(फोटो सौजन्य - सोशल मीडिया)
‘द साबरमती रिपोर्ट’ 15 नोव्हेंबरला चित्रपटगृहात प्रदर्शित होणार आहे. एकता कपूर या चित्रपटाची निर्मिती करत आहे. या चित्रपटाच्या रिलीजच्या एक आठवडा आधी या चित्रपटाचा ट्रेलर रिलीज करण्यात आला आणि त्यासोबत पत्रकार परिषदही आयोजित करण्यात आली होती. तिथे एकता कपूरने या चित्रपटाविषयी भरपूर सांगितले आणि तिने चित्रपट बनवताना कोणाचाही पाठिंबा मागितला नाही, तसेच ती कोणत्याही शाखेशी संबंधित नसल्याचेही स्पष्ट केले आहे. स्वत:ला धर्मनिरपेक्ष असल्याचे सांगून ती म्हणाली की, ‘चित्रपट केवळ सत्य दाखवण्यावर भर देत आहे. 2002 मध्ये गोध्रा येथे घडलेल्या घटनेची सत्यता लोकांना कळावी हाच त्याचा उद्देश आहे.’ असे तिने या चित्रपटाबाबत सांगितले.
एकता कोणत्याही शाखेशी संबंधित नाही
या पत्रकार परिषदेत एकता कपूरसोबत अभिनेते विक्रांत मॅसी, राशि खन्ना आणि रिद्धी डोगराही उपस्थित होते. चित्रपटाबाबत सर्वांनी आपापली मते मांडली. दरम्यान, हा चित्रपट बनवण्यापूर्वी पंतप्रधान नरेंद्र मोदी यांचा सल्ला घेण्यात आला होता का, असा प्रश्न विचारण्यात आला, कारण या घटनेच्या वेळी ते गुजरातचे मुख्यमंत्री होते. या प्रश्नाला उत्तर देताना एकता कपूरने स्पष्ट केले की, तिने ना पंतप्रधान मोदींकडे समर्थन मागितले होते ना सरकारकडे. ती म्हणाली, ‘मी कोणत्याही शाखेशी संबंधित नाही. इथे एकच पंखाला जोडली गेली आहे ती म्हणजे सत्याचा पंख आणि हे त्या पंखाचे उड्डाण आहे.’ असे तिने सांगितले.
हे देखील वाचा- ‘सिंघम अगेन’ पूर्वी रोहित शेट्टीच्या ‘या’ चित्रपटांनी केला १०० कोटींचा टप्पा पार
एकता कपूर धर्मनिरपेक्षतेवर बोलली
याशिवाय एकता कपूर धर्म आणि धर्मनिरपेक्षतेच्या मुद्द्यावरही बोलली. हा चित्रपट कोणत्याही एका धर्मावर केंद्रित आहे का, असे विचारल्यावर एकता म्हणाली, ‘मी हिंदू आहे, म्हणजे मी धर्मनिरपेक्ष आहे? मी कोणत्याही धर्मावर कधीही भाष्य करणार नाही कारण मी एक हिंदू आहे आणि मला सांगायचे आहे की मला सर्व धर्म आवडतात.’ असे तिएन सांगितले. हे वक्तव्य ऐकल्यानंतर लोक एकताचे खूप कौतुक करत आहेत.
त्याच वेळी एकताने मांडले मत
एकताने पुढे सांगताना तिचा एक अनुभव शेअर केला. एकता म्हणाली, ‘मंत्र म्हणालात तरी त्यातही गंमत मला वाटतं एक काळ असा होता की जेव्हा आम्ही पूजा करायचो, तेव्हाही गुपचूप करायचो. तो म्हणायचा, माझा फारसा विश्वास नाही, पण मी सोबत येईन, फक्त तुझ्या भरवशासाठी. तुला इतकी लाज का वाटावी?’ तिने आपल्या वक्तव्याद्वारे स्पष्ट केले की तिचा धर्मावर विश्वास आहे आणि ती याच्याशी संबंधित जे काही करते ते मनापासून करते, तिला कोणापासून लपवायची गरज नाही. असे तिने सांगितले.
हे देखील वाचा- Pushpa 2: ‘पुष्पाला घाबरला छावा’! पुष्पामुळे विकी कौशलच्या चित्रपटाची रिलीज डेट ढकलणार पुढे?
‘द साबरमती एक्स्प्रेस’च्या रिलीजला फक्त एक आठवडा उरला आहे. हा चित्रपट 15 नोव्हेंबरला प्रदर्शित होणार आहे. विक्रांत मॅसी या चित्रपटात मुख्य नायक आहे. रिद्धी डोगरा आणि राशि खन्ना या चित्रपटाच्या मुख्य अभिनेत्री आहेत. या चित्रपटाचे दिग्दर्शन धीरज सरना यांनी केले आहेत. शोभा कपूर, एकता आर कपूर, अमूल व्ही मोहन आणि अंशुल मोहन मिळून या सगळ्यांनी या चित्रपटाची निर्मिती केली आहे.
.png "Videos"){kind=small}
