बुधवार, 21 ऑक्टोबर 2026
(फोटो सौजन्य- इन्स्टाग्राम)
बिग बॉस मराठी सीझन 5 चा विजेता सूरज चव्हाणचा 29 नोव्हेंबरला लग्नसोहळा पार पडणार आहे. पुण्यातील सासवड येथील माऊली गार्डन हॉलमध्ये त्याच्या लग्नसोहळ्याचे आयोजन करण्यात आले आहे. आता सूरजच्या घरी लग्नाआधीच्या विधींना सुरूवात झाली आहे. नुकताच सूरज आणि संजनाचा मेहंदी सोहळा पार पडला. लग्नापूर्वी काल सुरजची हळद झाली, त्यामध्ये त्याने धमाकेदार डान्स केला. बिग बॉस मराठीच्या घरात त्याच्यासोबत असलेल्या टीम मेंबरनेही हळदीला हजेरी लावत तूफान डान्स केला आहे. सुरज आणि जान्हवीचा तुफान डान्स सोशल मीडियावर प्रचंड व्हायरल होत आहे. .जान्हवी किल्लेकर ही काल सुरजच्या हळदीसाठी आली होती. सुरजच्या हळदीत जान्हवी गुलाबी ड्रेसमध्ये अतिशय सुंदर दिसत होती.
सूरड जान्हवीला आपली मोठी बहीण मानतो. यामुळे जान्हवी आपल्या भावाच्या लग्नासाठी एक दिवस आधीच त्याच्या गावी म्हणजेच मोढवे इथे पोहोचली. त्याने सगळ्यात आधी तिला आपले नवीन घर दाखवले. भावाचे घर पाहून ति प्रचंड खूश झाली होती. यानंतर तिने हातावर मेहंदी देखील काढून घेतली. सुरजच्या लग्नासाठी त्याच्या बहिणींसह अक्षता तयार केल्या त्यानंतर अभिनेत्रीने सुरजला हळद लावली.
हळद लागल्यानंतर जान्हवी आणि सूरजने जबरदस्त डान्स केला आहे. याचे व्हिडिओ सध्या सोशल मीडियावर तुफान व्हायरल होत आहेत. हळदीत हे दोघे ”झापुक- झुपूक”, ”वाजीव दादा” या गाण्यांवर थिरकताना दिसले आहे.
View this post on Instagram
जान्हवीने याचा व्हिडिओ तिच्या सोशल मीडिया अकाऊंटवर शेअर केला आहे. या व्हिडिओवर चाहत्यांनी कौतुकाचा वर्षाव केला आहे. नेटकऱ्यांनी कमेंट्स केल्या आहेत, एकाने लिहिले, ”मैत्रीला जागलेली खरी कलाकार”, दुसऱ्याने लिहिले, ”खरी मैत्री”, जान्हवी ताई खुप मस्त डान्स केलात, अश्या अनेक कमेंट्स या व्हिडिओवर आल्या आहेत.
सूरज चव्हाणच्या लग्नसोहळ्यासाठी आज अनेक कलाकार उपस्थित राहणार आहेत. आज संध्याकाळी सूरज आणि संजनाचा लग्नसोहळा मोठ्या थाट्यात पार पडणार आहे.
