आतड्यांच्या कॅन्सरचा धोका टाळण्यासाठी आहारात करा ‘या’ पदार्थांचा समावेश, डॉक्टर सौरभ सेठींनी सांगितलेला प्रभावी उपाय

सावधान! ‘इथे’ वाढतोय धोकादायक विषाणू, शरीरातील ‘ही’ लक्षणे वेळीच ओळखा, अन्यथा गमवाल जीव

दैनंदिन आहारात खाल्लेल्या पदार्थांचा थेट परिणाम शरीरावर होतो. तिखट, तेलकट तर लाल मांस वारंवार खाल्ल्यामुळे आतड्यांच्या कॅन्सरची लागण होण्याची जास्त शक्यता असते. त्यामुळे आतड्यांच्या कॅन्सरसारख्या गंभीर आजारापासून शरीराचा बचाव करण्यासाठी डॉ. सौरभ सेठी यांनी सांगितलेल्या या पदार्थांचे नक्कीच आहारात सेवन करा. रोजच्या सवयी शरीरासाठी घातक ठरतात. त्यामुळे कायमच हेल्दी आणि शरीरास सहज पचन होणाऱ्या पदार्थांचे सेवन करणे आवश्यक आहे. आतड्यांचे आरोग्य सुधारण्यासाठी आहारात या पदार्थांचा नाक्कीच समावेश करा.

कडधान्ये:

रोजच्या आहारात किंवा सकाळच्या नाश्त्यात कायमच विकतचे पदार्थ आणून खाण्यापेक्षा घरी बनवलेल्या पौष्टीक पदार्थांचे सेवन करावे. सकाळच्या नाश्त्यात मोड असलेली कडधान्ये खाल्ल्यास पोट दीर्घकाळ भरलेले राहते आणि शरीराला सुद्धा असंख्य फायदे होतात. बीन्स आणि विविध डाळींमध्ये केवळ प्रथिनेच नाहीतर रेझिस्टंट स्टार्च सुद्धा आढळून येतात. ज्यामुळे छोट्या आतड्यांमध्ये न पचन होता थेट मोठ्या आतड्यांमध्ये पचन होतात. रोज किमान १०० ग्रॅम कडधान्ये खावेत. यामुळे आतड्याना कधीही सूज येत नाही आणि आतड्यांच्या कॅन्सरचा धोका सुद्धा कमी होतो.

दही किंवा ताक:

उन्हाळ्यासह इतर सर्वच ऋतूंमध्ये दही किंवा ताक पिणे आवश्यक आहे. दही, ताक प्याल्यामुळे खाल्लेले अन्नपदार्थ पचन होतात आणि आतड्यांचे आरोग्य सुधारते. आंबवलेल्या पदार्थांमध्ये भरपूर प्रमाणात प्रोबायोटिक्स आढळून येतात. ज्यामुळे आतड्यांमध्ये चांगल्या बॅक्टरीया निर्माण होण्यास मदत होते. चांगल्या बॅक्टरीयांची वाढ झाल्यामुळे कर्करोग निर्माण करणाऱ्या पेशींना वाढण्यास जागा मिळत नाही. शरीरात जमा झालेले विषारी घटक बाहेर काढून टाकण्यासाठी दुपारच्या जेवणानंतर नियमित एक ग्लास ताक किंवा वाटीभर दही खावे.

मेंदू आणि रक्‍तातील ग्लुकोजचा संबंध? अल्झायमर, Diabetes आणि CGM यांच्‍यामधील समान दुवा, तज्ज्ञांचा खुलासा

लसूण:

जेवणाची चव वाढवण्यासाठी फोडणीत लसुणचा वापर मोठ्या प्रमाणावर केला जातो. लसूण खाल्ल्यामुळे शरीराला भरमसाट फायदे होतात. यामध्ये असलेले सल्फर घटक आणि फ्लेव्होनॉइड्स घटक कॅन्सरपासून शरीराचा बचाव करतात. लसूण खाल्ल्यामुळे आतड्यांमध्ये जमा झालेले हानिकारक घटक बाहेर पडून जातात आणि शरीर स्वच्छ होण्यास मदत होते. तसेच आहारात वेगवेगळ्या पालेभाज्यांचे सुद्धा सेवन करावे. कोबी, फ्लॉवर, ब्रोकोली या भाज्यांमध्ये असलेले ‘सल्फोराफेन’ कर्करोग निर्माण करणाऱ्या पेशी बाहेर काढून टाकतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या