“चलो बुलावा आया है, ट्रंप ने बुलाया है…”, गॅरी संधूने केला देवीचा अपमान; शिवसेनेच्या रडारवर आला गायक

पंजाबी गायक गॅरी संधू नुकताच चर्चेत आला आहे. गायकाने नुकतेच देवीच्या लोकप्रिय गाण्याबद्दल वाद निर्माण केला आहे त्याने हिंदू भक्तीगीताचा अपमान केल्यामुळे शिवसेने नेते संतापले आहेत.

• गायक गॅरी संधूने केला देवीचा अपमान
• शिवसेनेच्या रडारवर आला गायक
• जाणून घ्या काय आहे संपूर्ण प्रकरण?

चार दिवसांपूर्वी अमेरिकेतील कॅलिफोर्निया येथे एका लाईव्ह कॉन्सर्ट दरम्यान हिंदू भावनांचा अनादर केल्याचा आरोप झाल्यानंतर पंजाबी गायक गॅरी संधू वादात सापडला आहे. या सादरीकरणादरम्यान, संधूने एक प्रसिद्ध हिंदू भक्तिगीत गायले होते, ज्यामध्ये ते अमेरिकेचे माजी राष्ट्राध्यक्ष डोनाल्ड ट्रम्प यांच्याशी जोडले गेले होते, ज्याचे बोल “चलो बुलावा आया है, ट्रम्प ने बुलाया है” असे होते. आणि आता याच गाण्यामुळे तो वादात सापडला आहे. आणि शिवसेनेच्या रडारवर आला आहे. हे संपूर्ण प्रकरण काय आहे आपण हे जाणून घेणार आहोत.

‘Naagin 7’ मधील प्रियांका चहर चौधरीचा फर्स्ट लूक रिलीज, ‘बिग बॉस १९’ मध्ये दिसली पहिली झलक

शिवसेना पंजाबचे नेते भानू प्रताप यांनी संधूच्या गाण्याचा निषेध केला आणि म्हटले की, गायकाने एका राजकीय व्यक्तीशी भक्तिगीत जोडून हिंदू धार्मिक भावना दुखावल्या आहेत. ते म्हणाले, “तरन तारन पोटनिवडणुकीदरम्यान आम्ही हा मुद्दा सर्व हिंदू नेत्यांसमोर उपस्थित करू. गॅरी संधूचा निषेध कसा करायचा याचा सामूहिक निर्णय घेतला जाईल. हा अपमान सहन केला जाणार नाही.” असे त्यांनी म्हटले आहे. आणि गायक आता चांगलाच अडचणीत अडकला आहे.

ट्रम्प यांच्या विरोधात बोलल्याबद्दल गॅरी संधू अडचणीत
शिवाय, या घटनेनंतर सोशल मीडिया प्लॅटफॉर्मवर गॅरी संधूवर तीव्र टीका केली जात आहे. संधू वादात अडकण्याची ही पहिलीच वेळ नाही. सुमारे ११ महिन्यांपूर्वी, ऑस्ट्रेलियामध्ये एका लाईव्ह शो दरम्यान गायकावर हल्ला झाला होता. एका चाहत्याने स्टेजवर चढून त्याची मान धरली होती, परंतु सुरक्षा कर्मचाऱ्यांनी हल्लेखोराला पकडले आणि त्याला पोलिसांच्या स्वाधीन केले. हा वाद देखील सोशल मीडियावर चर्चेचा विषय ठरला आणि हा व्हिडीओ सोशल मीडियावर व्हायरल झाला.

तारिणीच्या चौकशीतून उलगडणार युवराजच्या खोलीचं गुपित, दयानंदमुळे जवळ येणार Tarini आणि Kedar?

गॅरी संधू नक्की आहे तरी कोण?
मूळचा जालंधरमधील रुरका कलान गावचा रहिवासी असलेला गॅरी संधू सध्या युनायटेड किंग्डम (यूके) मध्ये राहतो, जिथे तो त्याची संगीत कारकीर्द करताना दिसतो. इन्स्टाग्रामवर ५.३ दशलक्षाहून अधिक फॉलोअर्ससह, हा गायक खूप लोकप्रिय आहे. या गायकाचा चाहता वर्ग देखील मोठा आहे. त्याची अनेक गाणी ट्रेंड करत आहेत. आणि आता अशातच लाईव्ह कॉन्सर्ट दरम्यान हिंदू भावनांचा अनादर केल्यामुळे तो चर्चेत आला आहे.

गॅरी संधूची प्रसिद्ध गाणी
२०१० मध्ये त्यांच्या सुपरहिट पंजाबी गाण्या “माई नी पींदा” द्वारे गायक प्रसिद्ध झाला, ज्यामुळे त्याला लवकरच प्रचंड लोकप्रियता मिळाली. तेव्हापासून, संधूने “येस बेबी बंदा बन जा” सारखी अनेक चार्ट-टॉपिंग गाणी रिलीज केली आहेत, तसेच त्याने भारत आणि जगभरातील प्रेक्षकांना मोहित केले आहे. त्यांचे संगीत अनेकदा प्रेम, ब्रेकअप आणि अनेक उत्साहित गाणी बनवताना दिसतो.