ऑस्करच्या स्पर्धेत भारतीय चित्रपटांचा बोलबाला, नामांकनाच्या यादीत ‘या’ चित्रपटांनी पटकावले स्थान

यंदाच्या ऑस्कर पुरस्कारासाठी भारताकडून ‘द छेल्लो शो’ हा गुजराती सिनेमा अधिकृत प्रवेशिका म्हणून पाठवण्यात आला आहे. ऑस्करच्या नामांकनासाठी अनेक चित्रपटांमध्ये स्पर्धा असणार आहे.

ऑस्करनं (Oscars 2023) जगभरातील 301 चित्रपटांची एक रिमाइंडर लिस्ट जाहीर केली आहे.  या रिमाइंडर लिस्टमध्ये भारतातील ‘कांतारा’ (Kantara), ‘गंगूबाई काठियावाडी’ (Gangubai Kathiawadi), ‘द कश्मीर फाईल्स’ (The Kashmir Files) ‘मी वसंतराव’ (Me Vasantrao) , ‘तुझ्यासाठी काहीही’ (Tujhya Sathi Kahi Hi) या सिनेमांच्या नावांचा समावेश आहे.

तगडी स्पर्धा
यंदाच्या ऑस्कर पुरस्कारासाठी भारताकडून ‘द छेल्लो शो’ हा गुजराती सिनेमा अधिकृत प्रवेशिका म्हणून पाठवण्यात आला आहे. ऑस्करच्या नामांकनासाठी अनेक चित्रपटांमध्ये स्पर्धा असणार आहे. ‘द कश्मिर फाईल्स’, ‘कांतारा’, ‘मी वसंतराव’, ‘तुझ्यासाठी काहीही’, ‘आरआरआर’, ‘गंगूबाई काठियावाडी’, ‘रॉकेट्री’ आणि ‘विक्रांत रोना’ हे सिनेमे नामांकनाच्या शर्यतीत आहेत. ऑस्करच्या नामांकनाची अंतिम यादी 25 जानेवारीला जाहीर होणार आहे.

‘द कश्मीर फाईल्स’ या चित्रपटाचं दिग्दर्शन विवेक अग्निहोत्री यांनी केले आहे. ऑस्करच्या रिमांइडर लिस्टमध्ये ‘द कश्मीर फाईल्स’ या चित्रपटाचा समावेश झाल्यानंतर विवेक अग्निहोत्री यांनी एक ट्वीट शेअर केले आहे.

See more

BIG ANNOUNCEMENT: #TheKashmirFiles has been shortlisted for #Oscars2023 in the first list of @TheAcademy. It’s one of the 5 films from India. I wish all of them very best. A great year for Indian cinema. ???

— Vivek Ranjan Agnihotri (@vivekagnihotri) January 10, 2023

या ट्वीटमध्ये त्यांनी लिहिलं, ‘द कश्मीर फाईल्स’ हा चित्रपट ऑस्कर 2023 च्या पहिल्या यादीमध्ये शॉर्टलिस्टेड झाला आहे. हा भारतातील शॉर्टलिस्टेड झालेल्या एकूण पाच चित्रपटांपैकी एक आहे. मी सर्वांना शुभेच्छा देतो. हे वर्ष भारतीय सिनेमासाठी अत्यंत खास आहे.

[read_also content=”बिग बॉसच्या घरात साजिदला भेटल्यावर फराह खानला अश्रू अनावर, नेटकऱ्यांनी फॅमिली ड्रामा म्हणत भावा बहिणीला केलं ट्रोल https://www.navarashtra.com/entertainment/farah-khan-and-sajid-khan-trolled-for-drama-in-bigg-boss-16-show-nrsr-360695/”]

मिळालेल्या माहितीनुसार 95 वा अकादमी पुरस्कार सोहळा 12 मार्च 2023 रोजी लॉस एंजेलिसच्या डॉली थिएटरमध्ये आयोजित केला जाणार आहे. टीव्ही प्रेझेंटर जिमी किमेल यंदा ऑस्कर सोहळ्याचे सूत्रसंचालन करणार आहेत. यंदाच्या ऑस्कर पुरस्कार सोहळ्यात कोणते चित्रपट बाजी मारणार याकडे सगळ्यांचं लक्ष लागलं आहे. मात्र भारतीय चित्रपटांपैकी एकातरी चित्रपटाला यावर्षी ऑस्कर मिळावा, अशी अपेक्षा सिनेरसिक व्यक्त करत आहे.