(फोटो सौजन्य - एक्स अकाउंट)
विकी कौशलच्या ‘छावा’ चित्रपटाची बॉक्स ऑफिसवर खूप चांगली पकड आहे. हा चित्रपट प्रदर्शित झाल्यापासून आश्चर्यकारक नफा कमवत आहे. विकीच्या या चित्रपटाने ५०० कोटींचा मोठा आकडा ओलांडला आहे आणि २०२५ मध्ये असे करणारा हा पहिला चित्रपट ठरला आहे. आता प्रश्न असा आहे की, विकी कौशलचा ‘छावा’ हा चित्रपट बॉलिवूडच्या किंग खान म्हणजेच शाहरुख खानच्या ‘जवान’ चित्रपटाचा रेकॉर्ड मोडू शकेल का हे पाहणे उत्कंठाचे ठरणार आहे.
‘छावा’ चित्रपटाने ५०० कोटींचा टप्पा ओलांडला
खरंतर, विकी कौशलच्या या चित्रपटाने चांगली कमाई केली आहे. अशा परिस्थितीत, ‘छावा’ हा चित्रपट आताही थांबणार नाही आणि तो शाहरुख खानच्या ‘जवान’ चित्रपटाला ठक्कर देण्याची शक्यता आहे. ‘जवान’ चित्रपटाच्या कलेक्शनबद्दल बोलायचे झाले तर, या चित्रपटाने एकूण ७३३.६ कोटी रुपये कमावले आहेत आणि विकी कौशलच्या ‘छावा’ चित्रपटाने ५०२.७ कोटी रुपयांचा व्यवसाय केला आहे. आणि आता हा चित्रपट पुढे काय कमाई करतो हे पाहणे उत्सुकतेचे होणार आहे.
ऑम्लेट पलटायला वापरा नाना पाटेकरांची टेक्निक, Viral Video पाहून फूड ब्लॉगर्स होतील आश्चर्य चकित!
हा चित्रपट ‘जवान’चा रेकॉर्ड मोडेल का?
‘छावा’ चित्रपटाला आता शाहरुखच्या चित्रपटाचा विक्रम मोडण्यासाठी फक्त २३०.९ कोटी रुपये जास्त कमवावे लागणार आहे. तथापि, ‘छावा’ हा विक्रम मोडू शकेल की नाही हे पाहणे बाकी आहे. आता हे भविष्यातच समजणार आहे. यासोबतच, जर आपण ‘छावा’ च्या आतापर्यंतच्या कमाईबद्दल बोललो तर या चित्रपटाने पहिल्या आठवड्यात २२५.२८ कोटी रुपये कमावले आहेत.
चित्रपटाची एकूण कमाई
त्याच वेळी, या चित्रपटाने रिलीजच्या दुसऱ्या आठवड्यात १८६.१८ कोटी रुपयांचा व्यवसाय केला आहे. ‘छावा’ चित्रपटाने तिसऱ्या आठवड्यात ८४.९४ कोटी रुपये कमावले आहेत आणि २२ दिवसांत ६.३ कोटी रुपयांचा व्यवसाय केला आहे. यासह, चित्रपटाची एकूण कमाई ५०२.७ कोटी रुपयांवर पोहोचली आहे. चित्रपटाने फक्त २२ दिवसांत ही रक्कम कमावली आहे. मॅडॉक फिल्म्सने स्वतः त्यांच्या इंस्टाग्रामवर एका पोस्टद्वारे ही माहिती शेअर केली आहे. निर्मात्यांना चित्रपटाची कमाई पाहून खूप आनंद झाला आहे.
.png "Videos"){kind=small}
