‘छावा’ चित्रपटाला जबरदस्त टक्कर? फक्त ४ दिवसात १०० कोटींच्या क्लबमध्ये सामील झाला Housefull 5

२०२५ मध्ये असे अनेक चित्रपट प्रदर्शित झाले आहेत जे प्रचंड स्टारकास्ट असूनही बॉक्स ऑफिसवर चांगली कामगिरी करू शकले नाहीत. याचदरम्यान आता 'हाऊसफुल ५' चित्रपट सध्या चर्चेत आहे.

अक्षय कुमारचा ‘हाऊसफुल ५’ हा चित्रपट ६ जून रोजी थिएटरमध्ये प्रदर्शित झाला. प्रचंड स्टारकास्ट असलेल्या या चित्रपटाने अवघ्या ४ दिवसांत १०० कोटींचा आकडा ओलांडला आहे. चित्रपटाला संमिश्र प्रतिक्रिया मिळत असल्या तरी, बॉक्स ऑफिसवर तो वेगाने वाढत आहे. ‘हाऊसफुल ५’ सारखे या वर्षी कोणत्या चित्रपटांनी १०० कोटींचा आकडा ओलांडले आहेत हे जाणून घेऊयात.

रेड २
या वर्षी १०० कोटी कमाई करणाऱ्या चित्रपटांच्या यादीत अजय देवगण आणि वाणी कपूर यांचा ‘रेड २’ हा चित्रपटही समाविष्ट आहे. या चित्रपटाने ९ दिवसांत हा आकडा गाठला. जरी निर्मात्यांना अपेक्षा होती की हा चित्रपट थोडा आधी १०० कोटींचा टप्पा ओलांडेल, परंतु तसे झाले नाही. सुमारे सात वर्षांपूर्वी आलेल्या ‘रेड’ चित्रपटाचा सिक्वेल असलेल्या या चित्रपटात, आयकर आयुक्त अमय जयपूरमध्ये काम करत आहेत. ते राजा कुंवर (गोविंद नामदेव) च्या घरावर छापा टाकतात आणि त्याची काळी कमाई वसूल करतात. या चित्रपटाची कथा याच गोष्टीवर आधारित आहे. भारतात या चित्रपटाचे बॉक्स ऑफिस कलेक्शन १७१.३५ कोटी आहे.

‘The Delhi Files’ चित्रपटाच्या नावात बदल? विवेक अग्निहोत्रीन शेअर केले सिनेमाबाबत नवे अपडेट

स्काय फोर्स
अक्षय कुमार आणि वीर पहाडिया अभिनीत हा चित्रपट देशाच्या एका शूर सैनिकाच्या खऱ्या आयुष्याची कहाणी दाखवतो. या चित्रपटाने ८ दिवसांत १०० कोटींचा टप्पा ओलांडला. या चित्रपटात वीर पहाडियाने १९६५ च्या भारत-पाकिस्तान युद्धादरम्यान कर्तव्य बजावताना आपल्या प्राणाची आहुती देणाऱ्या भारतीय हवाई दलाच्या स्क्वाड्रन लीडर टी. कृष्ण विजयाची भूमिका साकारली होती. या चित्रपटाने भारतात एकूण ११२.७५ कोटींची कमाई केली.

सिकंदर
सलमान खानचा बहुप्रतिक्षित ‘सिकंदर’ हा चित्रपटही यावर्षी बॉक्स ऑफिसवर प्रदर्शित झाला. जरी तो अपेक्षेप्रमाणे चांगला कामगिरी करू शकला नाही, तरी अवघ्या ८ दिवसांत त्याने १०० कोटींचा टप्पा ओलांडला. भारतात या चित्रपटाचे एकूण कलेक्शन ११०.१ कोटींची कमाई केली आहे.

इंदूर कपल केसदरम्यान चर्चेत आली Chum Darang, अभिनेत्रीच्या पोस्टने दिला खास संदेश

छावा
या वर्षी सर्वात जलद १०० कोटी कमाई करण्याचा विक्रम सध्या विकी कौशलच्या ‘छावा’ चित्रपटाच्या नावावर आहे. ‘छावा’ चित्रपटाने अवघ्या ३ दिवसांत १०० कोटींचा टप्पा गाठला. इतकेच नाही तर या चित्रपटाने भारतात ६०० कोटींचा व्यवसायही केला आहे जो या वर्षीचा आतापर्यंतचा सर्वाधिक कलेक्शन आहे. हा चित्रपट संभाजी महाराजांची कहाणी दाखवतो.