो आणि स्वतःच्या संगीताने प्रेक्षकांना मोहित करतो. त्याने पॅन इंडियन म्हणून स्वतःची प्रतिमा सिद्ध केली आहे केवळ मूळ ट्रॅकच नाही तर बी प्राक त्याच्या स्वत:च्या क्लासिक्सच्या सादरीकरणासह चार्टवर अधिराज्य गाजवत आहे. त्याचे ‘ॲनिमल’ मधील ‘सारी दुनिया जला देंगे’ हे गाणे तुफान लोकप्रिय झालं तर ‘शेरशाह’ मधील त्याचे ‘रांझा’ हे गाणे 2021 मधील स्पॉटिफाय इंडियावर दुसरे सर्वाधिक स्ट्रीम केलेले गाणे ठरले. आता, त्याचे चाहते बी प्राकच्या नवीन रचना पाहण्याची आतुरतेने वाट पाहत आहेत. गायक, जो आंतरराष्ट्रीय स्तरावर विकल्या गेलेल्या मैफिलींमध्ये देखील परफॉर्म करत आहे, लवकरच आणखी काही प्रकल्पांची घोषणा करेल अशी अपेक्षा आहे.

हे देखील वाचा- ‘दिल को तुमसे प्यार हुआ’ या मालिकेचे मनारा चोप्रा आणि अलाया एफने केले कौतुक!

तसेच, दरम्यान कामाच्या आघाडीवर, रॉकस्टार डीएसपीने आगामी चित्रपट ‘पुष्पा 2: द रुल’ मधील अलीकडेच रिलीज झालेल्या व्हायरल ट्रॅकसह प्रेक्षकांना खिळवून ठेवले आहे. त्याचे ‘पुष्पा पुष्पा’ आणि ‘द कपल सॉन्ग’ हे ट्रॅक्स आधीच चार्टबस्टर्सवर राज्य करत आहेत आणि अनेक रेकॉर्ड मोडत आहेत. यापलीकडे रॉकस्टार डीएसपी सुरिया स्टारर ‘कंगुवा’, पवन कल्याणचा ‘उस्ताद भगतसिंग’, अजितचा ‘गुड बॅड अग्ली’, नागा चैतन्यचा ‘थंडेल’ आणि धनुषचा ‘कुबेरा’ या सिनेमांमध्ये त्याचे संगीत पराक्रम दाखवणार आहे.

रॉकस्टार डीएसपी आणि बी प्राक हे दोघेही उत्कृष्ट संगीतकार आहेत. या दोघांनीही खूप कष्ट करून त्यांच्या कारकिर्दीला सुरुवात केली आहे. या दोघांचे चाहते त्यांना एकत्र पाहण्यासाठी आतुर झाले आहेत. आता हे दोघे लवकरच त्यांचा प्रोजेक्ट घेऊन येतील ही आशा आहे