Nora Fatehi: लॉस एंजेलिसमध्ये नोरा फतेही; वाढत्या आगीमुळे हॉटेल केले रिकामे, म्हणाली – ‘हे खूप भयानक आहे’

लॉस एंजेलिसमध्ये बॉलीवूडमधील नोरा फतेही देखील आहे. अभिनेत्रीने नुकताच तिचा एक व्हिडीओ शेअर केला आहे. व्हिडिओमध्ये नोरा म्हणत असल्याचे ऐकू येते की, "मी लॉस एंजेलिसमध्ये आहे आणि जंगलातील आग भयानक आहे."

बॉलीवूड अभिनेत्री आणि नृत्यांगना नोरा फतेहीने अलीकडेच खुलासा केला की लॉस एंजेलिसमध्ये लागलेल्या आगीमुळे तिला आणि तिच्या टीमला हॉटेल रिकामे करण्यास सांगण्यात आले होते. कामासाठी अमेरिकेत गेलेल्या नोराने तिच्या इंस्टाग्राम स्टोरीजवर जंगलातील आगीची झलक शेअर केली आणि तिचा अनुभव चाहते आणि फॉलोअर्ससोबत शेअर केला आहे.

नोराने व्हिडिओ शेअर केला आणि एक धोकादायक दृश्य दाखवले
व्हिडिओमध्ये नोरा म्हणत असल्याचे ऐकू येते, “मी लॉस एंजेलिसमध्ये आहे आणि जंगलातील आग भयानक आहे. मी यापूर्वी कधीही असे काही पाहिले नव्हते. ते खरोखरच भयानक आहे. आम्हाला पाच मिनिटांपूर्वीच बाहेर काढण्याचा आदेश मिळाला. म्हणून मी पटकन सर्व काही पॅक केले.” मी आणि माझे सामान घेऊन इथून निघत आहे. मी विमानतळाजवळ जाईन आणि तिथेच विश्रांती घेईन कारण आज माझी फ्लाईट आहे आणि मला आशा आहे की मी ती पकडू शकेन.” असे म्हणून अभिनेत्रीने हा व्हिडीओ शेअर केला आहे.

कोणाची घरे जळून खाक झाली तर कोणी गमावले कुटुंब; लॉस एंजेलिसच्या आगीमुळे हॉलिवूडमध्ये भीतीचे वातावरण!

हॉटेल लगेच रिकामे केले
ती पुढे म्हणाली, “मला आशा आहे की हे सर्व भयानक असल्याने सगळं काही लवकर सुरळीत होईल. मी तुम्हाला अपडेट देत राहीन. मला आशा आहे की लोक सुरक्षित असतील, मी यापूर्वी कधीही असे काही पाहिले नाही.” तथापि, नोराने ती लॉस एंजेलिसमध्ये का आहे हे उघड केले नाही. अभिनेत्रीचा हा व्हिडीओ आता सोशल मीडियावर व्हायरल होत आहे.

या सेलिब्रिटींची घरे उद्ध्वस्त झाली
लॉस एंजेलिसमधील भीषण आगीत शेकडो घरे नष्ट झाली आहेत आणि यामध्ये जेमी ली कर्टिस, मॅंडी मूर, पॅरिस हिल्टन, ॲडम ब्रॉडी, यूजीन लेव्ही, अँथनी हॉपकिन्स, बिली क्रिस्टल, माइल्स टेलर, केली टेलर आणि अण्णा फारिस यांचा समावेश आहे. यामध्ये काही मोठ्या हॉलिवूड सेलिब्रिटींच्या घरांचाही समावेश आहे. बॉलीवूड इंडस्ट्रीत सध्या भीतीचे वातावरण निर्माण झाले आहे.

‘आशिकी २’ जोडी पुन्हा येणार प्रेक्षकांच्या भेटीस? श्रद्धा कपूर आणि आदित्य रॉय दिसणार रोमँटिक भूमिकेत!

प्रियांकाने पोस्ट शेअर केली
प्रियांका चोप्रासह अनेक सेलिब्रिटींनीही पीडितांबद्दल चिंता आणि पाठिंबा व्यक्त केला. “माझ्या संवेदना प्रभावित सर्वांसोबत आहेत. आशा आहे की आपण सर्वजण आज रात्री सुरक्षित राहू शकू,” प्रियांकाने इंस्टाग्रामवर लिहिले. अग्निशमन दलाचे जवान वेगाने पसरणाऱ्या आगीवर नियंत्रण मिळविण्याचा प्रयत्न करत असताना परिस्थिती गंभीर आहे.