BIGG BOSS 18 : बिग बॉसवर ईशा सिंहची दादागिरी, ‘हिंदी’मध्ये बोलण्यास दिला नकार, प्रेक्षकांनी केलं ट्रोल

बिग बॉसच्या घरामधील नियम तोडल्यावर बिग बॉस सुरुवातीला त्यांना सूचना देतात त्यानंतर मग जर ऐकले नाही तर त्यांना शिक्षाही दिली जाते. ईशाने घराचा एक महत्त्वाचा नियम मोडला आहे.

बिग बॉस १८ : सलमान खानचा टेलिव्हिजनवरचा वादग्रस्त रिऍलिटी शो बिग बॉस १८ सध्या प्रचंड चर्चेत आहे. स्पर्धक सध्या बिग बॉस १८ च्या दुसऱ्या आठवड्यामध्ये राशनसाठी बिग बॉस कडे मागणी करत आहेत. घरामधील सदस्यांना बिग बॉस सध्या कमी राशन देत आहेत त्यामुळे सदस्य बिग बॉसविरुद्ध राशनची लढाई करत आहेत. एकीकडे व्हिव्हियन डिसेना आणि चाहत पांडे यांच्यात टॉम अँड जेरीचा खेळ सुरू आहे. दुसरीकडे अविनाश मिश्रा आणि करणवीर मेहरा यांच्यामध्ये जोरदार कडाक्याचा वाद सुरु आहे. या भांडणामुळे बिग बॉसने अविनाश मिश्राला घरातून बाहेरही काढले होते. मात्र, आता तो बिग बॉस जेलमध्ये बंद आहे. दरम्यान, अविनाशची मैत्रीण आणि बिग बॉस १८ ची स्पर्धक ईशा सिंगला सोशल मीडियावर खूप ट्रोल केले जात आहे.

बिग बॉसच्या घरामधील नियम तोडल्यावर बिग बॉस सुरुवातीला त्यांना सूचना देतात आणि त्यानंतर मग जर ऐकले नाही तर त्यांना शिक्षाही दिली जाते. ईशाने घराचा एक महत्त्वाचा नियम मोडला आहे. इतकेच नाही तर जेव्हा बिग बॉसने तिला असे न करण्यास सांगितले तेव्हा ईशाने त्यांच्यावर दादागिरी करण्याचा आणि ओरडण्याचा प्रयत्न केला. बिग बॉस १८ च्या लाईव्ह फीडमधील एक व्हिडीओ सध्या सोशल मीडियावर प्रचंड व्हायरल होत आहे, त्यामुळे सध्या सोशल मीडियावर या व्हिडिओच्या खाली कॉमेंट्सचा वर्षाव करण्यात आला आहे आणि त्यामुळे इशा सिंहला सोशल मीडियावर मोठ्या प्रमाणात ट्रोलिंगचा सामना देखील करावा लागत आहे.

बिग बॉसच्या फॅन पेजने एक व्हिडिओ शेअर केला आहे, ज्यामध्ये इशा सिंह आणि चुम दरंग एकमेकांशी कोणत्या ना कोणत्या विषयावर बोलत आहेत. संभाषणादरम्यान, ईशा बहुतेक वेळा इंग्रजी भाषा वापरताना दिसत आहेत. अर्थात, बिग बॉसच्या घराचा एक महत्त्वाचा नियम म्हणजे स्पर्धक फक्त हिंदी भाषा वापरतील. मात्र, ईशा हा नियम विसरून इंग्रजीत बोलत राहिली. बिग बॉसने तिला अडवून हिंदीत बोलायला सांगितले तरीही ती वारंवार इंग्रजी भाषेचा वापर करत होती. २-३ वेळा बिग बॉसने सांगितल्यानंतर ती बिग बॉस ओरडली.

See more

Eisha madam ko hindi nahi bolna lakin hindi serial me kaam karna hai, hindi show me aana hain. Irritating personality.pic.twitter.com/spykL4ykuB — #BiggBoss_Tak👁 (@BiggBoss_Tak) October 17, 2024

व्हिडिओमध्ये तुम्ही पाहू शकता की, बिग बॉस ईशाला सांगतात, ‘तुम्ही फक्त हिंदीभाषेमध्ये बोलू शकता.’ यावर अभिनेत्री रागाने म्हणते, ‘हिंदीत बोलू नका. माझ्याशी हिंदीत बोलू शकत नाही. मला इंग्रजीत बोलणे अधिक सोयीचे वाटते. मला हिंदीत कसे बोलावे ते कळत नाही.