विनीत कुमार सिंहने वाढदिवसानिमित्त चाहत्यांना दिले रिटर्न गिफ्ट, सनी देओलसह ‘SDGM’ चित्रपटात दिसणार!

बॉलीवूड अभिनेता विनीत कुमार आज त्याचा ४० वा वाढदिवस साजरा करत आहे. या अभिनेत्याने अनेक हिंदी चित्रपटांमध्ये तसेच वेब सिरीज मध्ये काम केले आहे. तसेच अभिनेत्याने आज वाढदिवसानिमित्त चाहत्यांना आनंदाची बातमी शेअर करून त्यांना वाढदिवसाचे रिटर्न गिफ्ट दिले आहे. विनीत कुमार सिंह आता बॉलीवूड स्टार सनी देओलसोबत एकत्र काम करताना दिसणार आहे.

(फोटो सौजन्य- इंस्टाग्राम)

Follow Us:

Follow Us:

अभिनेता विनीत कुमार सिंह आज त्याचा वाढदिवस साजरा करत आहे. तसेच, ‘मुक्काबाज’ अभिनेत्याने ‘SDGM’ नावाचा बहु-भाषिक पॅन इंडिया चित्रपट साइन केला आहे. ज्यामध्ये सनी देओल मुख्य भूमिकेत दिसणार आहे. Mythri Movie Makers आणि पीपल मीडिया फॅक्टर द्वारे निर्मित हा चित्रपट विनीतचा सनी देओलसोबतचा पहिला प्रोजेक्ट असणार आहे. मिळालेल्या माहितीनुसार, मोठ्या बजेटचा चित्रपट “देशातील सर्वात मोठा ॲक्शन चित्रपट” म्हणून ओळखला जाणार असून हा चित्रपट गोपीचंद मालिनेनी दिग्दर्शित केला आहे.

या वर्षी जूनमध्ये फ्लोअरवर गेलेला हा चित्रपट अनेक यशस्वी उपक्रमांमागे असलेल्या Mythri Movie Makers आणि People Media Factory च्या प्रभावी ट्रॅक रेकॉर्डमुळे खूप अपेक्षित ठरला आहे. सनी देओल आणि ‘रंगबाज’ अभिनेता काय जादू निर्माण करणार याची चाहते आतुरतेने वाट पाहत आहेत. या चित्रपटाची कथा आणि कलाकार जाणून घेण्यासाठी चाहते उत्सुक आहेत. प्रॉडक्शनच्या जवळच्या स्त्रोतांनी असे सांगितले आहे हे दोन्ही कलाकार वेगळ्या भूमिकेत प्रेक्षकांना दिसणार आहेत.

 

View this post on Instagram

 

A post shared by Vineet Kumar Singh (@vineet_ksofficial)

हे देखील वाचा- ‘मुक्काबाज’ ते ‘घुसपैठिया’ विनीत कुमार सिंहच्या अष्टपैलुत्वावर प्रकाश टाकणारे चित्रपट पहाच!

यापूर्वी निर्मात्यांनी रणदीप हुड्डाला चित्रपटाचा भाग म्हणून घोषित केले होते. ऋषी पंजाबी हे सिनेमॅटोग्राफी सांभाळतील तर संगीत थमन एस सैयामी खेर यांनी दिले आहे आणि रेजिना कॅसँड्रा मुख्य भूमिकेत दिसणार आहे. सध्या विनीत कुमार सिंगवर ‘घुसपैठिया’ चित्रपटासाठी कौतुकाचा वर्षाव होत आहे. तो पुढे ‘आधार’ मध्ये दिसणार आहे जे अद्याप रिलीज झालेला नाही. MAMI मुंबई फिल्म फेस्टिव्हलमधील स्पेशल स्क्रिनिंगमध्ये प्रेक्षकांनी जे पाहिले त्यावर आधारित विनीत सिंहला या चित्रपटातील त्याच्या भूमिकेसाठी कौतुकाचा वर्षाव केला आहे. तसेच, तो त्याच्या आगामी ‘सुपरबॉयज ऑफ मालेगाव’, ‘रंगीन’ आणि ‘छावा’ या प्रोजेक्ट्सची तयारी करत आहे.

Web Title: Vineet kumar singh will be seen with sunny deol in upcoming sgdm movie

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com