मान्यतेनुसार, मानव हा पृथ्वीवर एकूण सात वेळा जन्म घेतो. सात जन्म असले तरी प्रत्येक जन्मात तुम्ही मानव रूपातच जन्म घ्याल, याची शाश्वती नाही. आपल्या कर्मानुसार आपला पुढचा जन्म दिला जातो. मग तो प्राण्यांचा जन्म असो, माशाचा किंवा मग मानवाचा... तथापि हा आपला कितवा जन्म आहे किंवा आपण मागील जन्मात नक्की कोण होतो याची माहिती कुणालाही नाही. विज्ञानाकडेही याचे उत्तर नाही. पण आम्ही तुम्हाला सांगतो की, ज्योतिषीय तत्त्वांचा वापर करून तुम्ही भूतकाळातील आपल्या जन्मांबद्दल जाणून घेऊ शकता.
आपण मागच्या जन्मी कोण होतो याचा सुगावा कसा लावायचा? ज्योतिषशास्त्र करेल तुमची मदत
कुंडलीतील पहिले घर, ग्रहांची स्थिती आणि पाचवे घर यांवरून मागील जन्माबद्दल काही संकेत मिळतात. पहिल्या घरात सूर्य उच्च किंवा शुभ राशीत असेल तर मागील जन्मात व्यक्तीने सन्मानाने, राजासारखे जीवन जगलेले असते, तर नीच किंवा अशुभ सूर्य चुकीचे कर्म दर्शवतो.
लग्नात गुरू असल्यास मागील जन्म धार्मिक आणि सदाचारी, तर शनि किंवा राहू असल्यास पाप किंवा कठीण जीवनाचे संकेत असतात. ग्रह त्रिक भावात (६, ८, १२) असतील तर वाईट संगत किंवा चुकीची कर्मे झाली असावीत.
अनेक ग्रह नीच असतील तर मागील जन्म कठीण किंवा अप्रिय असे आणि जर अनेक ग्रह उच्च असतील तर मागील जन्म सुखी आणि सुंदर असल्याचा दावा केला जाऊ शकतो.
जर शनि अकराव्या, सातव्या किंवा चौथ्या घरात असेल तर त्या व्यक्तीने मागील जन्मात काही पाप केले असेल. जर ४ किंवा त्याहून अधिक ग्रह उच्च स्थितीत असतील तर त्या व्यक्तीचे मागील जन्मात खूप सुंदर जीवन जगले असेल.
पाचवे घर शुभ ग्रहांनी प्रभावित असल्यास मागील जन्मातील चांगल्या कर्मांचे फळ या जन्मातही मिळते; पण पाचवे घर अशुभ ग्रहांनी प्रभावित असल्यास मागील जन्मातील पापांचे परिणाम या जन्मात सुधारण्याची गरज दाखवतात.
