एलॉन मस्क यांच्या आई माय मस्कने जॅकलिन फर्नांडिससोबत घेतलं सिद्धिविनायक मंदिरात दर्शन, पाहा फोटो

७७ वर्षीय माये मस्क गेल्या आठवड्याभरापासून मुंबईतच मुक्कामी आहेत. यावेळी त्यांनी त्यांचा वाढदिवसही मुंबईमध्ये सेलिब्रेट केला. आज (सोमवार- २१ एप्रिल २०२५) माये मस्क या सिद्धिविनायक मंदिरात दर्शनासाठी गेल्याचे फोटो व्हायरल झाले असून त्यांच्यासोबत अभिनेत्री जॅकलिन फर्नांडिसदेखील दिसत आहे. ‘इंडियन सेलिब्रिटीज्’ नावाच्या इन्स्टाग्राम पेजवर हे फोटोज् शेअर करण्यात आले आहेत. माये मस्क आणि जॅकलिन यांनी काल म्हणजेच ईस्टर संडेच्या दिवशी दर्शन घेतला आहे. त्याच दरम्यानचे दर्शन घेतानाचे फोटो आता समोर आले आहेत. काही वेळापासूनच सोशल मीडियावर मंदिरातील दर्शन घेतानाचे फोटोज् व्हायरल होत आहेत.

‘काहे दिया परदेस’नंतर शिव-गौरी पुन्हा एकत्र, कालचक्र थांबवण्यासाठी येतोय ‘समसारा’; मोशन पोस्टरने वेधलं लक्ष

जॅकलिन आणि मेय मस्क यांचे मंदिरात पूजा करताना आणि मंदिराच्या पुजाऱ्याकडून आशीर्वाद घेतानाचे फोटो सोशल मीडियावर व्हायरल होत आहेत. जॅकलिन फर्नांडिस सिद्धिविनायक मंदिरामध्ये दर्शनाकरिता सोनेरी रंगाच्या ड्रेसमध्ये दिसली. तर इलॉन मस्क यांच्या आई माये मस्क या सुद्धा पिवळ्या रंगाच्या ड्रेसमध्ये दिसल्या. मंदिरामध्ये दर्शन घेतल्यानंतर जॅकलीनने हिंदुस्थान टाईम्सला मुलाखत दिली. मुलाखतीत जॅकलिन म्हणाली, “माये यांच्यासोबत सिद्धिविनायक मंदिरात दर्शन घेणं हा खूप सुंदर अनुभव होता. माये त्यांच्या पुस्तकाच्या प्रकाशनासाठी भारतात आल्या आहेत. माये यांच्या पुस्तकातून एका महिलेचा लढा तुम्हाला पाहायला मिळेल. विशेषतः वय हा फक्त एक आकडा असून त्यावरून तुमच्या स्वप्नांचा किंवा ध्येयाचा अंदाज येऊ शकत नाही.”

संबंधित बातम्या