‘कांतारा चॅप्टर १’ चे निर्माते झाले मालामाल, १८ व्या दिवशीही कोटींची कमाई; जाणून घ्या Collection

ऋषभ शेट्टीचा "कांतारा चॅप्टर १" हा चित्रपट बॉक्स ऑफिसवर धुमाकूळ घालत आहे. तो दररोज मोठ्या प्रमाणात कमाई करताना दिसत आहे. ५०० कोटी क्लबमध्ये प्रवेश केल्यानंतर, "कांतारा चॅप्टर १" आता वेगाने ६०० कोटींच्या जवळ पोहचला आहे.

• ‘कांतारा चॅप्टर १’ चे निर्माते झाले मालामाल
• १८ व्या दिवशीही कोटींची कमाई
• जाणून घ्या चित्रपटाचे संपूर्ण कलेक्शन

साऊथ स्टार ऋषभ शेट्टीचा “कांतारा चॅप्टर १” हा चित्रपट बॉक्स ऑफिसवर आपला दबदबा कायम ठेवत आहे. प्रदर्शित झाल्यापासून हा चित्रपट सातत्याने कमाई करत आहे. अलिकडेच “कांतारा चॅप्टर १” ने देशांतर्गत बॉक्स ऑफिसवर ५०० कोटींचा टप्पा ओलांडला आहे, जो एक महत्त्वाचा रेकॉर्ड आहे. आता, हा चित्रपट भारतात ६०० कोटींच्या क्लबमध्ये वेगाने पोहोचत आहे. ऋषभ शेट्टीच्या “कांतारा चॅप्टर १” ने देशांतर्गत बॉक्स ऑफिसवर किती कोटींची कमाई केली आहे हे आपण जाणून घेणार आहोत.

“कांतारा चॅप्टर १” प्रदर्शित होऊन दोन आठवड्यांहून अधिक काळ लोटला आहे आणि देशभरातील प्रेक्षक तो पाहण्यासाठी थिएटरमध्ये गर्दी करत आहेत. चित्रपटाने पहिल्या आठवड्यात ३३७.४ कोटी आणि दुसऱ्या आठवड्यात १४७.८५ कोटींची कमाई केली. १६ व्या दिवशी “कांतारा चॅप्टर १” च्या कमाईत घट झाली, एकूण ८.५ कोटींची कमाई झाली. १७ व्या दिवशी ‘कांतारा चॅप्टर १’ ने १२.९ कोटींची कमाई केली आहे.

‘हा’ प्रसिद्ध अभिनेता दिवाळी साजरी करत नाही, व्हिडिओ शेअर करत म्हणाला, ”आता फटाक्यांच्या आवाजाचीही भीती वाटते.”

५०० कोटींची केली कमाई
ट्रेड वेबसाइट सॅकनिल्कच्या सुरुवातीच्या अहवालानुसार, ‘कांतारा चॅप्टर १’ ने १८ व्या दिवशी, म्हणजेच तिसऱ्या रविवारी १७.५० कोटी रुपयांची कमाई केली आहे. अशाप्रकारे, ऋषभ शेट्टीच्या चित्रपटाने आतापर्यंत देशांतर्गत बॉक्स ऑफिसवर ५२४.१५ कोटी रुपयांची कमाई केली आहे. चित्रपटाची कमाई ज्या गतीने होत आहे त्यावरून असे दिसून येते की तो लवकरच भारतीय बॉक्स ऑफिसवर ६०० कोटी रुपयांचा टप्पा ओलांडणार आहे.

‘कांतारा: चॅप्टर १’ ची भारतातील कमाई
पहिल्या दिवशी – ६१.८५ कोटी
दुसरा दिवस – ४५.४ कोटी
तिसरा दिवस – ५५ कोटी
चौथा दिवस – ६३ कोटी
पाचवा दिवस – ३१.५ कोटी
सहावा दिवस – ३४.२५ कोटी
सातवा दिवस – २५.२५ कोटी
आठवा दिवस – २१.१५ कोटी
नववा दिवस – २२.२५ कोटी
दहावा दिवस – ३९ कोटी
अकरावा दिवस – ३९.७५ कोटी
बारावा दिवस – १३.३५ कोटी
तेरावा दिवस – १४.१५ कोटी
चौदावा दिवस – १०.५ कोटी
पंधरावा दिवस – ८.८५ कोटी
सोळावा दिवस – ८.५० कोटी
सतरावा दिवस – १२.९ कोटी
अठरावा दिवस – १७.५० कोटी
एकूण – ५२४.१५ कोटी रुपये

जर्मन संगीतकार Klaus Doldinger यांचे निधन, वयाच्या ८९ व्या वर्षी घेतला अखेरचा श्वास

ऋषभ शेट्टी दिग्दर्शित चित्रपट
‘कांतारा चॅप्टर १’ हा चित्रपट होम्बाले फिल्म्सच्या बॅनरखाली तयार केला गेला आहे. ऋषभ शेट्टी केवळ या चित्रपटात काम करत नाहीत तर त्याचे लेखन आणि दिग्दर्शनही केली आहे. हा चित्रपट २०२२ च्या ब्लॉकबस्टर ‘कांतारा: अ लेजेंड’ चा प्रीक्वल आहे. ‘कांतारा चॅप्टर १’ मध्ये रुक्मिणी वसंत, जयराम आणि गुलशन देवैया यांच्याही महत्त्वाच्या भूमिका आहेत. हा चित्रपट प्रेक्षकांना खूप आवडला आहे.

‘कांतारा चॅप्टर १’ ची काय आहे कथा?
मानवी लोभ आणि शक्तीमुळे धोक्यात आल्यावर दैवी शक्ती निसर्ग आणि श्रद्धेचे कसे रक्षण करतात हे चित्रपटात दाखवण्यात आले आहे. ‘कांतारा चॅप्टर १’ चे त्याच्या आश्चर्यकारक दृश्ये, शक्तिशाली अभिनय आणि कथेसाठी मोठ्या प्रमाणात कौतुक झाले आहे. दक्षिण भारतीय चित्रपटसृष्टीपासून ते बॉलीवूडपर्यंत अनेक स्टार्सनी चित्रपटाचे कौतुक केले आहे.