सुंदर दिसण्यासाठी महागडे फेसपॅक किंवा फेशिअल करण्याऐवजी आहारात करा ‘या’ पदार्थांचे सेवन, दिसाल अधिक तरुण

त्वचेला पोषण देण्यासाठी दिवसाची सुरुवात आवळ्याच्या रसाने करावी. आवळ्याच्या रसामध्ये भरपूर प्रमाणात विटामिन सी आढळून येते, ज्यामुळे त्वचेला पोषण मिळवून चेहरा उजळदार होतो.

नाश्त्यामध्ये सुका मेवा, वेगवेगळी फळे इत्यादी पदार्थांचे सेवन करावे. यामुळे दिवसभर पोट भरलेले राहते आणि संपूर्ण दिवस आनंदात जातो.

रात्रीच्या वेळी झोपण्याआधी बदाम दुधाचे सेवन करावे. यामुळे त्वचेवर चमक वाढते आणि त्वचेला योग्य ते पोषण मिळते.

पचनक्रिया सुधरण्यासाठी पपईचे सेवन करावे. पपई खाल्यामुळे शरीरातील विषारी घटक बाहेर पडून जातात आणि त्वचेवर उष्णता, पिंपल्स येत नाहीत.

जेवणातील पदार्थांमध्ये काकडी, पुदिना, दही इत्यादी पदार्थांपासून बनवलेला रायता खावा. यामुळे त्वचेवर चमक वाढते आणि पिंपल्स कमी होऊन जातात.