ओटीटीच्या जगात नवाजुद्दीन सिद्दीकीचा चित्रपट थेट टीव्हीवर होणार प्रदर्शित, ‘अद्भुत’चा ट्रेलर रिलीज!

'अद्भुत' चित्रपटामध्ये नवाजुद्दीन सिद्दीकी एका गुप्तहेराच्या भूमिकेत दिसणार असून, अभिनेता एक गुंतागुंतीची केस सोडवताना दिसणार आहे. याआधी रौतू का राज यामध्येही त्यांनी पोलीस अधिकारी बनून एका खुनाचा तपास केला होता. परंतु आता नवाजुद्दीन सिद्दीकीचा 'अद्भुत' हा चित्रपट थेट टीव्हीवर प्रेक्षकांना पाहायला मिळणार आहे. या चित्रपटात रोहन मेहरा, डायना पेंटी आणि श्रेया धन्वंतरी यांच्याही भूमिका आहेत.

सध्या हे युग ओटीटीचे आहे. चित्रपट एकतर थिएटरमध्ये प्रदर्शित होत आहेत किंवा थेट ओटीटीवर प्रदर्शित होताना दिसत आहेत. परंतु दरम्यान, नवाजुद्दीन सिद्दीकीचा ‘अद्भुत’ हा चित्रपट हा ट्रेंड मोडत आहे. हा चित्रपट चित्रपटगृहात किंवा OTT वर प्रदर्शित न होता थेट टीव्हीवर प्रदर्शित होणार आहे. साबीर खान दिग्दर्शित हा एक अप्रतिम हॉरर थ्रिलर चित्रपट आहे, ज्यामध्ये नवाज एका गुप्तहेराच्या भूमिकेत दिसणार आहे. या चित्रपटात डायना पेंटी, श्रेया धन्वंतरी आणि रोहन मेहरा देखील महत्त्वाच्या भूमिकेत दिसणार आहेत. या चित्रपटाचा ट्रेलर येत्या शनिवारी रिलीज झाला असून हा सिनेमा लवकरच टीव्हीवर पाहायला मिळणार आहे.

काय आहे या चित्रपटाची कथा?
ट्रेलरची सुरुवात रोहन आणि श्रेयाच्या पात्रांपासून होते, जे निर्जन ठिकाणी जंगलाच्या मध्यभागी एका आलिशान घरात सुट्टी साजरी करत आहेत. पण, तिथे श्रेयासोबत विचित्र घटना घडू लागतात. पोलिसांऐवजी डिटेक्टिव्ह नवाजला चौकशीसाठी बोलावले जाते. डायना पेंटी प्रवेश करते आणि सर्व सस्पेन्स तिच्याभोवती सुरु होतो. तपासादरम्यान काही गुपिते उघड होतात आणि मृतदेह पुरून टाकल्याचे समोर येते. या सगळ्या गोष्टीनंतर चित्रपटाची कथा सुरु होते. आणि ही कथा पाहताना चाहत्यांना नक्कीच गुंतवून ठेवेल हे स्पष्ट होते.

 

See more

चित्रपट कधी आणि कुठे रिलीज होणार?
‘अद्भुत’ 15 सप्टेंबर रोजी रात्री 8 वाजता सोनी मॅक्सवर प्रसारित होणार आहे. ऐंशी आणि नव्वदच्या दशकात डीव्हीडी आणि टीव्हीवर चित्रपट प्रदर्शित करण्याचा ट्रेंड होता. हळूहळू डीव्हीडीची परंपरा थांबली आणि चित्रपटांचे सॅटेलाइट पद्धतीत विकले जाऊ लागले. चित्रपटगृहांनंतर काही महिन्यांनी टीव्हीवर चित्रपट दिसू लागले. पण ओटीटीच्या प्रसारानंतर थेट ओटीटीनंतर चित्रपटगृहात आणि नंतर टीव्हीवर चित्रपट येऊ लागले. या दृष्टीने साबीर खानचा हा चित्रपट प्रस्थापित नियमांना छेद देणारा आहे.

हे देखील वाचा- विनीत कुमार सिंहने वाढदिवसानिमित्त चाहत्यांना दिले रिटर्न गिफ्ट, सनी देओलसह ‘SDGM’ चित्रपटात दिसणार!

नवाजुद्दीन सिद्दीकीचा मागील चित्रपट ‘रौथु का राज’ ZEE5 वर प्रदर्शित झाला होता. या चित्रपटात त्याने एका पोलीस अधिकाऱ्याची भूमिका साकारली होती जो एका खुनाच्या गुन्ह्याचा तपास करत होता. ‘सैंधवा’ या तेलगू चित्रपटातही अभिनेत्याने मुख्यभुमिका साकारली होती.