Bhool Bhulaiyaa 3: चौथ्या आठवड्यातही चित्रपटाची जबरदस्त कमाई, ‘सिंघम अगेन’ला टाकले मागे!

हॉरर कॉमेडी चित्रपटांसाठी 2024 हे वर्ष खूप खास आहे. यावर्षी, मुंज्या ते स्त्री 2 सह अनेक कॉमेडी आणि हॉरर चित्रपटांनी बॉक्स ऑफिसवर राज्य केले. तसेच, 'भूल भुलैया 3' देखील अजूनही कोटीत कमाई करत आहे.

हॉरर कॉमेडी चित्रपट ‘भूल भुलैया 3’ ची क्रेझ प्रेक्षकांमध्ये कमी होण्याची चिन्हे दिसत नाही आहेत. 2024 मध्ये हॉरर कॉमेडी चित्रपटाची एवढी जादू चढली आहे की चाहत्यांच्या मनावर अजूनही त्याची भुरळ आहे. यावर्षी मुंज्याने खळबळ माजवली, मग स्त्री २ आणि आता भूल भुलैया ३. तिन्ही चित्रपटांनी प्रेक्षकांचे उत्तम मनोरंजन केले आणि बॉक्स ऑफिसवर खळबळ उडवून दिली. चौथ्या आठवड्यातही भूल भुलैया ३ सिनेमागृहात चांगली कमाई करताना दिसत आहे.

मार्गात आलेले सर्व चित्रपट मागे टाकले
मध्यंतरी रिलीज झालेला सूर्या आणि बॉबी देओल स्टारर ‘कांगुवा’ हा चित्रपट देखील भूल भुलैया समोर टिकू शकला नाही. विक्रांत मॅसीचा ‘द साबरमती रिपोर्ट’ आणि अभिषेक बच्चनच्या ‘आय वॉन्ट टू टॉक’ या चित्रपटांनाही विशेष प्रतिसाद मिळाला नाही. ‘भूल भुलैया 3’ अजूनही चित्रपटगृहांमध्ये सुरू आहे. आणि जोरदार कमाई करताना दिसत आहे.

‘पुष्पा 2’ ला सेन्सॉर बोर्डाकडून मिळाले U/A प्रमाणपत्र, चित्रपटामधील केले हे तीन सीन कट!

चित्रपटाचे एकूण कलेक्शन किती होते?
‘भूल भुलैया 3’ जरी पहिल्या दिवसाच्या कमाईत ‘सिंघम अगेन’ला मागे टाकू शकला नसला तरी आता तो वेगाने पुढे सरकताना दिसत आहे. गेल्या 27 दिवसांत देशांतर्गत बॉक्स ऑफिसवर धुमाकूळ घालणाऱ्या या सिनेमाने गुरुवारीही चांगली कमाई केली आहे. Sakanlik च्या अहवालानुसार, चित्रपटाने रिलीजच्या 28 व्या दिवशी एकूण एक दिवसात 1 कोटी रुपयांचे कलेक्शन केले आहे. देशांतर्गत बॉक्स ऑफिसवर चित्रपटाची एकूण कमाई जवळपास 272 कोटी रुपये आहे. जगभरातील कलेक्शनमध्ये, भूल भुलैया 3 ने 400 कोटींहून अधिक कलेक्शन केले आहे.

भूल भुलैया 3 मध्ये कार्तिक आर्यन व्यतिरिक्त विद्या बालन, माधुरी दीक्षित, तृप्ती डिमरी, संजय मिश्रा, विजय राज आणि राजपाल यादव देखील महत्त्वाच्या भूमिकेत दिसले आहेत. या चित्रपटाद्वारे विद्या बालनने 17 वर्षांनंतर मंजुलिकाच्या भूमिकेत पुनरागमन केले. डबल मंजुलिकाचा क्रॉस ओव्हर प्रेक्षकांना खूप आवडला आहे.

पॉप गायक जस्टिन बीबर आजारपणात झाला गरीब, उदरनिर्वाहासाठी उचललं हे पाऊल!

‘पुष्पा 2’ बरोबर स्पर्धा होईल का?
तसेच, भूल भुलैया ३ साठी अजून १ आठवडा बाकी आहे. त्यानुसार हा चित्रपट आपले कलेक्शन आणखी वाढवू शकतो. अल्लू अर्जुनचा पुष्पा २ हा चित्रपट ५ डिसेंबर रोजी चित्रपटगृहात प्रदर्शित होणार आहे. त्यानुसार कार्तिक आर्यनची पुढची लढत थेट अल्लू अर्जुनच्या पुष्पासोबत होणार आहे. हा चित्रपट आता पुष्पा २ ला टक्कर देऊ शकेल का हे पाहणे उत्सुकतेचे होणार आहे.