फराह खानच्या विरोधात हिंदुस्तानी भाऊकडून तक्रार दाखल, नेमकं प्रकरण काय ?
हिंदूंचा पवित्र सण समजल्या जाणाऱ्या होळी सणाबद्दल अपमानास्पद टिप्पणी केल्याबद्दल बॉलिवूड सिनेदिग्दर्शिक, कोरियोग्राफर आणि अभिनेत्री फराह खानविरुद्ध एफआयआर दाखल करण्यात आली आहे. सुप्रसिद्ध सोशल मीडिया इन्फ्लूएंसर ‘हिंदुस्तानी भाऊ’ म्हणून प्रसिद्ध असलेल्या विकास पाठक यांनी त्यांचे वकील अली काशिफ खान देशमुख यांच्यामार्फत ही तक्रार दाखल केली आहे. ‘हिंदुस्तानी भाऊ’ने फराह खान विरोधात पोलिस स्थानकात तक्रार दाखल केली आहे.
नुकत्याच मिळालेल्या माहितीनुसार, २० फेब्रुवारी रोजी टेलिकास्ट झालेल्या ‘सेलिब्रिटी मास्टरशेफ’ या टेलिव्हिजन शोच्या एपिसोडमध्ये, फराह खानने केलेल्या वादग्रस्त वक्तव्याबद्दल कायदेशीर कारवाईची मागणी करत शुक्रवारी खार पोलिस स्टेशनमध्ये तक्रार दाखल केली आहे. विकास पाठकने तक्रारीत दावा केला आहे की, फराहने होळी सणाचे वर्णन ‘छपरींचा सण’ असे केले आहे आणि अपमानास्पद असा शब्द वापरला आहे. “फराह खानने केलेल्या ह्या वादग्रस्त वक्तव्यामुळे अनेकांच्या वैयक्तिक धार्मिक भावना आणि मोठ्या हिंदू समुदायाच्या भावना दुखावल्या गेल्या आहेत.” असं हिंदुस्थानी भाऊ म्हणाला.
“Sare chhapri ladkon ka pasandeeda festival Holi hi hota hai” (Holi is the favorite festival of all lecherous boys) -Farah Khan, whose brother Sajid Khan is one of the biggest sexual predators of Urduwood, and who herself directed tr@sh like ‘Main Hoo Na’ depicting ex-Indian… pic.twitter.com/BZcahuEmr2 — HinduPost (@hindupost) February 20, 2025
वकील अली काशिफ खान देशमुख म्हणाले की, “फराह खानने केलेल्या टिप्पणीमुळे हिंदूंच्या धार्मिक भावनांचा अपमान झाल्याचे माझ्या अशिलाचे म्हणणे आहे. पवित्र सणाचे वर्णन करण्यासाठी छपरी हा शब्द वापरणे अत्यंत अयोग्य आहे आणि त्यामुळे जातीय तेढ निर्माण होण्याची शक्यता आहे.”
तक्रारीमध्ये म्हटले की, “माझ्या क्लायंटने तक्रारीत म्हटले की, आरोपीने केवळ माझ्या वैयक्तिक धार्मिक भावना दुखावल्या नाहीत, तर मोठ्या प्रमाणात हिंदू समुदायाला त्रास दिला आहे. या घटनेत फराह खानचा सहभाग आहे. बॉलिवूडची एक आघाडीचे चित्रपट निर्माती आणि नृत्यदिग्दर्शक, ज्यांनी अलीकडेच हिंदू सण होळीबद्दल अत्यंत अपमानास्पद आणि आक्षेपार्ह टिप्पणी केली होती. मी या तक्रारीद्वारे न्याय मागतो. बॉलिवूडची आघाडीची चित्रपट निर्माती आणि नृत्यदिग्दर्शक, ज्यांनी अलीकडेच हिंदू सण होळीबद्दल अत्यंत अपमानास्पद आणि आक्षेपार्ह टिप्पणी केली होती. मी या तक्रारीद्वारे न्याय मागतो.”
‘छावा’ने बॉक्स ऑफिसवर प्रस्थापित केला नवा विक्रम, ऐतिहासिक कथा असलेल्या चित्रपटाची चाहत्यांना भुरळ
फराह खानविरुद्ध विविध कलमांखाली गुन्हा दाखल करण्यात आला आहे. सेलिब्रिटी मास्टरशेफची परीक्षक फराह खानने होळी सणाबद्दल एक टिप्पणी केली. या टिप्पणीसाठी त्यांना सोशल मीडियावर सतत ट्रोल केले जात आहे.
.png "Videos"){kind=small}
