Bigg Boss 18 : बिग बॉसच्या मेकर्सच्या निशाण्यावर पुन्हा करणवीर मेहरा! तर दुसरीकडे मैत्रिणीमध्ये तडा

मागील आठवड्यामध्ये प्रसिद्ध अभिनेता करणविर मेहराचा खेळ थोडासा डगमगलेला पाहायला मिळाला. त्यामुळे आता त्याच्याच खेळावर रोहित शेट्टीने प्रश्न उपस्थित केले आहेत. सोशल मीडियावर प्रदर्शित झालेल्या प्रोमोमध्ये रोहित शेट्टी करणवीर मेहराला म्हणतो की, करण मला आता असं पाहायला मिळत आहे की घरामध्ये मुद्दा असतो पण तू त्याच्यामध्ये जाण्याचा प्रयत्न करत नाहीस. जसं तू श्रुतिकाला सांगितले की, मध्ये जाऊ नकोस त्या भांडणाची मजा घे!

करणवीर मेहरा संतापला

यावर बिग बॉस 18 ची स्पर्धक आणि करणवीर मेहराची मैत्रीण श्रुतिका अर्जुन म्हणते की, तो फक्त तिथे बसून बघत होता आणि मला म्हणत होता की त्यांना जे करायचे ते करू देत ना. यावर करणवीर मेरा संतापतो आणि म्हणतो की, खूप झालं तुझं बोलणं मला आता माझं बोलणं संपवू दे. लोकांचे त्यांचे वैयक्तिक वाद आहेत त्यामुळे मी त्यांच्या वादांमध्ये मी का जाऊ? यावर रोहित शेट्टी म्हणतात की, तुझ्या खेळाच्या प्लॅनिंगमुळे आणि खेळीमुळे तू खेळामध्ये नाहीसा होत चालला आहेस.

करणवीर मेहरा आणि श्रुतिका अर्जुन यांच्या मैत्रीमध्ये बऱ्याचदा असे क्षण आले आहेत. ज्यामुळे त्यांच्या मैत्रीला तडा जाण्याची शक्यता होती परंतु त्यावेळी त्यांनी सांभाळले होते पण आता रोहित शेट्टीचा समोर हे दोघे भांडतांना दिसले आहे त्यामुळे त्यांच्या मैत्री तुटणार की पुन्हा ते सांभाळणार हे पाहणे मनोरंजक ठरेल.

संबंधित बातम्या