शनिवार, 17 ऑक्टोबर 2026
(फोटो सौजन्य- इन्स्टाग्राम)
मराठी अभिनेता सुयश टिळकने त्याच्या सोशल मीडियावरुन चाहत्यांना थक्क करणारा विमानतळावरील अनुभव शेअर केला आहे. श्रीलंकेत आलेल्या पुरामुळे सुयश टिळक तब्बल २४ तास एअरपोर्टवर अडकून पडला होता. सुयशने त्याच्या इन्स्टाग्रामवरुन फोटो आणि व्हिडीओ शेअर करत तिथली परिस्थिती दाखवत हा अनुभव शेअर केला आहे. तसेच त्याच्यासोबत अनेक लोक देखील तिथे २४ तास अडकून पडले होते. “तो एक साधा दिवस नसून, भयानक अनुभव होता” असे सुयशचे म्हणणे आहे.
‘कांतारा’मधील ‘या’ सीनची नक्कल करून चांगलाच अडकला रणवीर, धार्मिक भावना दुखावल्याबद्दल झाला ट्रोल
मराठी अभिनेता सुयश टिळकने त्याच्या सोशल मीडियावर काय अनुभव शेअर केला आहे हे आपण आता जाणून घेणार आहोत. श्रीलंकेत आलेल्या पुरामुळे सुयश टिळक तब्बल २४ तास एअरपोर्टवर अडकून पडला होता. सुयशने त्याच्या इन्स्टाग्रामवरुन फोटो आणि या संपूर्ण प्रसंगाचे व्हिडीओ शेअर करत तिथली परिस्थिती दाखवून हा अनुभव शेअर केला आहे. सुयशने शेअर केलेल्या या पोस्टमध्ये श्रीलंकेच्या विमानतळावर प्रचंड गर्दी आणि गोंधळ दिसून येत आहे. फ्लाइट रद्द झाल्याने प्रवासी त्रस्त असल्याचंही पाहायला मिळत आहे. तसेच अनेक प्रवासी वैतागलेले आणि त्रासलेले दिसत आहेत.
View this post on Instagram
अभिनेता सुयशने हा अनुभव शेअर करताना लिहिले, “तो एक साधा दिवस नव्हता आणि हे काही साधे फोटो, व्हिडिओ नाहीत. श्रीलंका जोरदार पाऊस, चक्रीवादळ आणि पुराच्या तडाख्यात सापडली होती आणि आम्हाला भारतात परत उड्डाण करायचं होतं. इमिग्रेशन पूर्ण झाल्यानंतरच आम्हाला उड्डाण विलंब झाल्याची आणि शेवटी रद्द झाल्याची बातमी मिळाली. माझ्यासोबत २१ जणांचा ग्रुप होता. ज्यांची जबाबदारी माझ्यावर आणि माझ्या मित्रांवर/भागीदारांवर होती. एअरलाइन्समध्ये पुरेसा स्टाफ नव्हता. कारण त्यांचा स्वतःचा देश नैसर्गिक आपत्तीने थरथरून गेला होता. स्थानिक लोक कामावर येऊ शकत नव्हते. हवामान उड्डाणासाठी अजिबात अनुकूल नव्हतं.”
तसेच तो पुढे म्हणाला, “काहींना सतत इतरांची मदत लागत होती. काही फक्त मन मोकळं करत होते. काही स्वतःची ताकद दाखवत होते, तर काही खरेखुरे मानवतेने भरलेले, एकमेकांना मदत करणारे. काही जमिनीवरच झोपून परिस्थिती स्वीकारत होते, तर काही त्यांच्या ‘कंफर्ट झोन’पासून बाहेर पडून एका खुर्चीतही बसायला त्रस्त होते. काही स्वतःच्या आजाराशी लढत होते, काहींना अॅलर्जी होत होती; काही पैस खर्च करणारे होते, तर काही अतिशय जपून खर्च करणारे; काही विनाकारण अन्न वाया घालवत होते, तर काही त्यांना मिळालेलं प्रत्येक साधन जपून वापरत होते.!”
या पोस्टमध्ये शेवटच्या व्हिडीओत सुयश आणि इतर प्रवासी विमानातून सुखरुप भारतात परतल्याचं दिसते आहे. सुयशच्या या व्हिडीओवर चाहत्यांनी कमेंटही केल्या आहेत. तसेच श्रीलंकेत आलेल्या पुराबद्दल सांगायचे झाले तर, पूर आणि भूस्खलनामुळे २५ जिल्ह्यांमध्ये तब्बल ८३३,९८५ लोक प्रभावित झाले असून, अंदाजे १५९ लोकांचा मृत्यू झाला आहे, सुमारे २०३ लोक अजून बेपत्ता आहेत.
