(फोटो सौजन्य - इन्स्टाग्राम)
बॉलिवूड स्टार रणवीर सिंगचा धुरंधर हा चित्रपट प्रदर्शित होण्यास अवघे काही दिवस बाकी आहेत. दरम्यान, निर्मात्यांनी १८ नोव्हेंबर रोजी ट्रेलर रिलीज केला, ज्याला प्रेक्षकांनी चांगला प्रतिसाद दिला. अनेकांनी ट्रेलरचे कौतुक केले, परंतु ध्रुव राठी प्रभावित झाले नाही आणि त्याने दिग्दर्शक आदित्य धरवर टीका केली. ध्रुव राठीने सांगितले की बॉलिवूडमध्ये अश्लीलतेची पातळी सर्व मर्यादा ओलांडली आहे. ध्रुव राठीच्या वक्तव्यावर रणवीर शौरे प्रभावित झाला नाही आणि दोघांमध्ये वाद झाला.
ध्रुव राठीने ISIS आणि रणवीर सिंगच्या “धुरंधर” मधील अनेक साम्यांकडे लक्ष वेधले आणि X वर टीका केली. त्याने आदित्य धरवर राग व्यक्त केला आणि म्हटले की दिग्दर्शकाने सर्व मर्यादा ओलांडल्या आहेत आणि पैशाचा त्याचा लोभ नियंत्रणाबाहेर गेला आहे. त्याने असेही म्हटले की आदित्य धर तरुण पिढीच्या मनात विष पसरवत आहे
ध्रुव राठीने पुढे लिहिले की, “पैशाच्या लोभात, तो (आदित्य धर) तरुण पिढीच्या मनात विष पेरण्याइतपत पुढे गेला आहे. तो त्यांना असंवेदनशील आणि रक्तपाताबद्दल बेफिकीर बनवत आहे. अशाप्रकारे, तो छळाला आणखी प्रोत्साहन आणि गौरव देत आहे.” ध्रुव राठीचे हे विधान आता चर्चेत आले आहे. आणि सोशल मीडियावर हा व्हिडीओ व्हायरल होत आहे.
ध्रुव राठीच्या या पोस्टवर रणवीर शौरीने करारा प्रत्युत्तर दिलं. प्रतिक्रिया देताना रणवीर म्हणाला, “मित्रा, तू बहुतांश वेळा चुकीचा असतोस, पण तू यालाच करिअर बनवलंस हे मात्र मला आवडतं.”
यावर ध्रुव राठीनेही टोला लगावत रणवीर शौरीला उत्तर दिलं, “त्या करिअरपेक्षा तर हेच बरं, जिथं तुम्हाला जगण्यासाठी ‘बिग बॉस’मध्ये बनावट भांडणं करावी लागतात.”
मात्र रणवीर शौरीही शांत न राहता पुन्हा म्हणाला, “‘बिग बॉस’ हाऊसमधली भांडणं तुझ्या भांडणांच्या निम्मीसुद्धा बनावट नसतात, मित्रा. निभावत रहा.”
वाद इथेच थांबला नाही, पुढे जेव्हा एका यूजरने रणवीर शौरीला ध्रुव राठीला उत्तर देऊ नये असा सल्ला दिला. शेवटची प्रतिक्रिया देताना रणवीर शौरी म्हणाला,“या बावळटाने एखाद्या चित्रपटाला आणि चित्रपट निर्मात्याला नुकसान करण्याचा प्रयत्न केला नसता, तर मी कधीच याच्याशी वाद घातला नसता. हा युरोपमध्ये बसून भारतीयांच्या आणि त्यांच्या हितांच्या किंमतीवर प्रसिद्धी आणि पैसे कमावतो आहे. या मूर्खाला फॉलो करणाऱ्या भारतीयांबद्दल मला वाईट वाटतं.”
.png "Videos"){kind=small}
