रितेश उत्कृष्ट अभिनेत्यासह क्वालिफाइड आर्किटेक्ट देखील आहे, जाणून घेऊयात अभिनेत्याचे लव्ह लाईफ अन् कारकीर्द!

बॉलिवूड अभिनेता आणि दिग्दर्शक रितेश देशमुख आज त्याचा 46 वा वाढदिवस साजरा करत आहे. एक चांगला अभिनेता असण्यासोबतच रितेश एक क्वालिफाइड आर्किटेक्ट देखील आहे. आज रितेशच्या वाढदिवसानिमित्त आपण त्याच्याबद्दल जाणून घेणार आहोत.

रितेश देशमुखने ‘तुझे मेरी कसम’ या चित्रपटातून बॉलिवूडमध्ये पदार्पण केले. हा चित्रपट फारसा चालला नसला तरी या चित्रपटादरम्यान त्याला त्याच्या आयुष्यातील खरे प्रेम नक्कीच मिळाले. या चित्रपटातून जेनेलिया डिसूझानेही रितेशसोबत पदार्पण केले होते. अनेक हिट चित्रपटांमध्ये काम केलेल्या रितेशने ‘एक व्हिलन’, ‘हाऊसफुल’, ‘मरजावां’, मस्ती, धमाल’मध्ये आपल्या दमदार अभिनयाने सर्व प्रेक्षकांची मने जिंकली आहेत. आज रितेश त्याचा 46 वा वाढदिवस साजरा करत आहे. या खास प्रसंगी जाणून घ्या रितेशच्या आयुष्याशी संबंधित अनेक रंजक गोष्टी.

दिग्दर्शक राजकुमार गुप्ता यांनी रितेशबद्दल ही मजेशीर गोष्ट सांगितली
पिलच्या मुख्य भूमिकेत रितेशला कास्ट करण्याबद्दल, राज म्हणाले होते की, “शो लिहिल्यानंतर मी विचार केला की ही व्यक्तिरेखा कोण साकारू शकते, खूप नावे माझ्या मनात आली, पण जेव्हा आम्ही रितेशला पाहिले तेव्हा मला वाटले की ते खूप मनोरंजक असेल. त्याला अशा प्रकारची भूमिका करताना पाहण्यासाठी उत्सुक आहे.” असे ते म्हणाले होते.

दिग्दर्शक म्हणून केले पदार्पण
2022 मध्ये रितेश देशमुखने ‘वेड’ या मराठी चित्रपटाद्वारे दिग्दर्शनाच्या जगात पहिले पाऊल ठेवले. यानंतर रितेशने छत्रपती शिवाजी महाराजांच्या जीवनावर चित्रपट बनवण्याचा निर्णय घेतला आहे. रितेशनेही चित्रपट बनवण्याची तयारी सुरू केली आहे. वेड हा चित्रपट बॉक्स ऑफिसवर ब्लॉकबस्टर ठरला. या चित्रपटात रितेशसोबत त्याची पत्नी आणि अभिनेत्री जेनेलिया मुख्य भूमिकेत दिसली आहे. विशेष म्हणजे रितेशचा ‘वेड’ हा मराठी इंडस्ट्रीतील सर्वाधिक कमाई करणारा चित्रपट ठरला आहे. ‘वेड’च्या जबरदस्त यशानंतर आता रितेशने पुन्हा एकदा दिग्दर्शन करण्याचा निर्णय घेतला आहे.

अभिनेत्याची जाणून घ्या लव्ह लाईफ
जेनेलिया डिसूजाची रितेश देशमुखसोबतची प्रेमकहाणी खूपच रंजक आहे. पहिल्या भेटीत जिनिलियाला रितेश देशमुख बिघडलेला आणि घमंडी माणूस वाटला होता. त्याचवेळी रितेशने एकदा सांगितले होते की, जिनिलियाचा नवरा म्हटल्यावर तिचा अहंकार किती दुखावला गेला होता. ‘तुझे मेरी कसम’ या डेब्यू चित्रपटादरम्यान रितेश जेनेलियाच्या प्रेमात पडला होता. 2012 मध्ये रितेशने जेनेलिया डिसूजासोबत लग्न केले. रितेश आणि जेनेलिया यांना रियान आणि राहिल अशी दोन मुले आहेत. या दोघांची जोडी आता चाहत्यांमध्ये जास्त पसंत केली जाते.

रितेश कॉफीच्याही आहे प्रेमात
मीडिया रिपोर्ट्सनुसार, रितेश देशमुखने एका मुलाखतीत सांगितले होते की त्याला कॉफी किती आवडते. त्याने शाहरुखला त्याच्या कॉफी प्रेमाचे श्रेय दिले. त्यावेळी रितेश खूपच लहान होता आणि त्याने पहिल्यांदाच बॉलिवूडचा बादशाह शाहरुखच्या तोंडून ब्लॅक कॉफीचा उल्लेख ऐकला होता.

सोनाक्षी सिन्हाचा रुद्रावतार, वडिलांचे संस्कार काढणाऱ्या मुकेश खन्नाला केले ‘खामोश’, धमकीवजा इशारा

रितेश देशमुखची संपत्ती
मीडिया रिपोर्ट्सनुसार, अभिनेता रितेश देशमुख एका चित्रपटासाठी 6 ते 7 कोटी रुपये घेतो. याशिवाय तो ब्रँड प्रमोशनमधूनही चांगली कमाई करतो. एका ब्रँड एंडोर्समेंटसाठी तो २ कोटी रुपये घेतो. याशिवाय तो टीव्ही शो होस्ट करूनही चांगली कमाई करत आहे. रितेशची एकूण कमाई 138 कोटींहून अधिक आहे. अभिनेत्याची संपत्तीसह त्याच्या कडे त्याची फॅनफॉलोवर्सही जास्त आहेत.