राज्य मराठी चित्रपट पुरस्कार सोहळयात 'बापल्योक'चा डंका
मराठी चित्रपटसृष्टीत मानाचा आणि अत्यंत महत्त्वाचा समजला जाणारा राज्य सरकारचा ५८ आणि ५९ वा महाराष्ट्र राज्य मराठी चित्रपट पुरस्कार सोहळा वरळीच्या डोम एसव्हीपी स्टेडियममध्ये दिमाखात पार पडला. यावेळी पुरस्कार सोहळ्यात ‘बापल्योक’ चित्रपटाने विशेष छाप पाडली. सर्वोत्कृष्ट चित्रपटाच्या द्वितीय पुरस्कारासह चित्रपटाने सर्वोत्कृष्ट दिग्दर्शक (द्वितीय), संवाद, पार्श्वसंगीत, कथा, गीत, सहाय्य्क अभिनेता अशा तब्ब्ल ७ पुरस्कारांवर आपलं नाव कोरलं.
चित्रपटाला पुरस्कार मिळाल्यानंतर आनंद व्यक्त करताना विजय शिंदे, शशांक शेंडे आणि मकरंद माने म्हणाले की, “उत्तम आशयसंपन्न कलाकृतीसाठी एकत्र येत आम्ही ‘बापल्योक’ चित्रपट प्रेक्षकांसाठी आणला. वेगवेगळ्या राष्ट्रीय, आंतरराष्ट्रीय चित्रपट महोत्सवात चित्रपटाने यशाची मोहोर उमटवली असतानाच, मानाच्या राज्य शासनाच्या ५८ व्या महाराष्ट्र राज्य मराठी चित्रपट पुरस्कारांमध्ये मिळालेले यश आम्हाला अनेक नव्या चांगल्या कलाकृतींसाठी बळ देणारं आहे.”
मराठी चित्रपट चांगल्या आशय विषयांवर चालतात हे लक्षात घेऊनवेगळे विषय प्रेक्षकांसमोर आणण्याचा आमचा यापुढेही मानस असल्याचे निर्माते विजय शिंदे यांनी सांगितले. पुरस्काराबद्दल सांगताना दिग्दर्शक मकरंद माने म्हणाले की, ” ‘बापल्योक’ सारखा दमदार चित्रपट सिनेरसिकांपर्यंत पोहोचावा यासाठी घेतलेल्या अथक मेहनतीचे चीज होताना दिसतेय. अशा पुरस्कारांमुळे काम करायला ऊर्जा मिळते. या पुरस्कारासाठी मी राज्य शासनाचा आणि माझ्या आजवरच्या वाटचालीत साथ देणाऱ्या सर्वांचा मी ऋणी आहे.”
हे देखील वाचा – Rajkumar Rao नावात आडनावाचा का वापर नाही करत ? स्वत:च सांगितलं कारण
‘बापल्योक’ चित्रपटाचे नागराज मंजुळे प्रस्तुतकर्ते आहेत. ‘नाईंटीनाईन प्रोडक्शन्स’चे विजय शिंदे आणि बहुरूपी प्रोडक्शन्स’च्या शशांक शेंडे आणि मकरंद माने यांनी या चित्रपटाची निर्मिती केली आहे.
.png "Videos"){kind=small}
