अद्याप वरुणराजाचं आगमन झालं नसलं तरी लालबागाचा राजाच्या आगमनाची चाहूल मात्र लागली आहे. जगभरातील करोडो गणेशभक्तांचं अराध्य दैवत असलेल्या लालबागच्या राजाचं आज विधिवत पाऊल पूजन करण्यात आलं. सार्वजनिक गणेशोत्सव मंडळाचे अध्यक्ष बाळासाहेब कांबळे यांच्या हस्ते लालबागाच्या राजाच्या मूर्तीचे पाऊल पूजन पार पडले.
लालबागच्या राजाच्या आगमनाची चाहूल! पाद्यपूजनाने तयारीला सुरुवात, फोटोज आले समोर
मुंबईचा 'लालबागचा राजा' करोडो भाविकांचे श्रद्धास्थान असून पावासाच्या आगमनासह आता भाविकांच्या बाप्पाच्या येण्याची आतुरता लागून राहिली आहे.
आज, मंगळवार दि. ९ जून २०२६ रोजी लालबागचा राजा सार्वजनिक गणेशोत्सव मंडळाचे ९३ वे गणेश मुहूर्तपूजन उत्साहात आणि विधिवत पार पडले.
नेहमीप्रमाणे मंडळाचे अध्यक्ष बाळासाहेब कांबळे यांच्या हस्ते हनुमान मंदिरात पहाटेच लालबागाच्या राजाच्या मूर्तीचे पाऊल पूजन आज करण्यात आले.
आज पासून लालबागचा राजाची मूर्ती घडवण्याचे काम मूर्तीकार कांबळी बंधूंच्या हस्ते सुरू होणार आहे.
लालबागचा राजा देशभर प्रसिद्ध असून दरवर्षी त्याचे दर्शन घेण्यासाठी लाखो भाविकांची गर्दी मुंबईत दाखल होते. नवसाला पावणारा गणपती म्हणूनही भाविकांमध्ये तो खूप लोकप्रिय आहे.
