(फोटो सौजन्य - इन्स्टाग्राम)
चित्रपटसृष्टीत भाईजान म्हणजेच सलमान खान सध्या चर्चेत आहे. तो नेहमीच त्याच्या ताकदीसाठी, स्टाईलसाठी आणि कणखर व्यक्तिमत्त्वासाठी ओळखला जातो. जेव्हा जेव्हा त्याचे नाव घेतले जाते तेव्हा अभिनेत्याबद्दल मनात येणारी पहिली प्रतिमा मजबूत शरीरयष्टीचा आणि भारतातील सर्वात प्रसिद्ध अभिनेता म्हणून दिसतो, परंतु फार कमी लोकांना माहिती आहे की इतक्या जबरदस्त व्यक्तिमत्त्वा मागे सलमान अनेक गंभीर आजारांनी ग्रस्त आहे. तरीही, तो नेहमीप्रमाणे त्याचे दुःख लपवून काम करत आहे आणि काम चालूच राहिले पाहिजे असा विश्वास ठेवतो. अलीकडेच, जेव्हा तो ‘द कपिल शर्मा शो’मध्ये आला तेव्हा त्याने त्याच्या आरोग्याशी संबंधित काही गोष्टी शेअर केल्या आहेत.
सलमान खानने त्याच्या आरोग्याबद्दल काय म्हटले?
‘त्याच्या आयुष्यात कोणी मुलगी आहे का?’ या वर्षानुवर्षे सलमानला विचारल्या जाणाऱ्या प्रश्नाने संभाषण सुरू झाले. यावर, त्याने विनोदाने म्हटले की सध्या त्याच्या आयुष्यात कोणीही नाही आणि खरे सांगायचे तर, लग्नानंतर होणारे भांडण आणि तडजोड सहन करण्याची त्याच्यात आता धीटता नाही. असे अभिनेत्याने म्हटले आहे. तो म्हणाला की आता त्याला एकटे राहणे आवडते आणि तो त्याची जागा कोणासोबतही शेअर करू इच्छित नाही. तो विनोदाने म्हणाला की आजकाल लोक छोट्या छोट्या कारणांवरून घटस्फोट घेतात आणि त्याहूनही वर, ते त्यांचे अर्धे पैसे गमावतात.
सलमान म्हणाला की त्याने जे काही कमावले आहे ते त्याने खूप मेहनतीने केले आहे. त्याला कोणीही त्याचा अर्धा हिंसा हिरावून घ्यावा असे वाटत नाही कारण ते कठोर परिश्रम पुन्हा करणे खूप कठीण होईल. असे सलमानने म्हटले आहे.
अभिनेता पुढे म्हणाला की आम्ही इतकी वर्षे कठोर परिश्रम करत आहोत. या काळात हाडे तुटली, फासळ्याही फुटल्या. ट्रायजेमिनल न्यूराल्जियासारख्या आजारावर उपचार झाले, मेंदूमध्ये एन्युरिझम आहे, त्यावर उपचार सुरू आहेत. एव्हीएमवरही उपचार सुरू आहेत. तरीही आम्ही काम करत आहोत, उंचीवरून स्टंट करत आहोत, पडत आहोत, चालणे कठीण आहे पण तरीही आम्ही नाचत आहोत… हे सर्व चालू आहे.’ असे सलमान म्हणाला.
सर्जरीनंतर दीपिका कक्कर परतली सोशल मीडियावर; पती शोएब इब्राहिमनंतर, आता मुलासाठी लिहिली पोस्ट!
सलमानची तब्येत कशी आहे?
सलमान खानची तब्येत गेल्या अनेक वर्षांपासून ठीक नाही. २००७ च्या सुमारास अभिनेत्याला ट्रायजेमिनल न्यूराल्जियाची लक्षणे दिसू लागली असे म्हटले जाते. त्यावेळी तो ‘पार्टनर’ चित्रपटाचे चित्रीकरण करत होता. त्याला अनेक वर्षे या आजाराचा त्रास सहन करावा लागला आणि तरीही तो सतत काम करत होता. २०११ मध्ये तो त्याच्या उपचारासाठी अमेरिकेला गेला. आणि आता अभिनेत्याची तब्येत स्थिरावली आहे.
.png "Videos"){kind=small}
